召喚夜響曲系列
出自維基百科，自由嘅百科全書
召喚夜響曲 系列(Summon Night series)，或稱為召喚夜或者召喚夜想曲，係由Flight Plan開發，帕布雷斯特發售嘅策略模擬角色扮演遊戲系列。劇本由都月狩負責，人物設計則係由飯塚武史負責。
目錄 |
[編輯] 簡介
首作喺2000年1月6日發售，以精美嘅插圖與適當嘅難易度而受歡迎，亦因此系列化。正傳作品有PS2嘅策略模擬角色扮演遊戲「召喚夜響曲2」和「召喚夜響曲3」。外傳作品有GBA角色扮演遊戲嘅「召喚夜響曲 鑄劍物語」、「召喚夜響曲 鑄劍物語2」和「召喚夜響曲 鑄劍物語 ～肇始之石～」為，而「召喚夜響曲外傳 ~破曉之翼~」係PS2嘅動作角色扮演遊戲。
喺2006年秋季亦會發售系列新作「召喚夜響曲4」。
整個系列都係由同一個世界同埋同一個時代作為舞台（外傳除外），所以前作嘅人物亦會登場。同樣，亦會發售廣播劇CD同小說，補完冇解釋嘅劇情。
[編輯] 世界觀
故事舞台係一個稱為「琳帕姆」嘅中世紀嘅幻想異世界，喺嗰到都可以睇到現代嘅工廠同鐵路等。除咗「琳帕姆」之外，重被4個異世界包圍，稱為「機界 雷拉爾」、「鬼妖界 希爾坦」、「靈界 薩普勒斯」、「幻獸界 梅特爾巴」，每個異世界都有獨特嘅文明。
其實，除咗以上4個異世界之外，還有幾個「冇名稱嘅世界」，而我們存在嘅現實世界也係其中之一。
[編輯] 琳帕姆
- 主要係人類生活嘅世界。亦稱為「被選定靈魂嘅樂園」或「冇轉世價值靈魂嘅煉獄」。
- 擁有豐富嘅魔力（瑪那），4個異世界多次以琳帕姆為作侵略目標，所以用嚟對抗侵略嘅「送還術」同「召喚術」非常發達，最終被稱為「艾爾哥之王」嘅英雄利用結界，半永久性地抵抗嚟自異世界嘅侵佔。
- 之後以「艾爾哥之王」為中心成立國家。不過，在「艾爾哥之王」死後，權力鬥爭令國家分裂。而家分為處於大陸中央嘅「聖王國」，北方嘅「舊王國」，以及西方嘅「帝國」三個國家，但三個國家嘅關係極為惡劣。
- 聖王國
- 國王係「艾爾哥之王」嘅直系子孫，係琳帕姆最大嘅國家。國王委任大臣處理政治。召喚師分為「蒼之派閥」同「金之派閥」。王都叫塞拉姆。
- 舊王國
- 由聖王國未能支配嘅軍人創立嘅軍事國家，因為貫徹極權主義，與外間隔絕，也好幾次爆發內亂，而家走向衰亡嘅國家。
-
- 舊王國以打倒聖王國，讓王國復興作為目標。
- 帝國
- 由繼承咗「艾爾哥之王」血脈嘅皇帝治理嘅國家。係為咗反抗舊王國嘅封建制度而創立嘅新興國家。召喚師冇分派系，由軍隊嚴格管理。帝都叫烏魯哥拉。
[編輯] 機界 雷拉爾
- 被稱為機械士兵嘅機器人居住嘅世界。機械技術及信息學發達，擁有高機械技術水平。
- 哩個世界本嚟係有生物居住，但因人類引起咗機界大戰，令世界再不適合生物居住。而家居住緊嘅，大部分\都係暴走咗嘅機械兵器。
- 喺哩個世界嘅人類稱為融機人，係結合機械和肉體嘅人類。由機界大戰中生活落嚟嘅人類走到地下避難所避難，一邊重複利用コールドスリープ嚟延長壽命。
[編輯] 鬼妖界 希爾坦
- 人類同妖怪都遵守著「野地係人類嘅領土，山林係妖怪嘅領土」，兩者很少會問題。如果產生咗磨擦，龍神和鬼神就會委派稱為「道之人」嘅宮司和巫女作為調停。而哩個世稱有稱為「鬼道」「龍道」嘅陰陽術。
[編輯] 靈界 薩普勒斯
- 幽靈、惡魔和天使嘅靈魂居住嘅世界。而封印咗以前為琳帕姆帶嚟咗最大危機嘅大惡魔「馬爾基多斯」嘅豐收天使「亞爾米尼」亦都係喺哩個世界出生。哩個世界嘅居民係冇實體，所以係以召喚師嘅瑪那構成自己嘅肉體。亦因為消耗非常多嘅瑪那嚟構成肉體，而無法長時間召喚。
- 天使同惡魔從很久以前有紛爭。他們有稱為「奇蹟」「魔法」嘅法術。
[編輯] 幻獸界 梅特爾巴
- 各種各樣嘅幻獸和亞人(亦有獸人居住)生活嘅綠色世界。亞人會係以同種族一齊生活，分成幾個唔同部族。
- 多數召喚他們作為勞動力。有些部族擅長使用除魔嘅「詛咒」。
[編輯] 召喚術
- 召喚術(summoning)係喺琳帕姆非常發達嘅特殊魔法。原本係用嚟把入侵琳帕姆嘅侵略者送番去原本嘅世界嘅送還術，而家將技術逆向轉用，從異世界召喚對象。
- 召喚術嘅基本原理係以稱為召喚夜之石嘅特殊礦石輸入瑪那，開拓同異世界嘅道路，并講出對象嘅「真名」作為「誓約」。
- 召喚夜之石有5種顏色(黑色•紅色•紫色•綠色•無色)，因應召喚對象嘅世界使用不同嘅顏色(無色嘅召喚夜之石例外，能召喚出「冇名稱嘅世界」嘅召喚對象)
- 召喚術嘅使用者稱為召喚師，從異世界召喚嚟嘅，不論人定係死物嘅召喚對象都係稱為召喚獸。冇送還番原本嘅世界，留下作為召喚師嘅護衛稱為護衛獸。而召喚師逃走或死亡令召喚獸唔能夠返番原本嘅世界嘅召喚獸稱為走失嘅召喚獸。
- 召喚師嘅家名係根據出身和實力。召喚師嘅組織名叫「派閥」，有代表性嘅派閥有「蒼之派閥」、「金之派閥」和「無色嘅派閥」。亦有不屬喺特定嘅派閥嘅召喚師，例如獨自研究召喚術嘅召喚師嘅一族。
[編輯] 系列作品
| 遊戲名稱 | 發售日 | 平台 |
|---|---|---|
| 召喚夜響曲 | 2000年1月6日 | PlayStation |
| 召喚夜響曲2 | 2001年8月2日 | PlayStation |
| 召喚夜響曲3 | 2003年8月7日 | PlayStation 2 |
| 召喚夜響曲4 | 2006年11月30日 | PlayStation 2 |
| 召喚夜響曲 鑄劍物語 | 2003年4月25日 | GBA |
| 召喚夜響曲 鑄劍物語2 | 2004年8月20日 | GBA |
| 召喚夜響曲 鑄劍物語 ~肇始之石~ | 2005年12月8日 | GBA |
| 召喚夜響曲外傳 ~破曉之翼~ | 2005年8月4日 | PlayStation 2 |
