Räsmi tel
Wikipedia'dan
Räsmi tel ul il, däwlät yä ki başqa cirlär qanunnamasında maxsus belderep quyılğan tel. (Qanunnamasız illärdä tel “räsmi” bulıp atalsa da ul räsmi tügel.)
Dönyada bulğan illärneñ yartısında räsmi telläre bar. Beräwlärdä ber genä räsmi tel bar, mäsälän Albanía, Fransía, Almanía wä Lituada. Başqalarda berniçä räsmi tel bula'la: Belarus, Belgiä, Kanada, Finlândiä, Äfğänstan, Paraguay, Bolivia, Hindstan, İswiçrä wä Könyaq Afrika.
Ğíraq, İtalia, Räsäy wä İspania kük qayber illärdä ber genä tel räsmi itep berketelgän, ämma alarnıñ ayırım öleşlärendä başqa östämä tellär dä räsmi bulıp yörilär. Quşma Ştatlar kebek berniçä illärdä räsmi tellär yuq, alarnıñ ayırım töbäklärendä bulsa da. Häm inde Australia, Äritrea, Lüksemburg, İswäc wä Tuvalu kük berniçä ildä räsmi tellär bötenläy yuq.
Kolonízasínı kürgän Fillipinnar belän Afrikanıñ berniçä ilendä räsmi wä uqıtu tele itep berketelgän tellär cirle dä tügel, kiñ qullanıla torğan da tügel. Qapma qarşı mísal itep İrlandianı kiterergä bula, monda İrland telendä bik äz keşe söyläşsä dä ul berençe räsmi tel bulıp atalğan, İngliz tele isä iñ kiñ qullanıla torğan bulsa da ul ikençe räsmi tel bulıp qına atalğan (İrlandia Qanunnaması, 8. mätdä).
[üzgärtü] Monı da uqı
- Räsmi tellär tezmäse
- Ädäbi tel
rf:Langue officielle
