Template talk:三級
出自維基百科，自由嘅百科全書
Category:三級? --Hillgentleman | 書 2007年1月28日 (日) 21:29 (UTC)
個模名叫做三級好似只係某部份地方嘅叫法，有啲地方可能會叫做成人級或者R級等等。建議將個模名改叫『成人限定』。--Shinjiman ⇔ ♨ 2007年1月29日 (一) 03:21 (UTC)
呢個模只係中文同日文維基百科有，亦唔見於英文同其他都無呢樣嘢。實情真係無必要有呢個模響度。百科全書裏面，有乜嘢係成人先可以知？呢度淨係強姦呢篇文有，唔通細過細過16/18/21就唔可以知乜嘢係強姦？知識邊有分年齡㗎。HenryLi 2007年1月29日 (一) 07:38 (UTC)
- 睇國語維基篇zh:三級片，有話「在中華人民共和國，三級片通常是禁止拍攝和公映的」，且作者重用減筆字寫.
- 亨利，都想同意；就算亞美利根嘅PG１３都係話要建議父母同場解釋以免誤導，而百科嘅目的就係解釋清楚的野。但話就咁話，可否擔保維基無嘢會令細路不安？---Hillgentleman | 書 2007年1月29日 (一) 09:14 (UTC)
不安就唔分年齡啦。例如南京大屠殺可以令人好不安，六四事件一樣可以令人好不安，睇恐佈片都一樣好不安，報紙講有人死都好不安。唔通咁就唔應該寫，唔應該畀人睇？唔同年紀，會對唔同嘅嘢，有唔同興趣，如果佢對住一樣無興趣，就唔會睇。如果佢有興趣，就自然會睇落去。無人會焗人好不安都會睇落去。百科同小說，電視，電影，唱片唔同地方，就係佢會用唔同角度來寫，令到明白一樣嘢，而唔係寫來刺激官能。百科裏面用嘅字唔會有強烈情感，唔會有官能刺激。況且，以為細路細，就可以蒙閉佢地，就未免太天真。老實講，就算放個模話唔畀細路睇，你話細路真係唔會睇咩？細路都係人，愈話唔畀睇就愈要睇。三級片都話唔畀入戲院，鹹書都話唔畀賣。百科會書擺個模來做乜？唔通係畀大人睇。憑乜嘢話一啲人某啲睇得，都一樣拗餐死。HenryLi 2007年1月29日 (一) 11:33 (UTC)
- 但有少數野（百科有無？一時啉唔到。。）會影響心智唔成熟者深好多。--Hillgentleman | 書 2007年1月29日 (一) 11:40 (UTC)
