Tamaq
From Wikipedia
ﺋﻪﺟﺪﺍﺩﻟﯩﺮﯨﻤﯩﺰ ﻛﯜﻧﺪﯨﻠﯩﻚ ﺗﯘﺭﻣﯘﺷﯩﺪﺍ ﺋﯩﻜﻜﻰ ﯞﺍﻕ ﻧﺎﻥ-ﭼﺎﻱ (ﺋﻪﺗﯩﮕﻪﻥ ﻳﺎ ﻛﻪﺷﺘﻪ ﺳﯜﺗﻠﯜﻙ ﭼﺎﻱ) ، ﭼﯜﺷﺘﻪ ﺑﯩﺮﯞﺍﻕ ﺋﺎﺵ ﺑﯩﻠﻪﻥ ﻏﯩﺰﺍﻟﯩﻨﯩﺪﯗ. ﺑﯘ ﺑﯩﺮ ﯞﺍﻗﻠﯩﻖ ﺋﺎﺵ ﺋﺎﺩﻩﺗﺘﻪ، ﻛﯚﭖ ﺗﻪﺭﻛﯩﺒﻠﯩﻚ ﺧﯧﺮﯨﺘﻠﻪﺭﺩﯨﻦ ﮬﺎﺯﯨﺮﻟﯩﻨﯩﺪﯗ.ﻣﻪﺳﯩﻠﻪﻥ، ﺳﯘﻳﯘﻕ ﺋﺎﺷﻨﯩﯔ ﺋﯘﻥ ، ﮔﯚﺵ،ﻣﺎﻱ، ﭘﯩﻴﺎﺯ، ﭼﺎﻣﻐﯘﺭ ﻳﺎﻛﻰ ﻳﺎﯕﻴﯘ، ﺳﺎﻣﺴﺎﻕ ﻗﺎﺗﺎﺭﻟﯩﻖ ﺧﯧﺮﯨﺘﻠﻪﺭﺩﯨﻦ، ﭘﻮﻟﯘ ﮔﯜﺭﯛﭺ،ﻣﺎﻱ،ﮔﯚﺵ ، ﭘﯩﻴﺎﺯ، ﺳﻪﯞﺯﻩ ﻗﺎﺗﺎﺭﻟﻪﺭﺩﯨﻦ ﮬﺎﺯﯨﺮﻟﯩﻨﯩﺪﯨﻐﯩﻨﯩﻐﺎ ﺋﻮﺧﺸﺎﺵ. ﺑﻪﺯﯨﺪﻩ ﺋﻪﺗﯩﮕﻪﻧﻠﯩﻚ ﭼﺎﻳﺪﺍ ﮬﻪﺭ ﺧﯩﻞ ﻣﯘﺭﺍﺑﺒﺎﻻﺭﻣﯘ ﺋﯩﺴﺘﯧﻤﺎﻝ ﻗﯩﻠﯩﻨﯩﺪﯗ. ﻛﻪﺷﻠﯩﻚ ﭼﺎﻳﺪﺍ ﻳﺎﺯ ﻛﯜﻧﻠﯩﺮﻯ ﺋﯜﺯﯛﻡ ﻳﺎﻛﻰ ﻗﻮﻏﯘﻥ، ﻗﯩﺶ ﻛﯜﻧﻠﯩﺮﻯ ﻳﺎﯕﺎﻕ ﻳﺎﻛﻰ ﺋﯚﺭﯛﻙ ﻣﯧﻐﯩﺰﻯ ، ﻛﯩﺸﻤﯩﺶ ﺋﯩﺴﺘﯧﻤﺎﻝ ﻗﯩﻠﯩﻨﯩﺪﯗ. ﺑﯘ ﮬﻪﺭ ﺑﯩﺮ ﺋﺎﺋﯩﻠﯩﻨﯩﯔ ﺋﯩﻘﺘﯩﺴﺎﺩﯦﻲ ﺋﻪﮬﯟﺍﻟﯩﻐﺎ ﻗﺎﺭﺍﭖ ﺑﻮﻟﯩﺪﯗ. ﺷﯘﻧﯩﯖﺪﻩﻙ ﻛﻪﭼﻠﯩﻜﻰ ﺳﯘﻳﯘﻗﺌﺎﺷﻤﯘ ﺋﯩﭽﯩﻠﯩﺪﯗ. ﺋﯘﻳﻐﯘﺭﻻﺭ ﺋﺎﺩﻩﺗﺘﻪ ﺋﯘﻥ ﺗﺎﻣﯩﻘﻰ ﯞﻩ ﮔﯚﺵ، ﻗﯩﻴﻤﯩﻠﯩﻖ ﺗﺎﻣﺎﻗﻼﺭﻧﻰ ﻛﯚﭘﺮﻩﻙ ﺋﯩﺴﺘﯧﻤﺎﻝ ﻗﯩﻠﯩﺪﯗ.ﺷﯘﻧﯩﯖﺪﻩﻙ ﺗﺎﻣﺎﻗﻨﯩﯔ ﺋﺎﻟﺪﻯ-ﻛﻪﻳﻨﯩﺪﻩ ﻗﯩﺰﯨﻖ ﭼﺎﻱ ﺋﯩﭽﯩﻠﯩﺪﯗ. ﺑﯩﺮ ﺋﺎﺋﯩﻠﯩﻚ ﺋﺎﺩﻩﻡ ﺗﺎﻣﺎﻕ ﯞﺍﻗﺘﯩﺪﺍ ﺟﻪﻡ ﺑﻮﻟﯘﭖ ﺩﺍﺳﺘﯩﺨﺎﻥ ﺋﻪﺗﺮﺍﭘﯩﺪﺍ ﺋﻮﻟﺘﯘﺭﯗﭖ ﺋﻪﺩﻩﭖ ﺑﯩﻠﻪﻥ ﺗﺎﻣﺎﻗﻠﯩﻨﯩﺪﯗ. ﺗﺎﻣﺎﻕ ﻗﻮﻝ، ﻗﻮﺷﯘﻕ، ﭼﻮﻛﯩﺪﺍ ﻳﯧﻴﯩﻠﯩﺪﯗ. ﺋﯘﻳﻐﯘﺭ ﺗﺎﻣﺎﻗﻠﯩﺮﻯ ﻣﯘﻧﺪﺍﻕ ﭼﻮﯓ ﺑﻪﺵ ﺗﯜﺭﮔﻪ ﺋﺎﻳﺮﯨﺸﻘﺎ ﺑﻮﻟﯩﺪﯗ. 1.ﺳﯘﻳﯘﻕ-ﺳﻪﻟﻪﯓ ﺗﺎﻣﺎﻗﻼﺭ:ﺋﯘﻣﺎﭺ، ﺋﺎﺗﯩﻼ، ﻳﺎﻣﺎ، ﺷﻮﮔﯜﺭﯛﺵ، ﻣﺎﺷﺨﻮﺭﺩﺍ، ﺋﺎﻕ ﺋﺎﺵ، ﺳﯘﻳﯘﻗﺌﺎﺵ. ﺳﯘﻳﯘﻗﺌﺎﺵ -ﺋﯘ ﭼﯚﭘﻨﯩﯔ ﺷﻪﻛﻠﻰ ﯞﻩ ﺋﯩﺘﯩﻠﯩﺶ ﺋﯘﺳﯘﻟﯩﻐﺎ ﻗﺎﺭﺍﭖ، ﺋﯜﮔﺮﻩ،ﻳﺎﻛﻰ ﺧﺎﻡ ﻗﯩﻴﻤﺎ، ﻗﻮﺭﯗﻣﺎ ﺋﯜﮔﺮﻩ ، ﻛﻪﺳﻤﻪ، ﻗﯘﺷﻘﺎﭺ ﺗﯩﻠﻰ ﻛﻪﺳﻤﻪ ، ﺋﯜﺯﯛﭖ ﺗﺎﺷﻼﭖ ﺳﯘﻳﯘﻗﺌﺎﺵ، ﭘﻮﺳﯩﻼﻕ ﺋﺎﺵ ﺩﯦﮕﻪﻧﺪﻩﻙ ﻳﻪﺗﺘﻪ- ﺳﻪﻛﻜﯩﺰ ﺧﯩﻠﻐﺎ ﺋﺎﺭﯨﻠﯩﺪﯗ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. 2.ﮔﯚﺵ ، ﺋﺎﺩﻩﺗﺘﻪ ﻣﯘﻧﺪﺍﻕ ﺋﯘﺳﯘﻝ ﺑﯩﻠﻪﻥ ﻳﯧﻴﯩﻠﯩﺪﯗ: ﺷﻮﺭﭘﺎ، ﺋﯘ ﮬﺎﺯﯨﺮﻟﯩﻨﯩﺶ ﺋﯘﺳﯘﻟﯩﻐﺎ ﻗﺎﺭﺍﭖ ﺋﺎﻕ ﺷﻮﺭﭘﺎ، ﻗﻮﺭﯗﻣﺎ ﺷﻮﺭﭘﺎ، ﭼﻪﻳﻨﻪﻙ ﺷﻮﺭﭘﺎ ﺩﻩﭖ ﺋﯜﭺ ﺧﯩﻠﻐﺎ ﺋﺎﻳﺮﯨﻠﯩﺪﯗ . ﻛﺎﯞﺍﭖ،ﺋﯘ ﮬﺎﺯﯨﺮﻟﯩﻨﯩﺶ ﺋﯘﺳﯘﻟﯩﻐﺎ ﻗﺎﺭﺍﭖ ﺯﯨﺦ ﻛﺎﯞﺍﭖ ﻳﺎﻛﻰ ﺗﻮﻏﺮﺍﻣﭽﻪ ﻛﺎﯞﺍﭖ، ﻗﯩﻴﻤﺎ ﻛﺎﯞﺍﭖ، ﺗﻮﻧﯘﺭ ﻛﺎﯞﺍﭖ، ﺗﺎﯞﺍ ﻛﺎﯞﺍﭖ، ﻗﺎﺯﺍﻥ ﻛﺎﯞﺍﭖ، ﺑﺎﺭﺍﯞﻩﺕ ﻛﺎﯞﯨﭙﻰ، ﻛﯚﻣﻤﻪ ﻛﺎﯞﺍﭖ،ﺩﯛﻣﻠﯩﻤﻪ ﻛﺎﯞﺍﭖ ﺩﯦﮕﻪﻧﺪﻩﻙ ﺗﯜﺭﻟﻪﺭﮔﻪ ﺑﯚﻟﯜﻧﯩﺪﯗ. ﺳﯜﺭ ﮔﯚﺵ،ﺋﯘ ﻗﻮﻱ، ﺋﺎﺕ ﮔﯚﺷﻠﯩﺮﻯ ﺗﯘﺯﻟﯩﻨﯩﭗ ﺋﯩﺴﻘﺎ ﺋﯧﺴﯩﻠﯩﭗ ﻗﻮﻳﯘﻟﯩﺪﯗ. ﻗﯧﺰﺍ،ﺋﯘ ﺋﺎﺕ ﮔﯚﺷﻰ ﭘﺎﺭﭼﯩﻠﯩﻨﯩﭗ ﺗﯘﺯﻟﯩﻨﯩﭗ ﺋﺎﺕ ﺋﯜﭼﯩﻴﯩﮕﻪ ﺳﯧﻠﯩﻨﯩﭗ ﺳﯜﺭﮔﯚﺷﻜﻪ ﺋﻮﺧﺸﺎﺵ ﺋﯩﺴﻼﺵ ﺋﺎﺭﻗﯩﻠﯩﻖ ﮬﺎﺯﯨﺮﻟﯩﻨﯩﺪﯗ. 3.ﻗﻮﺭﯗﻣﺎ ﺗﺎﻣﺎﻗﻼﺭ: ﺋﻪﺟﺪﺍﺩﻟﯩﺮﯨﻤﯩﺰ ﻗﻮﺭﯨﻤﺎ ﺗﺎﻣﺎﻗﻼﺭﻧﻰ ﻳﯧﻴﯩﺸﻨﻰ ﺋﺎﻧﭽﻪ ﺋﺎﺩﻩﺕ ﻗﯩﻠﯩﭗ ﻛﻪﺗﻤﯩﮕﻪﻥ. ﺑﯘﺋﻪﺟﺪﺍﺩﻟﯩﺮﯨﻤﯩﺰﻧﯩﯔ ﺋﻮﯞﭼﯩﻠﯩﻖ، ﻛﯚﭼﻤﻪﻥ ﭼﺎﺭﯞﯨﭽﯩﻠﯩﻖ ﺩﻩﯞﺭﯨﺪﯨﻜﻰ ﻏﯩﺰﺍﻟﯩﻨﯩﺶ ﺋﺎﺩﯨﺘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ . ﺋﯩﺸﻠﻪﭘﭽﯩﻘﯩﺮﯨﺶ ﺋﯘﺳﯘﻟﯩﻨﯩﯔ ﺩﺍﯞﺍﻣﻠﯩﻖ ﻳﺎﺧﺸﯩﻠﯩﻨﯩﺸﯩﻐﺎ ﺋﻪﮔﯩﺸﯩﭗ ﺋﯘﻻﺭﻧﯩﯔ ﻳﯧﻤﻪﻙ- ﺋﯩﭽﻤﻪﻙ ﻗﯘﺭﯗﻟﻤﯩﺴﯩﺪﯨﻤﯘ ﺗﻪﺩﺭﯨﺠﯩﻲ ﺋﯚﺯﮔﯩﺮﯨﺶ ﮬﺎﺳﯩﻞ ﺑﻮﻟﯘﺵ ﺑﯩﻠﻪﻥ ﻗﻮﺭﯗﻣﺎ ﺗﺎﻣﺎﻕ ﺗﯧﻴﯩﺶ ﺋﺎﺩﯨﺘﻰ ﺷﻪﻛﯩﻠﻠﻪﻧﮕﻪﻥ. ﺋﯘ ﮬﺎﺯﯨﺮﻟﯩﻨﯩﺶ ﺋﯘﺳﯘﻟﯩﻐﺎ ﻗﺎﺭﺍﭖ ﺋﯘﻥ ﺗﻪﺭﻛﯩﺒﻠﯩﻚ، ﮔﯜﺭﯛﭺ ﺗﻪﺭﻛﯩﺒﻠﯩﻚ ﻗﻮﺭﯗﻣﺎ ﺗﺎﻣﺎﻕ ﺩﻩﭖ ﺋﯩﻜﻜﻰ ﺧﯩﻠﻐﺎ ﺋﺎﻳﺮﯨﻠﯩﺪﯗ. ﺋﯘﻥ ﺗﻪﺭﻛﯩﺒﻠﯩﻚ ﻗﻮﺭﯗﻣﺎ ﺗﺎﻣﺎﻗﻼﺭ: ﺑﯘ، ﻟﻪﯕﻤﻪﻥ، ﭘﻪﺭﻣﺎﻥ ،ﻗﻮﺭﺩﺍﻕ ،ﻧﺎﻥ ﻗﻮﺭﺩﺍﻕ ، ﻗﯩﻴﻤﺎ ﻗﻮﺭﺩﺍﻕ ، ﭼﯚﭖ ، ﻳﺎﭘﻤﺎ ، ﺳﯩﻘﻤﺎﻕ، ﺯﺍﯓ، ﺗﺎﻟﻘﺎﻥ، ﺷﻮﺟﯘﺭﺍ (ﮬﺎﺯﯨﺮ ﭘﯩﻨﺘﺎﯓ ﻳﺎﻛﻰ ﺳﯘﻩﻧﺘﺎﯓ ﺩﻩﭖ ﺋﺎﺗﺎﻟﻤﺎﻗﺘﺎ) ﯞﻩ ﮬﻪﺭ ﺧﯩﻞ ﻗﻮﺭﯗﻣﯩﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﮔﯜﺭﯛﺵ ﺗﻪﺭﻛﯩﺒﻠﯩﻚ ﻗﻮﺭﯨﻤﺎ ﺗﺎﻣﺎﻗﻼﺭ: ﺑﯘ ﭘﻮﻟﯘ، ﺷﻮﻳﻼ، ﺑﻪﺗﺘﻪ، ﮔﺎﯕﭙﻪﻥ، ﮬﯧﺴﯩﭗ، ﺳﯩﯖﺪﯗﺭﻣﻪ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. 4.ﻗﯩﻴﻤﯩﻠﯩﻖ ﺗﺎﻣﺎﻗﻼﺭ:ﻗﯩﻴﻤﯩﻠﯩﻖ ﺗﺎﻣﺎﻗﻼﺭ ﻣﺎﻧﺘﺎ، ﭼﯜﭼﯜﺭﻩ، ﺟﯘﯞﺍﯞﺍ، ﺳﺎﻣﺴﺎ ، ﭘﻪﺭﻣﯘﺩﻩ، ﺧﻮﺷﺎﯓ، ﮔﯚﺵ ﻧﺎﻥ، ﭘﯚﺭﻩ، ﺗﯘﺭﻣﻪﻝ، ﺗﻪﭘﻤﻪﻙ، ﻣﯘﻧﺪﻩﻙ ، ﺷﻮﯕﮕﯘﺗﻤﺎﻕ ﻗﺎﺗﺎﺭﻟﯩﻖ ﺗﺎﻣﺎﻗﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. 5.ﺗﺎﺗﻠﯩﻖ ﻳﯧﻤﻪﻛﻠﯩﻜﻠﻪﺭ:ﮬﺎﻟﯟﺍ، ﺑﯘﻟﯩﻤﺎﻕ، ﺷﯧﻜﻪﺭ ﻣﺎﻧﺘﺎ، ﺭﯨﺸﺎﻟﻪ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ،
ﻣﻪﻧﺒﻪ_(ﺋﯘﻳﻐﯘﺭ ﺋﯧﺘﻨﻮﮔﺮﺍﻓﯩﻴﯩﺴﻰ) ﺋﯧﻠﯩﻨﺪﻯ.
