Histori long Papua Niugini
From Wikipedia
Sampela ol tumbuna lain bin stap insait long dispela hap yumi save kalim Papua Niugini long taim bipo bipo tru. Sampela save man ol givim tok olseme evidens i stap olsem ol tumbuna bilong Papua Niugini bin stat long mekim pasin egrikulture 9000 yia bipo. Sapos dispela tok em i stret, dispela bai mekim Papua Niugini wanpela bilong tripela hap insait long world we ol bin statim pasin egrikulture. Sampela exploa lain bin givim dispela nem "Papua" long kantri olsem nau dispela em i gat mining long narepela tokples kain olsem man wantaim dripela het gras. Dispela nem "niugini" bin kam olsem wanpela narepela exploa bin kisim tink tink olsem ol manmeri bilong Papua Niugini ol gat luks i stap klostu long ol lain bilong Gini, ples long Afrika.
Long 1884 Germani bin kolonisim hap bilong Papua Niugini long not sait. Long dispela yia tu, Inglan bin kisim kontrol bilong sout sait bilong Papua Niugini. Long 1904 Australia bin stat long bosim dispela sout sait, long taim ol Inglis lain givim kontrol i go long Australia. Long World War 1 Australia bin kisim kontrol long sait bilong Germani na bihain long pait i finis dispela nupela "League of Nations" bin givim kontrol bilong not sait i tu go long Australia. Bihain long World War 2 Australia bin stat long bosim ol kain olsem ol i wanpela hap tasol, nau em i kisim nem, "Territory of Papua and New Guinea".
Papua Niugini bin kamap olsem wanpela indepnenden kantri long September 16, 1975. Sir Michael Somare bin stap olsem namba wan prime minista bilong nupela kantri. Wanpela hevi bin kamap long ailan bouganville long 1988 i go long 1997 we ol lain Bouganville ol bin i gat laik bilong lusim Papua Niugini na statim nupela kantri bilong ol. Dispela hevi bin go daun long 1997 na naut Bouganville stap olseme atonomas territori. Long yia 2005 Papua Niugini bin celebratim 30 yia aniversari bilong en.
