ﺭﻭﺳﯩﻴﻪ - ﻳﺎﭘﻮﻧﯩﻴﻪ ﯰﺭﯗﺷﻰ
From Wikipedia
ﺭﻭﺳﯩﻴﻪ - ﻳﺎﭘﻮﻧﯩﻴﻪ ﯰﺭﯗﺷﻰ 20 - ﯬﺳﯩﺮﻧﯩﯔ ﺑﺎﺷﻠﯩﺮﯨﺪﺍ ﻳﺎﭘﻮﻧﯩﻴﻪ ﺑﯩﻠﻪﻥ ﺭﻭﺳﯩﻴﻪ ﺟﯘﯕﮕﻮﻧﯩﯔ ﺷﻪﺭﻗﯩﻲ ﺷﯩﻤﺎﻟﯩﻨﻰ ﯞﻩ ﭼﺎﯞﺷﻪﻧﻨﻰ ﺗﺎﻟﯩﺸﯩﺶ ﻳﯜﺯﯨﺴﯩﺪﯨﻦ ﺋﯧﻠﯩﭗ ﺑﺎﺭﻏﺎﻥ ﺟﺎﻫﺎﻧﮕﯩﺮﻻﺭ ﯰﺭﯗﺷﻰ . ﯰ ﯪﻣﯩﺮﯨﻜﺎ - ﺋﯩﺴﭙﺎﻧﯩﻴﻪ ﯰﺭﯗﻳﺸﻰ، ﯬﻧﮕﯩﻠﯩﻴﻪ - ﺑﻮﺭ ﯰﺭﯗﺷﻰ ﺑﯩﻠﻪﻥ ﺑﯩﺮﻟﯩﻜﺘﻪ ﯬﺭﻛﯩﻦ ﻛﺎﭘﯩﺘﺎﻟﯩﺰﻣﻨﯩﯔ ﺟﺎﻫﺎﻧﮕﯩﺮﻟﯩﻚ ﺑﺎﺳﻘﯘﭼﯩﻐﺎ ﻛﯩﺮﮔﻪﻧﻠﯩﻜﯩﻨﻰ ﭼﯜﺷﻪﻧﺪﯛﺭﯛﭖ ﺑﯩﺮﯨﺪﯨﻐﺎﻥ ﺗﺎﺭﯨﺨﯩﻲ ﺑﻪﻟﮕﻪ ﺑﻮﻟﯘﭖ ﻫﯩﺴﺎﭘﻠﯩﻨﯩﺪﯗ . ﻳﺎﭘﻮﻧﯩﻴﻪ ﺑﯩﻠﻪﻥ ﺭﻭﺳﯩﻴﻪ ﻳﯩﺮﺍﻕ ﺷﻪﺭﻗﻘﻪ ﺧﻮﺟﺎﻳﯩﻦ ﺑﻮﻟﯘﺵ ﯴﭼﯜﻥ ﺟﯘﯕﮕﻮﻧﯩﯔ ﺷﻪﺭﻗﻰ ﺷﯩﻤﺎﻟﯩﻨﻰ ﯞﻩ ﭼﺎﯞﺷﻪﻧﻨﻰ ﺗﺎﻟﯩﺸﯩﭗ ﺷﯩﺪﺩﻩﺗﻠﯩﻚ ﯰﺭﯗﺵ ﻗﯩﻠﺪﻯ . 1895 - ﻳﯩﻠﻰ ﻳﺎﭘﻮﻧﯩﻴﻪ ﺟﻴﺎﯞﯗ ﯰﺭﯗﺷﯩﺪﺍ ﻏﻪﻟﯩﺒﻪ ﻗﺎﺯﺍﻧﻐﺎﻧﺪﯨﻦ ﻛﯩﻴﯩﻦ ﭼﯩﯔ ﺳﯘﻻﻟﯩﺴﻰ ﻫﯚﻛﯜﻣﯩﺘﯩﻨﻰ ﺳﯩﻤﻮﻧﻮﺳﯧﻜﻰ ﺷﻪﺭﺗﻨﺎﻣﯩﺴﯩﻨﻰ ﺋﯩﻤﺰﺍﻻﺷﻘﺎ ﻣﻪﺟﺒﯘﺭ ﻗﯩﻠﺪﻯ . ﺑﯘ ﺷﻪﺭﺗﻨﺎﻣﯩﺪﯨﻜﻰ ﺟﯘﯕﮕﻮﻧﯩﯔ ﻟﻴﺎﯞﺩﻭﯓ ﻳﯩﺮﯨﻢ ﯪﺭﯨﻠﯩﻨﻰ ﻳﺎﭘﻮﻧﯩﻴﯩﮕﻪ ﻛﯧﺴﯩﭗ ﺑﯩﺮﯨﺶ ﺗﻮﻏﺮﯨﺴﯩﺪﯨﻜﻰ ﻣﺎﺩﺩﺍ ﭼﺎﺭﺭﻭﺳﯩﻴﯩﻨﯩﯔ ﻧﻪﺯﻩﺭﯨﺪﻩ ﯲﺯﯨﻨﯩﯔ ﺧﯘﺳﯘﺳﯩﻲ ﻧﯩﺴﯩﯟﯨﺴﯩﻨﻰ ﺑﺎﺷﻘﯩﻼﺭ ﻳﻪﯞﺍﻟﻐﺎﻧﺪﻩﻙ ﺑﯩﺮ ﺋﯩﺶ ﺋﯩﺪﻯ . ﺷﯘﯕﺎ، ﺑﯩﺮ ﻟﯩﺸﯩﭗ ﯮﺗﺘﯘﺭﻏﺎ ﭼﯩﻘﯩﭗ ﯪﺭﯨﻠﯩﺸﯩﭗ، ﻳﺎﭘﻮﻧﯩﻴﯩﻨﻰ ﺟﯘﯕﮕﻮﻏﺎ ﻟﻴﺎﯞﺩﻭﯓ ﻳﯩﺮﯨﻢ ﯪﺭﯨﻠﯩﻨﻰ ﻗﺎﻳﺘﯘﺭﯗﭖ ﺑﯩﺮﯨﺸﻜﻪ ﻗﯩﺴﺘﯩﺪﻯ . ﻳﺎﭘﻮﻧﯩﻴﻪ ﺑﯘﺋﯩﺶ ﯴﭼﯜﻥ ﺭﻭﺳﯩﻴﯩﮕﻪ ﯪﺩﺍﯞﻩﺕ ﺳﺎﻗﻠﯩﺪﻯ . ﯰﻧﯩﯖﺪﯨﻦ ﻛﯩﻴﯩﻦ ﻳﺎﭘﻮﻧﯩﻴﻪ ﻳﻪﻧﻪ "ﭼﻮﯓ ﻗﯘﺭﯗﻗﻠﯘﻕ ﺳﯩﻴﺎﺳﯩﺘﻰ" ﻧﻰ ﺗﯜﺯﯛﭖ ﭼﯩﻘﯩﭗ، ﭼﺎﯞﺷﻪﻧﻨﻰ ﻳﯘﺗﯘﯞﯨﻠﯩﺶ، ﺟﯘﯕﮕﻮﻧﻰ ﻣﯘﻧﻘﻪﺭﺯ ﻗﯩﻠﯩﺶ، ﺷﻪﺭﻗﯩﻲ ﯪﺳﯩﻴﺎﻏﺎ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﺶ ﻏﻪﺭﯨﺰﯨﺪﻩ ﺑﻮﻟﺪﻯ . 1900 - ﻳﯩﻠﻰ ﺭﻭﺳﯩﻴﻪ 8 ﺩﯙﻟﻪﺕ ﺑﯩﺮﻟﻪﺷﻤﻪ ﯪﺭﻣﯩﻴﯩﺴﻰ ﻳﯧﺨﯧﺘﯘﻩﻥ ﻫﻪﺭﯨﻜﯩﺘﯩﻨﻰ ﺑﺎﺳﺘﯘﺭﻏﺎﻥ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ، ﺟﯘﯕﮕﻮﻧﯩﯔ ﭘﯜﺗﯜﻥ ﺷﻪﺭﻗﻰ ﺷﯩﻤﺎﻟﯩﻨﻰ ﻗﻮﺷﯘﻥ ﭼﯩﻘﯩﺮﯨﭗ ﺑﯧﺴﯩﯟﺍﻟﺪﻯ ، ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ ﭼﺎﯞﺷﻪﻧﻨﻰ ﺑﯧﺴﯩﯟﯨﻠﯩﭗ، ﯲﺯﯨﻨﯩﯔ ﻗﯩﻠﯩﯟﯨﻠﯩﺸﻘﺎ ﯰﺭﯗﻧﺪﻯ . ﺭﻭﺳﯩﻴﯩﻨﯩﯔ ﺗﺎﺟﺎﯞﯗﺯ ﭼﯩﻠﯩﻘﻰ ﻳﺎﭘﻮﻧﯩﻴﻪ، ﯬﻧﮕﯩﻠﯩﻴﻪ، ﯪﻣﯩﺮﯨﻜﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﻛﯜﭼﻠﯜﻙ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﺪﻯ . 1902 - ﻳﯩﻠﻰ ﯬﻧﮕﯩﻠﯩﻴﻪ ﺭﻭﺳﯩﻴﯩﻨﯩﯔ ﻳﯩﺮﺍﻕ ﺷﻪﺭﺗﯩﻜﻰ ﻛﯩﯖﻪﻳﻤﯩﭽﯩﻠﯩﻜﯩﻨﻰ ﭼﻪﻛﻠﻪﺵ ﯴﭼﯜﻥ ﻳﺎﭘﻮﻧﯩﻴﻪ ﺑﯩﻠﻪﻥ ﺋﯩﺘﺘﯩﭙﺎﻕ ﺗﯜﺯﺩﻯ . ﮔﯩﺮﻣﺎﻧﯩﻴﻪ ﻳﯩﺮﺍﻕ ﺷﻪﺭﻗﺘﻪ ﺭﻭﺳﯩﻴﯩﻨﻰ ﭼﻪﻛﻠﻪﭖ ﺗﯘﺭﯗﺵ ﯴﭼﯜﻥ ﻛﯜﭼﯩﻨﯩﯔ ﺑﺎﺭﯨﭽﻪ ﻳﺎﭘﻮﻧﯩﻴﯩﻨﻰ ﺭﻭﺳﯩﻴﯩﮕﻪ ﻗﺎﺭﺷﻰ ﯰﺭﯗﺵ ﻗﯩﻠﯩﺸﻘﺎ ﻛﯜﺷﻜﯜﺭﺗﺘﻰ . ﯪﻣﯩﺮﯨﻜﯩﻤﯘ ﻳﺎﭘﻮﻧﯩﻴﻪ ﺑﯩﻠﻪﻥ ﺭﻭﺳﯩﻴﻪ ﯰﺭﯗﺷﯘﭖ ﻣﻪﻏﻠﯘﭖ ﺑﻮﻟﯘﺷﻘﺎﻥ ﯞﻩ ﺑﺎﺵ - ﻛﯚﺯﻯ ﻗﺎﻥ ﺑﻮﻟﯘﺷﻘﺎﻥ ﭘﯘﺭﺳﻪﺗﺘﻪ ﺗﻮﭘﯩﻼﯕﺪﯨﻦ ﺗﻮﻏﺎﭺ ﯮﻏﺮﯨﻼﺵ ﻣﻪﻗﺴﯩﺘﯩﺪﻩ ﻳﺎﭘﻮﻧﯩﻴﯩﻨﻰ ﺭﻭﺳﯩﻴﯩﮕﻪ ﻗﺎﺭﺷﻰ ﯰﺭﯗﺵ ﻗﯩﻠﯩﺸﻘﺎ ﻛﯜﺷﻜﯜﺭﺗﺘﻰ . ﻓﯩﺮﺍﻧﺴﯩﻴﻪ ﺑﻮﻟﺴﺎ ﭼﺎﺭ ﺭﻭﺳﯩﻴﯩﻨﻰ ﻗﻮﻟﻼﭖ، ﯬﻧﮕﯩﻠﯩﻴﻪ - ﻳﺎﭘﻮﻧﯩﻴﻪ ﺋﯩﺘﺘﯩﭙﺎﻗﯩﻐﺎ ﻗﺎﺭﺷﻰ ﺗﯘﺭﺩﻯ . ﻫﻪﺭﻗﺎﻳﺴﻰ ﯬﻝ ﻗﺎﺭﺍﻗﭽﯩﻠﯩﺮﻯ ﭘﯘﺕ ﺗﯩﭙﯩﺸﯩﭗ، ﻗﻮﺭﺳﺎﻕ ﯰﺭﯗﺷﻰ ﻗﯩﻠﯩﯟﺍﺗﻘﺎﻥ ﺷﺎﺭﺍﺋﯩﺘﺘﺎ ﻳﺎﭘﻮﻧﯩﻴﻪ ﺑﯩﻠﻪﻥ ﺭﻭﺳﯩﻴﻪ ﻫﻪﺭﺑﯩﻲ ﻫﺎﺯﯨﺮﻟﯩﻖ ﻟﯩﺮﯨﻨﻰ ﺟﯩﺪﺩﯨﻲ ﻟﻪﺷﺘﯜﺭﯛﭖ، ﻛﯜﭺ ﺳﯩﻨﯩﺸﯩﺶ ﯴﭼﯜﻥ ﯰﺭﯗﺷﻘﺎ ﺗﻪﻳﻴﺎﺭﻻﻧﺪﻯ .
ﯬﻧﮕﯩﻠﯩﻴﻪ ، ﯪﻣﯩﺮﯨﻜﺎ، ﮔﯩﺮﻣﺎﻧﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﻛﯜﺷﻜﯜﺭﺗﯩﺸﻰ ﯪﺭﻗﯩﺴﯩﺪﺍ ﻳﺎﭘﻮﻧﯩﻴﻪ 1904 - ﻳﯩﻠﻰ 2 - ﯪﻳﻨﯩﯔ 8 - ﻛﯜﻧﻰ ﻛﯩﭽﯩﺪﻩ ﺟﻪﯓ ﺋﯧﻼﻥ ﻗﯩﻠﻤﺎﻳﻼ ﯰﺭﯗﺵ ﻗﯩﻠﯩﭗ، ﺟﯘﯕﮕﻮﻧﯩﯔ ﻟﯘﺷﯜﻥ ﭘﻮﺭﺗﯩﺪﺍ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻥ ﺭﻭﺳﯩﻴﻪ ﻓﯩﻠﻮﺗﯩﻐﺎ ﺗﯘﻳﯘﻗﺴﯩﺰ ﻫﯘﺟﯘﻡ ﻗﯩﻠﯩﭗ، ﻳﺎﭘﻮﻧﯩﻴﻪ - ﺭﻭﺳﯩﻴﻪ ﯰﺭﯗﺷﯩﻨﻰ ﺑﺎﺷﻠﯩﯟﻩﺗﺘﻰ . ﮔﻪﺭﭼﻪ ﺭﻭﺳﯩﻴﻪ ﯪﺭﻣﯩﻴﯩﺴﯩﻨﯩﯔ ﯪﺩﻩﻡ ﺳﺎﻧﻰ ﻳﺎﭘﻮﻧﯩﻴﻪ ﯪﺭﻣﯩﻴﯩﺴﯩﻨﯩﯖﻜﯩﺪﯨﻦ ﻛﯚﭖ ﺑﻮﻟﺴﯩﻤﯘ، ﯰﺭﯗﺵ ﺗﻪﻳﻴﺎﺭﻟﯩﻖ ﻳﯩﺘﻪﺭﻟﯩﻚ ﺑﻮﻟﻤﯩﻐﺎﻧﻠﯩﻘﻰ، ﻫﻪﺭﺑﯩﻲ ﺗﯩﺨﻨﯩﻜﯩﺴﻰ ﯪﺭﻗﯩﺪﺍ ﻗﺎﻟﻐﺎﻧﻠﯩﻘﻰ ، ﯪﺭﻗﺎ ﺳﻪﭖ ﺗﻪﻣﯩﻨﺎﺕ ﻟﯩﻨﯩﻴﯩﺴﻰ ﺑﻪﻙ ﯰﺯﯗﻥ ﺑﻮﻟﻐﺎﻧﻠﯩﻘﻰ ، ﺟﻪﯓ ﻣﻪﻳﺪﺍﻧﯩﺪﯨﻜﻰ ﻗﻮﻣﺎﻧﺪﺍﻧﻼﺭﻧﯩﯔ ﺋﯩﻘﺘﯩﺪﺍﺭﺳﯩﺰﻟﯩﻘﻰ ﺗﯜﭘﻪﻳﻠﯩﺪﯨﻦ، ﯰﺭﯗﺵ ﺩﺍﯞﺍﻣﯩﺪﺍ ﯪﺭﻗﺎ ﯪﺭﻗﯩﺪﯨﻦ ﯮﯕﯘﺷﺴﯩﺰﻟﯩﻘﻘﺎ ﯰﭼﺮﺍ ﯞﻩﺭﺩﻯ 1904 - ﻳﯩﻠﻰ 4 - ﯪﻳﺪﯨﻦ 8 - ﯪﻳﻐﯩﭽﻪ ﻳﺎﭘﻮﻧﯩﻴﻪ ﯪﺭﻣﯩﻴﯩﺴﻰ ﻟﯘﺷﯜﻥ ﭘﻮﺭﺗﯩﺪﺍ ﻗﺎﻣﯩﻠﯩﭗ ﻗﺎﻟﻐﺎﻥ ﺭﻭﺳﯩﻴﯩﻨﯩﯔ ﺗﯩﭻ ﯮﻛﻴﺎﻥ ﻓﯩﻠﻮﺗﯩﻨﯩﯔ ﯪﺳﺎﺳﯩﻲ ﻛﯜﭼﯩﻨﻰ ﺗﺎﺭﻣﺎﺭ ﻗﯩﻠﺪﻯ . ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﻳﺎﭘﻮﻧﯩﻴﻪ ﻗﯘﺭﯗﻗﻠﯘﻕ ﯪﺭﻣﯩﻴﯩﺴﻰ ﭼﺎﯞﺷﻪﻥ ﯞﻩ ﻟﻴﺎﯞﺩﻭﯓ ﻳﯩﺮﯨﻢ ﯪﺭﯨﻠﯩﺪﺍ ﯮﯕﯘﺷﻠﯘﻕ ﻫﺎﻟﺪﺍ ﻗﯘﺭﯗﻗﻠﯘﻗﻘﺎ ﭼﯩﻘﯩﭗ، ﺷﯩﻤﺎﻟﺪﺍ ﺷﯩﻨﻴﺎﯕﻐﺎ ﻫﯘﺟﯘﻡ ﻗﯩﻠﺪﻯ . ﺟﻪﻧﯘﭘﺘﺎ ﻟﯘﺷﯜﻧﻨﻰ ﻗﻮﺭﺷﯩﺪﻯ . 8 - ﯪﻳﻨﯩﯔ ﯪﺧﺮﯨﺪﺍ ﻳﺎﭘﻮﻧﯩﻴﻪ ﻗﯘﺭﯗﻗﻠﯘﻕ ﯪﺭﻣﯩﻴﯩﺴﻰ ﺑﯩﻠﻪﻥ ﺭﻭﺳﯩﻴﻪ ﻗﯘﺭﯗﻗﻠﯘﻕ ﯪﺭﻣﯩﻴﯩﺴﻰ ﻟﻴﺎﯞﻳﺎﯕﺪﺍ ﮔﯩﺮﻩﻟﻪﺷﻤﻪ ﺟﻪﯓ ﻗﯩﻠﺪﻯ . ﺟﻪﯕﺪﻩ ﻳﺎﭘﻮﻧﯩﻴﻪ ﯪﺭﻣﯩﻴﯩﺴﻰ ﻏﻪﻟﯩﺒﻪ ﻗﺎﺯﺍﻧﺪﻯ ﻫﻪﻣﺪﻩ 9 - ﯪﻳﻨﯩﯔ 4 - ﻛﯜﻧﻰ ﻟﻴﺎﯞﻳﺎﯕﻨﻰ ﺋﯩﮕﯩﻠﯩﺪﻯ . 8 - ﯪﻳﻨﯩﯔ 10 - ﻛﯜﻧﻰ ﻳﺎﭘﻮﻧﯩﻴﻪ ﻓﯩﻠﻮﺗﻰ ﺧﯘﺍﯕﺨﻪﻱ ﺩﯦﯖﯩﺰﯨﺪﯨﻜﻰ ﺷﯩﺪﺩﻩﺗﻠﯩﻚ ﺟﻪﯕﺪﻩ ﻗﻮﺭﺷﺎﯞﻧﻰ ﺑﯚﺳﯜﭖ ﭼﯩﻘﯩﺸﻘﺎ ﯰﺭﯗﻧﻐﺎﻥ ﺭﻭﺳﯩﻴﯩﻨﯩﯔ ﺗﯩﭻ ﯮﻛﻴﺎﻥ ﻓﯩﻠﻮﺗﯩﻨﻰ ﻗﺎﺗﺘﯩﻖ ﻣﻪﻏﻠﯘﭖ ﻗﯩﻠﺪﻯ . 1905 - ﻳﯩﻠﻰ 1 - ﯪﻳﻨﯩﯔ 2 - ﻛﯜﻧﻰ 48 ﻣﯩﯔ ﻛﯩﺸﯩﻠﯩﻚ ﺭﻭﺳﯩﻴﻪ ﻗﯘﺭﯗﻗﻠﯘﻕ ﯞﻩ ﺩﯦﯖﯩﺰ ﯪﺭﻣﯩﻴﯩﻠﯩﺮﻯ ﻟﯘﺷﯜﻥ ﭘﻮﺭﺗﻰ ﯪﻏﺰﯨﺪﺍ ﻳﺎﭘﻮﻧﯩﻴﻪ ﯪﺭﻣﯩﻴﯩﺴﯩﮕﻪ ﺗﻪﺳﻠﯩﻢ ﺑﻮﻟﺪﻯ . 3 - ﯪﻳﺪﺍ 500 ﻣﯩﯔ ﻛﯩﺸﯩﻠﯩﻚ ﺭﻭﺳﯩﻴﻪ ﻗﻮﺷﯘﻧﻰ 350 ﻣﯩﯔ ﻛﯩﺸﯩﻠﯩﻚ ﻳﺎﭘﻮﻧﯩﻴﻪ ﻗﻮﺷﯘﻧﯩﻨﯩﯔ ﻫﯘﺟﯘﻣﯩﻐﺎ ﺗﻪﯓ ﻛﯩﻠﻪﻟﻤﻪﻱ ﯪﺭﻗﺎ - ﯪﺭﻗﯩﺪﯨﻦ ﻣﻪﻏﻠﯘﭖ ﺑﻮﻟﯘﭖ، ﺷﯩﻨﻴﺎﯕﺪﯨﻦ ﭼﯩﻜﯩﻨﯩﭗ ﭼﯩﻘﺘﻰ 5 - ﯪﻳﻨﯩﯔ 27 - ﻛﯜﻧﻰ ﺑﯘﻳﺮﯗﻗﻘﺎ ﺑﯩﻨﺎﯬﻥ ﻳﯩﺮﺍﻕ ﺷﻪﺭﻕ ﻓﯩﻠﻮﺗﯩﻐﺎ ﻳﺎﺭﺩﻩﻣﮕﻪ ﻣﺎﯕﻐﺎﻥ ﺭﻭﺳﯩﻴﻪ ﺑﺎﻟﺘﯩﻖ ﺩﯦﯖﻘﺰﻯ ﻓﯩﻠﻮﺗﻰ ﯴﻣﯩﺪ ﺗﯘﻣﺸﯩﻘﯩﺪﯨﻦ ﯪﻳﻠﯩﻨﯩﭗ ﯲﺗﯜﭖ، ﻟﻪﭘﻪﯕﺸﯩﭗ ﻣﺎﯕﻐﯩﻨﯩﭽﻪ 18 ﻣﯩﯔ ﻛﯩﻠﻮﻣﯩﺘﯩﺮ ﻣﯘﺳﺎﭘﯩﻨﻰ ﺑﯩﺴﯩﭗ ﺳﻮﺳﻤﺎ ﺑﻮﻏﯘﺯﯨﻐﺎ ﻳﯩﺘﯩﭗ ﻛﯩﻠﯩﭗ ﻳﺎﭘﻮﻧﯩﻴﻪ ﺩﯦﯖﯩﺰ ﯪﺭﻣﯩﻴﯩﺴﻰ ﺑﯩﻠﻪﻥ ﻫﻪﻝ ﻗﯩﻠﻐﯘﭺ ﺟﻪﯓ ﻗﯩﻠﺪﻯ . ﻧﻪﺗﯩﺠﯩﺪﻩ ﺭﻭﺳﯩﻴﻪ ﻓﯩﻠﻮﺗﯩﺪﯨﻜﻰ 38 ﻛﯩﻤﯩﺪﯨﻦ ﯪﺭﺍﻥ ﯴﭼﯩﻼ ﻗﻮﺭﺷﺎﯞﻧﻰ ﺑﯚﺳﯜﭖ ﭼﯩﻘﯩﭗ ﻛﯩﺘﻪﻟﯩﺪﻯ. ﻗﺎﻟﻐﯩﻨﻰ ﭘﯜﺗﯜﻧﻠﻪﻱ ﻳﻮﻗﯘﺗﯘﻟﺪﻯ .
ﻗﺎﺗﺘﯩﻖ ﻣﻪﻏﻠﯘﭖ ﺑﻮﻟﻐﺎﻥ ﺭﻭﺳﯩﻴﯩﻨﯩﯔ ﯬﻣﺪﻯ ﻳﻪﻧﻪ ﯰﺭﯗﺵ ﻗﯩﻠﯩﯟﯨﺮﯨﺸﯩﮕﻪ ﻣﺎﺩﺍﺭﻯ ﻳﻪﺗﻤﻪﻳﺘﺘﻰ . ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ ﺑﯘ ﯰﺭﯗﺵ ﺗﯜﭘﻪﻳﻠﯩﺪﯨﻦ ﻣﻪﻣﻠﯩﻜﻪﺕ ﺋﯩﭽﯩﺪﻩ ﺑﯘﺭﮊﯨﯫﺯﯨﻴﻪ ﺋﯩﻨﻘﯩﻼﯞﻯ ﻳﯜﺯ ﺑﻪﺭﺩﻯ . ﭼﺎﺭ ﭘﺎﺩﯨﺸﺎﻫ ﻣﻪﻣﻠﯩﻜﻪﺕ ﺋﯩﭽﯩﺪﯨﻜﻰ ﺑﯘ ﺋﯩﻨﻘﯩﻼﭘﻨﻰ ﺑﺎﺳﺘﯘﺭﯗﺵ ﯴﭼﯜﻥ ﻳﺎﭘﻮﻧﯩﻴﯩﺪﯨﻦ ﺟﯩﺪﺩﯨﻲ ﺗﻪﺭﯨﺰﺩﻩ ﺳﯜﻟﻬﻰ ﺗﻪﻟﻪﭖ ﻗﯩﻠﺪﻯ . ﻳﺎﭘﻮﻧﯩﻴﯩﻤﯘ ﺑﯘ ﯰﺭﯗﺷﺘﺎ ﻣﺎﻟﯩﻴﯩﺴﯩﻨﻰ، ﻛﯜﭼﯩﻨﻰ ﭘﯜﺗﯜﻧﻠﻪﻱ ﺳﻪﺭﭖ ﻗﯩﻠﯩﭗ ﺑﻮﻟﻐﺎﭼﻘﺎ، ﯰﺭﯗﺵ ﺗﻮﺧﺘﯩﺘﯩﺸﻨﻰ ﯴﻣﯩﺪ ﻗﯩﻼﺗﺘﻰ . ﻳﺎﭘﻮﻧﯩﻴﻪ ﺑﯩﻠﻪﻥ ﺭﻭﺳﯩﻴﻪ ﯪﻣﯩﺮﯨﻜﯩﻨﯩﯔ ﯪﺭﯨﻐﺎ ﭼﯜﺷﯩﺸﻰ ﺑﯩﻠﻪﻥ 1905 - ﻳﯩﻠﻰ 9 - ﯪﻳﻨﯩﯔ 5 - ﻛﯜﻧﻰ ﭘﻮﺭﺗﺴﯧﻤﻮﻧﺖ ﺗﯩﭽﻠﯩﻖ ﺷﻪﺭﺗﻨﺎﻣﯩﺴﯩﻨﻰ ﺗﯜﺯﺩﻯ ، ﻳﺎﭘﻮﻧﯩﻴﻪ ﺟﯘﯕﮕﻮﻧﯩﯔ ﻟﻴﺎﯞﺩﻭﯓ ﻳﺮﯨﻢ ﯪﺭﯨﻠﯩﻐﺎ ﯞﻩ ﺭﻭﺳﯩﻴﯩﻨﯩﯔ ﻛﯘﻳﻰ ﯪﺭﯨﻠﯩﻨﯩﯔ ﺟﻪﻧﯘﺑﯩﻲ ﻗﯩﺴﻤﯩﻐﺎ، ﺷﯘﻧﺪﺍﻗﻼ ﭼﺎﯞﺷﻪﻧﻨﻰ ﯬﻣﻪﻟﯩﻲ ﻛﻮﻧﺘﯩﺮﻭﻝ ﻗﯩﻠﯩﺶ ﻫﻮﻗﯘﻗﯩﻐﺎ ﺋﯩﺮﯨﺸﺘﻰ . ﺑﯘ ﯰﺭﯗﺵ ﺟﯘﯕﮕﻮﻧﯩﯔ ﺷﻪﺭﻗﯩﻲ ﺷﯩﻤﺎﻝ ﺭﺍﻳﻮﻧﯩﺪﯨﻜﻰ ﺧﻪﻟﻘﻨﻰ ﯞﻩ ﭼﺎﯞﺷﻪﻥ ﺧﻪﻟﻘﯩﻨﻰ ﺋﯩﻐﯩﺮ ﯰﺭﯗﺵ ﯪﭘﯩﺘﯩﮕﻪ ﺩﯗﭼﺎﺭ ﻗﯩﻠﺪﻯ ، ﺷﯘﻧﺪﺍﻗﻼ ﺭﻭﺳﯩﻴﯩﺪﯨﻦ ﺋﯩﺒﺎﺭﻩﺕ ﺑﯘ ﺯﻭﺭ ﻫﻪﺭﺑﯩﻲ ﻓﯧﯯﺩﺍﻝ ﺋﯩﻤﭙﯩﺮﯨﻴﯩﻨﯩﯔ ﭼﯩﺮﯨﻜﻠﯩﻜﯩﻨﻰ ﯪﺷﻜﺎﺭﯨﻼﭖ ﺑﻪﺭﺩﻯ ﯞﻩ ﯬﻣﻪﻟﯩﻲ ﻛﯜﭼﯩﻨﻰ ﺋﯩﻐﯩﺮ ﺩﻩﺭﯨﺠﯩﺪﻩ ﯪﺟﯩﺰﻻﺷﺘﯘﺭﺩﻯ .
[ http://photocdn.sohu.com/20050627/Img226101789.jpg http://photocdn.sohu.com/20050627/Img226101792.jpg]
izdinix munbiri hekemi yollanmisi
