安道爾

出自維基百科，自由嘅百科全書

Principat d'Andorra


（放大）	（放大）

國家格言: Virtus Unita Fortior
（拉丁語：在美德下團结更强壮）

官方語言

加泰羅尼亞語

首都

安道爾城

法國大公

雅克·希拉克

西班牙大公

胡安·恩里克·维维斯·西西里亚

首相

馬克·福爾内·莫爾内

面積

列第178名
468 km²

人口
- 總人口（2003年）
- 人口密度

列第184位
69,150
144.5/km²

獨立

1278年

國慶

9月8日

宗教

天主教

貨幣

歐元（€）¹ = 100 歐分

时區

UTC +1

國歌

El Gran Carlemany, Mon Pare
偉大的查理曼，我的父親

國際域名

.ad

國際長途电话代碼

376

（1）1999年前：法郎和比赛塔。1982年后曾铸造过一些当地的货币第纳尔。

安道爾公國係西南歐一個非常細嘅內陸公國，位於庇里牛斯山脈東部，同法國同西班牙毗鄰。旅遊業相當發達，亦都係避稅天堂。

[編輯] 意含

安道爾（Andorra‎）源自納瓦拉嘅andurrial，意思係覆蓋灌木嘅土地（shrub-covered land‎）。

[編輯] 歷史

主文：安道爾歷史

傳說查理曼大帝為左回報安道爾人同摩爾人作戰，頒布特許狀，喺安道爾設立教區，命烏格爾嘅伯爵擔任主教一職。11世紀嘅時候烏格爾主教同法國開始爭論安道爾嘅主權問題。

1278年雙方達成協議，安道爾由法國富瓦伯爵同西班牙烏格爾主教兩方一齊擁有主權（協議入面嘅範圍係今日安道爾政治同國土嘅雛型），後黎富瓦伯爵擁有嘅主權轉到納瓦拉國王手中，法王亨利四世喺1607年下令法國國家元首同烏格爾主教同時擁有安道爾嘅主權。

1933年法國以世界經濟大蕭條導致社會動盪為理由，佔領安道爾。1934年7月12號，一個俄羅斯冒險家Boris Skossyreff‎喺烏格爾同大眾宣佈，佢擁有安道爾嘅主權，同時又向烏格爾主教宣戰。但係佢喺幾天之後即係7月20號被西班牙當局逮捕，並即刻被驅逐出境。1936至1940年，法國因為西班牙內戰而派兵駐守安道爾。

二戰期間，安道爾維持中立，成為維希法國同西班牙之間嘅走私重鎮。

安道爾長時間與世隔絕，只係保持對法國同西班牙嘅關係。近年黎安道爾致力改善交通同通訊，又大力發展旅遊業。1993年，安道爾舉行公投，通過安道爾憲法，並且成為聯合國嘅成員。

[編輯] 政治

安道爾嘅憲法喺1993年生效，憲法定明安道爾係一個君主立憲制國家，國家元首有兩個，稱為大公，分別係法國總統（現任：雅克·席哈克）同西班牙加泰羅尼亞的羅馬天主教主教（現任：胡安·恩里克·維維斯·西西里亞），大公為虛位職。

立法就由議會負責，議會設有28個席位，一半由全國性選舉選出，另一半就由各區選出。政府係由議會多數黨組成。

安道爾嘅國防由法國同西班牙負責。

[編輯] 行政區劃

安道爾分為七個教區（parish）：

安道爾城
卡尼略
恩坎普
萊塞斯卡爾德-恩戈爾達
馬薩納
奧爾迪諾
聖胡利婭-德洛里亞

[編輯] 地理

主文：安道爾地理

2004年3月的衛星圖片

安道爾位於庇里牛斯山東部，境內是山地，平均海拔係1996米，最高點係科梅佩特羅薩，海拔達2,946米。成個國家被三條Y形的狹谷分割，喺呢度有兩條河會合，成為瓦利拉河並流向西班牙。氣候同鄰近地區，都係屬於溫帶氣候，但因境內地勢影響，夏天涼爽，而冬天降雪量較多。

[編輯] 經濟

主文：安道爾經濟

旅遊業佔GDP嘅80%，係安道爾經濟嘅主要來源。每年有大有九百萬人因免稅同冬夏兩季的度假設施而前往安道爾旅遊。近來由於法國同西班牙喺自己境內實施經濟改革，令安道爾失去一啲免稅嘅優勢。

作為免稅天堂，安道爾嘅金融業亦都好重要。由於國內只係有2%嘅土地可耕種的關係，農產品大多數係喺國外進口；畜牧業以羊為主；工業產品主要有煙同傢具。

安道爾並唔係歐盟會員國，但係佢地之間有特殊關係（歐盟對安道爾出口的產品實施0關稅）。此外安道爾本身並無貨幣，1991年之前採用法國法郎及西班牙比塞塔，之後使用歐元。不同於歐盟內的小國，安道爾不能自製歐元。但由2004年10月起安道爾同達成歐盟協議，安道爾能夠鑄造自己嘅歐元。

自然資源有水力發電、礦泉水、木材、鐵礦同鉛等。

[編輯] 人口

主文：安道爾人口

奇怪嘅係，安道爾只有33%嘅人口係安道爾人，外國僑民以西班牙人為主（佔43%），另外仲有葡萄牙人（11%）同法國人（7%）等。

[編輯] 文化

主文：安道爾文化

官方語言係加泰羅尼亞語，同西班牙加泰羅尼亞省相同。加語亦都係法西葡三國官方語言。

[編輯] 相關主題

安道爾通訊
安道爾公民婚姻
安道爾外交關係
安道爾郵政服務
安道爾旅遊
安道爾交通

[編輯] 外部鏈接

WWW.XZQH (行政区划) 安道尔网页中文

歐洲

西歐	：	比利時 \| 法國 \| 愛爾蘭 \| 盧森堡 \| 摩納哥 \| 荷蘭 \| 英國
北歐	：	丹麥 \| 芬蘭 \| 冰島 \| 挪威 \| 瑞典
中歐	：	奧地利 \| 捷克 \| 德國 \| 匈牙利 \| 列支敦士登 \| 波蘭 \| 斯洛伐克 \| 瑞士
東歐	：	白俄羅斯 \| 愛沙尼亞 \| 拉脫維亞 \| 立陶宛 \| 摩爾多瓦 \| 俄羅斯 \| 烏克蘭
南歐	：	阿爾巴尼亞 \| 安道爾 \| 波斯尼亞黑塞哥維那 \| 保加利亞 \| 克羅地亞 \| 塞浦路斯 \| 希臘 \| 意大利 \| 馬其頓共和國 \| 馬耳他 \| 黑山 \| 葡萄牙 \| 羅馬尼亞 \| 聖馬力諾 \| 塞爾維亞 \| 斯洛文尼亞 \| 西班牙 \| 土耳其 \| 梵蒂岡
海外屬地同其他特殊政區	：	塞浦勒斯英屬基地區² \| 奧蘭 \| 法羅群島 \| 直布羅陀 \| 格陵蘭³ \| 根息島 \| 揚馬延島 \| 澤西島 \| 萌島 \| 司瓦爾巴特群島
未被承認國家	：	阿布哈茲 \| 納戈爾諾-卡拉巴赫\| 南奧塞梯共和國 \| 德涅斯特河沿岸共和國 \| 北塞浦路斯土耳其共和國