丘成桐
出自維基百科，自由嘅百科全書
丘成桐教授於哈佛法學院飯堂
丘成桐（英文串法：Shing-Tung Yau，1949年4月4日—），微分幾何工作者，原籍廣東省梅州蕉嶺縣，生於汕頭，喺香港長大，以證明卡拉比猜想 (Calabi Conjecture) 同埋正質量假設，係1983年華沙國際數學人大會中獲得菲爾茲獎章。創立幾何分析一支，以泛函分析、偏微分方程研究流形結構。
[編輯] 生平
丘成桐1949年4月4日生於廣東汕頭，兄弟姐妹八人。後全家移居香港。14歲時係大學教授哲學嘅父親過世，由母親獨力撫養成人。中學時就讀香港培正中學，1966年入讀香港中文大學數學系。大學三年級時，跟 Stephen Salaff 去美國加州大學柏克萊分校深造，師從陳省身。1971年獲得博士學位後，係高等研究所做咗一年博士後研究，然後係紐約州立大學石溪分校做咗兩年助理教授。 1974年，成為史丹福大學副教授。1979年以正教授身份翻去高等研究所。1980年成為高等研究院教授。1984年至1987年任加州大學聖迭戈分校教授。1987年，任教於哈佛大學。 丘成桐現任哈佛大學 William Casper Graustein 講席教授、浙江大學高等數學研究所所長、香港中文大學數學科學研究所主任。佢同太太有兩個仔，其中丘正熙曾奪美國英特爾高中天才科學獎第六十屆決賽獎。2005年國立台灣大學頒授名譽博士學位畀佢。
[編輯] 成就
丘成桐嘅工作改變並擴展咗大家對偏微分方程係微分幾何中嘅作用同理解，並影響咗拓撲學、代數幾何、表示理論、廣義相對論等領域。
- 1976年解決咗卡拉比猜想 (Calabi Conjecture)，其結果及方法被應用到超弦理論中。
- 證明 Monge-Ampère 方程解存在。
- 1978年、1979年同 R.舍恩 (Richard Schon) 合作解決咗廣義相對論中嘅正質量猜想 (Positive Mass Hypothesis)。
- 同 Karen Uhlenbeck 合作解決 Hitchin-Kobayashi 猜想嘅高維形式。
- 高維閔科夫斯基問題、塞梵利猜想（同蕭蔭堂合作）、弗蘭克爾猜想、三維流形嘅拓撲學同埋極小曲面同史密斯猜想等
近幾年丘成桐教授研究有扭量嘅超弦理論。
