中環及灣仔填海計劃

進行緊嘅中環填海計劃3期

中環及灣仔填海計劃係喺香港嘅香港島北岸進行嘅大型填海計劃，分5期去發展。

喺1993年至2006年之間，完成咗其中嘅三期填海工程—中區填海計劃第1期、第2期；灣仔填海計劃第1期—共填造咗32.3公頃嘅土地，餘下嘅工程則喺度進行緊（中區填海計劃第3期）同埋重新檢討緊（灣仔填海計劃第2期）。

中環及灣仔填海計劃的嘅主要目的，主要係為中環灣仔繞道提供土地，同埋起多條鐵路支線到填海區。計劃又希望起一條世界級嘅海濱長廊，比區內提供額外休憩同綠化用地，提升海旁嘅吸引力。

[編輯] 發展工程

「中區填海計劃第1期」喺香港機場核心計劃嘅工程之一，喺上環同卜公碼頭之間填咗約20公頃嘅海，將中區海岸線向前伸展咗最高達350米，使咗27億1千萬港元。土地嘅主要用途喺起機場鐵路香港站同擴展中環嘅商業區。工程喺1993年9月展開咗，1996年3月完成咗嗱。

中區填海計劃第2期填海地「中區填海計劃第2期」原址係添馬艦海軍船塢，總填海嘅面積係5.3公頃，做商業同遊憩用地發展。總共耗資咗3億2千萬港元，喺1994年2月展開工程，1996年3月完成咗。

「中區填海計劃第3期」喺添馬艦對出嘅海濱，總共填海面積係18公頃（原計劃係32公頃，1999年修訂為23公頃，2000年4月再將東面嘅5.3公頃土地擺咗入「灣仔填海計劃第2期」），連接「中區填海計劃第1期」同埋「灣仔填海計劃第2期」嘅填海區。

填海土地將用喺興建新嘅中環天星碼頭、公眾碼頭、鐵路同道路預留位置、軍用碼頭泊位預留位置同海濱長廊等。同時提供土地比發展中環灣仔繞道、P2道路網、機場快線掉頭隧道等嘅運輸基建項目。

工程耗資咗37億9千萬港元，喺2003年2月28日動工，預計喺2008年年底完成。