劉德華
出自維基百科，自由嘅百科全書
劉德華（Andy Lau，1961年9月27日—），原名劉福榮，海內外嘅華人普遍都鐘意叫佢做「華仔」，係香港歌手同埋電影演員。
目錄 |
[編輯] 星途
最初嘅劉德華，喺未正式參加香港無綫電視嘅藝員訓練班之前，已經喺其中一套劇集《第三類房客》度出現過，到咗正式喺訓練班訓畢業之後，就開始喺一啲劇集度做吓茄喱啡；喺一套由港星周潤發主演嘅電視劇集《蘇乞兒》裡面，華仔擔當配角所佔嘅戲份唔少，可以話哩個先係佢螢幕生涯嘅開始。
1982年，劉德華喺香港無綫電視電視劇《獵鷹》入面第一次擔任男主角，呢套劇令佢一炮而紅；當時劇中嘅媽媽係由香港歌手兼藝人葉德嫻飾演，因為佢哋嘅合作演出令人印象難忘，而且兩人本身亦好投契，所以自此以後，好多華仔嘅電影都會情商Deanie（葉嘅英文名）做佢媽媽（或者契媽）嘅角色，好似《法內情》電影系列，更加令到觀眾喊出眼淚，結下螢幕上嘅母子情緣。
同樣係1982年，劉德華開始接拍電影，第一部作品係吳小雲執導嘅《彩雲曲》。
1983年，華仔受到無綫電視力捧，同梁朝偉、苗僑偉、黃日華以及湯鎮業等五個人組成咗「無綫五虎將」，成為灸手可熱嘅當紅小生之一。同一年，劉德華喺電視劇《神鵰俠侶》入面飾演楊過，角色深入民心家傳戶曉，令佢紅上加紅，塑造出未來巨星嘅雛形。
1985年，華仔以一曲《只知道此刻愛妳》初踏樂壇，可惜外界評價覺得佢嘅唱功一般，更認為佢有心模仿當時已喺歌壇紅人嘅哥哥張國榮嘅唱腔，所以銷量麻麻地；其後喺1987年推出嘅《情感的禁區》同埋1988年嘅《回到妳身邊》……等都只可以話好壞參半。
喺1986年，佢因為合約嘅問題而同無綫電視搞到好唔愉快，無綫冇再俾機會佢演出（行內叫做「擺入雪櫃」或者「雪藏」），好彩嗰陣遇到當時得令嘅大導演王晶提携，於是毅然咁專心轉戰電影。
到咗1990年，華仔再推出佢嘅歌曲大碟《可不可以-誰說不可以》、《如果你是我的傳說》同埋《再會了》……等幾隻專輯，唱腔更見成熟，同埋有開始有個人風格，於是華仔嘅歌開始受到大眾嘅關注，喺更多人認識同認同底下，華仔正式站穩歌壇。
到目前為止，劉德華已經拍過超過一百部電影，其中好多角色都為人津津樂道，好似《旺角卡門》同埋《天若有情》入面飾演嘅有情古惑仔，嗰種有情有義又浪漫不羈嘅形象曾經瘋魔過萬千嘅少女心靈；而後期少少嘅《烈火戰車》，亦都令到好多鐵騎一族感動，甚至唔識駕電單車嘅人都爭相去考電單車牌希望可以模仿一下，影響力到咗今時今日都仲繼續緊。
而喺歌壇方面，時至今日，大家對於華仔所唱嘅歌可以話係瑯瑯上口，當中仲為佢帶嚟唔少榮譽；喺多年嘅各大樂壇流行榜頒獎禮上面，華仔勇奪過幾個最受歡迎男歌手獎，佢嘅歌亦都佔過唔少嘅最受歡迎獎項。而佢所開嘅演唱會每次嘅銷售都十分理想，甚至講「爆棚」都不為過，可謂歌影兩棲嘅成功嘅典型。
[編輯] 藝壇精神嘅延續
咁多年嚟，劉德華對電影嘅貢獻可謂數之不盡，除咗為自己贏得多個電影獎項，包括香港電影金像獎最佳男主角、台灣金馬獎最佳男主角……之外，仲成立天幕電影制作有限公司，積極提携新一代嘅演藝人。一套叫做《給他們一個機會》嘅電影，劇中除咗有份主演嘅歌手藝人許志安係為人認識之外，其餘嘅演員都係新人，劇名語帶雙關，希望大家「給他們一個機會」；而由佢所監製嘅《香港製造》、《去年煙花特別多》……等嘅作品亦造就咗唔少新星嘅誕生，好似香港著名藝人李燦森就係被佢發掘出嚟嘅其中一人。
近年華仔更積極參與中港合作嘅大制作，2005年就同導演馮小剛合作，當上《天下無賊》嘅男主角。而佢2006年嘅作品就係由名導演張之亮執導嘅《墨攻》。
[編輯] 相關電影作品
| 年份 | 電影名稱 |
|---|---|
| 1982年 | 彩雲曲，投奔怒海 |
| 1983年 | 毀滅號地車，家在香港 |
| 1984年 | 停不了的愛 |
| 1985年 | 夏日福星，法外情 |
| 1986年 | 最佳福星，魔翡翠 |
| 1987年 | 英雄好漢，肝膽相照，江湖情 |
| 1988年 | 精裝追女仔之２，最佳損友，中國最後一個太監，法內情，旺角卡門，獵鷹計劃，神探父子兵，龍之家族，群龍奪寶，最佳損友闖情關 |
| 1989年 | 同根生，人海孤鴻，小小小警察（客串），至尊無上，法內情大結局，省港旗兵第三集，神行太保，專釣大鱷，第一繭，最佳男朋友，轟天龍虎會，傲氣雄鷹，賭神，愛人同志，精裝追女仔之３之狼之一族 |
| 1990年 | 富貴兵團，川島芳子，天若有情，再戰江湖，至尊計狀元才，獄中龍，摩登如來神掌，賭俠，阿飛正傳 |
| 1991年 | 整蠱專家，中環英雄，驚天12小時，五虎將之決裂，至尊無上２之永霸天下，極道追蹤，衝擊天子門生，五億探長雷洛傳之雷老虎，五億探長雷洛傳２之父子情仇，豪門夜宴（客串），九一神鵰俠侶，與龍共舞 |
| 1992年 | 賭城大亨之新哥傳奇，嘩！英雄，機BOY小子之真假威龍，龍騰四海，反斗馬騮，九二神鵰之痴心情長劍，俠聖，絕代雙驕，廟街十二少，賭城大亨２之至尊無敵，戰神傳說 |
| 1993年 | 超級學校霸王，天長地久，至尊三十六計之偷天換日 |
| 1994年 | 醉拳２（客串），天與地，殺手的童話，刀劍笑 |
| 1995年 | 大冒險家，烈火戰車 |
| 1996年 | 奇異旅程之真心愛生命，天若有情３之烽火佳人，新上海灘，1/2次同床 |
| 1997年 | 天地雄心，香港製造（監製），黑金 |
| 1998年 | 龍在江湖，賭俠1999 |
| 1999年 | 去年煙花特別多（監製），愛情夢幻號，黑馬王子，賭俠大戰拉斯維加斯，暗戰，龍在邊緣 |
| 2000年 | 決戰紫禁之巔，孤男寡女，阿虎 |
| 2001年 | 瘦身男女，全職殺手，愛君如夢 |
| 2002年 | 嚦咕嚦咕新年財，衛斯理之藍血人，無間道，金雞（客串） |
| 2003年 | 老鼠愛上貓，大隻佬，無間道３之終極無間，金雞２（客串） |
| 2004年 | 魔幻廚房，江湖（出品人），菠蘿油王子（配音），龍鳳鬥 |
| 2005年 | 天下無賊，童夢奇緣，再說一次我愛你 |
| 2006年 | 得閒飲茶（出品及客串），墨攻 |
[編輯] 相關歌曲大碟作品
| 專輯名稱（語言） | 年份 | 錄數 | 好歌包括 |
|---|---|---|---|
| 只知道此刻愛你（粵） | 1985年 | 10首 | 1.只知道此刻愛你／7.愛的終秒 |
| 情感的禁區（粵） | 1987年 | 11首 | 1.情感的禁區／5.情在呼吸裡（商業電台第一台廣播劇）／8.下雨晚上 |
| 回到妳身邊（粵） | 1988年 | 12首 | 1.回到你身邊／4.痴心錯付 |
| 法內情回到你身邊（國） | 1988年 | 10首 | 6.法內情 |
| 永遠記得你精選（粵） | 1989年 | 12首 | 1.流浪／2.我恨我癡心／7.共你傷心過 |
| 共你傷心過（國） | 1989年 | 10首 | 1.共你傷心過／2.我恨我癡心／9.流浪 |
| 劉德華（粵） | 1989年 | 15首 | （舊歌精選） |
| 愛的連線（國） | 1989年 | 8首 | 1.愛的連線／2.在夢裡／6.忘了愛 |
| 可不可以-誰說不可以（粵） | 1990年 | 10首 | 1.可不可以／3.停不了的愛／7.緣盡／10.誰說不可以 |
| 如果你是我的傳說（國） | 1990年 | 10首 | 1.如果你是我的傳說／2.可不可以 |
| 再會了（粵） | 1990年 | 10首 | 1.再會了／2.不需要愛情／4.城市獵人／5.絕望的笑容／10.秋意中等我 |
| 一起走過的日子（粵） | 1991年 | 11首 | 1.一起走過的日子／7.紅塵夢／10.與孤獨在奔往 |
| 我和我追逐的夢（國） | 1991年 | 10首 | 1.我和我追逐的夢／10.癡情歲月 |
| 愛不完（粵） | 1991年 | 11首 | 1.愛不完／2.再吻我吧／3.憑什麼／7.最後你也走了／10.無法一天不想／11.全人類注視 |
| 不可不信…緣（粵） | 1991年 | 11首 | 1.不可不信…緣／2.長夜多浪漫／8.怒劍嘯狂沙 |
| 來生緣（國） | 1991年 | 10首 | 1.來生緣／2.風中的歌 |
| 真我的風采（粵） | 1992年 | 11首 | 1.謝謝你的愛／2.假裝／3.真我的風采／8.獨自去偷歡 |
| 真我的風采ERROR（粵） | 1992年 | 12首 | 6.情人Happy Birthday |
| 愛的空間（粵） | 1992年 | 13首 | 1.情是那麼笨／9.愛人皇后 |
| 暖暖柔情（粵） | 1992年 | 16首 | （舊歌精選） |
| 謝謝你的愛（國） | 1992年 | 10首 | 1.記不住你的容顏／2.謝謝你的愛 |
| 音樂記事館（國） | 1993年 | 15首 | 5.如果你是我的傳說／15.來生緣 |
| 愛意（粵） | 1993年 | 11首 | （舊歌精選） |
| 暖暖柔情２（粵） | 1993年 | 14首 | （舊歌精選） |
| 真情難收（國） | 1993年 | 10首 | 1.一輩子的錯／2.情歌 |
| 一生一次（國） | 1993年 | 10首 | 2.一生一次／10.永遠寂寞 |
| 答案就是你（粵） | 1993年 | 11首 | 1.答案就是你／3.暗裡著迷／4.你是我的夢／9.開心的馬騮／11.永遠寂寞 |
| The Best Of Andy Lau（粵） | 1994年 | 15首 | （舊歌精選） |
| 忘情水（國） | 1994年 | 10首 | 1.忘情水／6.你是我的溫柔／10.想要飛 |
| 天意（國） | 1994年 | 10首 | 1.天意／2.友誼歷久一樣濃 |
| Memories Andy Lau（粵） | 1995年 | 16首 | 1.天各一方／2.昨夜的渡輪上／5.鐵塔凌雲／6.倦／7.從不知／12.交叉點／13.Ma Ma I Love You／14.心酸的情歌 |
| 情未鳥（粵） | 1995年 | 11首 | 1.除非是你／2.情未鳥／7.情深的一句 |
| 點滴珍藏 Part of Andy（粵） | 1995年 | 16首 | （舊歌精選） |
| 劉德華1993-1995登峰造極專輯（國） | 1995年 | 15首 | （舊歌精選） |
| 真永遠（國） | 1995年 | 10首 | 1.真永遠／8.你說他是你想嫁的人 |
| 一個人的感覺（粵） | 1996年 | 15首 | （舊歌精選） |
| 相思成災(日版)（國） | 1996年 | 3首 | 1.相思成災／2.每次醒來／3.Do You Remember |
| 再一次擁抱（日） | 1996年 | 5首 | 1.再一次擁抱／2.情未鳥／3.如果天有情／4.情未鳥／5.如果天有情 |
| 在乎你／倒轉地球（粵） | 1996年 | 12首 | 1.倒轉地球／2.一個人睡 |
| 相思成災（國） | 1996年 | 12首 | 1.相思成災／8.如果天有情 |
| 因為愛（國） | 1996年 | 12首 | 1.因為愛／2.鐵了心愛你／6.朱顏記 |
| 真生命（國） | 1997年 | 10首 | 1.真生命／8.意亂情迷／10.桃花源 |
| 最怕你跟別人睡(EP)（國） | 1997年 | 2首 | 1.最怕你跟別人睡／2.朱顏記 |
| 愛如此神奇（國） | 1997年 | 13首 | 1.愛如此神奇／3.中國人／8.愛如潮水／12.我終於失去了你 |
| 愛在刻骨銘心時（國） | 1998年 | 10首 | 1.孤星淚／10.世界第一等 |
| 你是我的女人（粵） | 1998年 | 12首 | 1.你是我的女人／7.死剩把口／11.無出息的漢子 |
| 笨小孩（國粵） | 1998年 | 共29首 | Disc A - 1.笨小孩(合唱)／3.去年煙花特別多／13.你說他是你想嫁的人
Disc B - 1.好日子(香港賽馬會98親善序曲)／2.火焰心(無綫電視劇《烈火雄心》主題曲)／3.無出息的漢子(《烈火雄心》插曲) |
| 愛你一萬年（國粵） | 1999年 | 共32首 | Disc B - 13.愛你一萬年 |
| 回家真好（粵） | 1999年 | 共31首 | Disc A - 2.浪子心聲(合唱)／3.世事如棋／16.回家真好／17.笨小孩(聰明版)
Disc B - 1.情深的一句(張家輝)／2.你是我的女人／3.除非…是你 |
| 人間愛（國） | 1999年 | 10首 | 1.木魚與金魚／3.男朋友(《黑馬王子》主題曲)／6.會說話的啞巴 |
| 愛無知（粵） | 1999年 | 11首 | 2.愛無知／3.新好情人／11.天人水 |
| Just for You（多語言EP） | 2000年 | 4首 | 1.將自己給你(綠茶廣告歌)／2.你是我一生中最大的驕傲／3.I'm Easy(廣告歌)／4.In Your Eyes(with 菲律賓天后 Sharon Cuneta) |
| 男人的愛（國） | 2000年 | 11首 | 1.男人哭吧不是罪／2.我不夠愛你 |
| 唱作俱佳作品集（國） | 2000年 | 16首 | （舊歌精選） |
| 心藍（粵） | 2000年 | 10首 | 1.當我遇上你／2.心藍／10.缺陷美 |
| 心藍+阿虎電影原聲（粵） | 2000年 | 共30首 | 11.阿虎的故事 |
| 天馬行空（國粵） | 2001年 | 共26首 | Disc B - 1.天馬行空 |
| 精選王系列-《回到你身邊》（粵） | 2001年 | 共18首 | （舊歌精選） |
| 天開了（國） | 2001年 | 11首 | 1.我的心只可容納妳／6.踢出個未來 |
| 夏日Fiesta（國粵） | 2001年 | 7首 | 1.夏日Fiesta／2.我的胖侶(《瘦身男女》主題曲)／3.鴿子情緣(商業電台第二台廣播劇《鴿子園》主題曲)／4.為我鼓掌(動畫《數碼暴龍02》主題曲)／5.男兒志(《少林足球》主題曲)／6.為愛瘦一次(《瘦身男女》主題曲)／7.地球戰士(動畫《數碼暴龍02》主題曲) |
| 真經典（粵） | 2002年 | 16首 | （舊歌精選） |
| 美麗的一天（國） | 2002年 | 11首 | 1.黑蝙蝠中隊／11.天生天養(廣告歌-粵） |
| 你是我的驕傲（國粵） | 2002年 | 共30首 | Disc B - 15.無間道(粵)／16.自然定律 |
| 如果有一天（粵） | 2003年 | 11首 | 1.如果有一天／3.十七歲／5.魚尾紋／9.真愛是苦味／11.月老 |
| 經典重現（國粵） | 2003年 | 共30首 | Disc A - 1.神鵰大俠 |
| 環球影音啟示錄（粵） | 2004年 | 共30首 | （舊歌精選） |
| Coffee or Tea（粵） | 2004年 | 11首 | 1.常言道／7.影帝無用／9.無須擔心 |
| 再說一次．我愛你（國） | 2005年 | 10首 | 1.再說一次我愛你／10.真心話 |
| 繼續談情 - 新曲+精選（粵） | 2005年 | 共28首 | Disc A - 1.繼續談情／2.下次不敢(《童夢奇緣》主題曲)／7.自作自受(《無間道３之終極無間》主題曲)／11.那一天(電影《天下無賊》主題曲)
Disc B - 1.如果我有事 |
| 聲音（粵） | 2006年 | 11首 | 1.張開眼睛(綠茶廣告歌)／3.累鬥累(《瘋狂的石頭》主題曲)／11.心肝寶貝 |
