問題娛樂圈
出自維基百科，自由嘅百科全書
「問題娛樂圈，好過打八圈！」
問題娛樂圈(Is that Right)係一個問題遊戲節目，由2007年1月4日，到2月23日完結，逢星期一至五夜晚十點半，響無綫電視翡翠台度播出。呢個節目係由胡諾言同埋江欣燕主持。每一集都會邀請三位響娛樂圈嘅嘉賓參與呢個節目，節目中亦分咗做四大回合，可以俾呢三位嘉賓角力。
目錄 |
[編輯] 四個常規回合
[編輯] 是非題
三位嘉賓響90秒內答十條是非題，要答嗰樣料係堅料定係流料，並做出相應嘅動作。答啱有100分，答錯唔扣分。
[編輯] 看圖作料題
三位嘉賓要圈出相同同埋唔同之處，最高500分，最低10分。
[編輯] 男女關係題
三位嘉賓要響限時之內填上唔同嘅人物並加解釋，最高500分，最低10分。
[編輯] 真相大白題
出線嘅嘉賓要抽選十個中嘅一個銀碼做本金，主持就畀一張扭曲咗嘅相嗰位出線者去估，有十次機會，每拎一個題示就扣10%本金，到最後十個提示之後都唔到或者估錯嘅就會出局，最後本金到估啱咗之後先至會揭曉。
[編輯] C1機會
每個回合嘅最高分嗰一位可以參與C1機會，佢可以響十隻碟度揀一個，裏面有正面新聞同埋負面新聞。正面新聞可以加分，但係負面新聞就會扣分。但如果佢可以為負面新聞平反嘅話，就唔使扣分。
