孫中山紀念館 (香港)
出自維基百科，自由嘅百科全書
孫中山紀念館（Dr. Sun Yat-sen Museum）位於香港中環衛城道7號，前身係香港富商何東細佬何甘棠嘅官邸甘棠第。紀念館係香港歷史博物館嘅第四間分館，介紹中華民國國父孫中山嘅生平以及佢同香港嘅關係。紀念館喺2006年12月12日正式開幕，以紀念孫中山先生出世140周年。
目錄 |
[編輯] 歷史
甘棠第喺1914年起好，個名係以業主何甘棠嚟命名。何甘棠一直喺哩度住，直到終老（1950年）。1960年，甘棠第賣咗畀鄭氏家族，之後鄭氏又賣畀耶穌基督後期聖徒教會，甘棠第自此成為教會聚會嘅地方。1990年，甘棠第被古物諮詢委員會列作二級歷史建築。
2002年10月，教會向香港政府建築事務監督申請將甘棠第拆卸重建，市民同民間團體曾經舉行活動希望保留哩座建築物；2004年2月，香港政府用5300萬港元同教會買甘棠第，並且用9100萬港元進行修葺，改建做孫中山紀念館。
[編輯] 建築特色
甘棠第起喺斜坡上面，樓高3層，總樓面面積19,672平方呎，屬於英皇愛德華式古典建築風格。外牆就係用紅磚同埋花崗岩砌成，一、二樓都有個弧形露台，用希臘式巨柱承托，樓房設有前、後樓梯，以前前樓梯係畀主人何氏家族用，而後樓梯就畀工人用嘅。
[編輯] 設施
- 兩個常設展覽廳（主題分別係「孫中山與近代中國」同埋「孫中山時期的香港」）
- 「甘棠第的歷史與修繕」展覽廳
- 專題展覽廳暨演講廳
- 閱覽室
- 兩個視像室
- 互動學習室（透過互動電腦遊戲形式介紹孫中山嘅事蹟及同埋[辛亥革命]]等等嘅專題）
- 活動室
[編輯] 開放時間
[編輯] 入場費
2006年12月5日至到2007年3月31日期間，市民可以透過城市電腦售票網預購入場卷。入場卷有效期係7日，入場時間分別係上晝10點、上晝11點半、晏晝1點、晏晝2點半同埋晏晝4點。星期日同公眾假期加開晏晝5點半。
[編輯] 交通
[編輯] 圖片
 孫中山銅像 |
 清末四大寇嘅蠟像造型 |
 位於紀念館一樓嘅活動室 |
