屯門公園
出自維基百科，自由嘅百科全書
屯門公園係香港嘅一個大型公園，位於新界屯門區，佔地約12.5公頃，係區內最大型同最主要嘅公園。屯門公園原本係叫屯門市鎮公園，由區域市政局興建，現時由香港康樂及文化事務署管理。
目錄 |
[編輯] 位置
屯門公園位於屯門市中心，鄰近屯門大會堂、屯門公共圖書館同埋西鐵屯門站。
[編輯] 歷史
屯門公園係新界首個提供多種康樂設施嘅大型公園。公園分為兩期，第一期喺1985年8月29日開放，而第二期就喺1991年1月2日啟用。
[編輯] 簡介
屯門公園喺填海區興建，園內種植超過2000棵喬木同10萬株灌木，大概有200個唔同品種。公園重有一個人工湖，佔地約1公頃；而位於公園南面嘅爬蟲館，就係另一個景點。公園其他設施包括人工瀑布、模型船池、露天劇場、滾軸溜冰場、兒童遊樂場同埋多用途球場等。
[編輯] 主要設施
- 滾軸溜冰場 — 位於公園南面入口旁邊
- 單車徑 — 位於河畔走廊
- 人工湖 — 佔地約1公頃，可以喺岸邊欣賞湖景。以往湖畔有水上單車租借服務，市民可以租水上單車喺湖中暢遊，但近年呢個服務已經被取消。
- 人工瀑布 — 全長160米，上面起咗兩條小橋。
- 模型船池 — 喺人工湖旁邊，專供模型船愛好者操控電船。
- 爬蟲館 — 喺1999年啟用，係香港康樂及文化事務署設立嘅首個爬蟲館。該館位於公園南面嘅草地，面積約245平方米。設施包括室內展覽缸同埋露天展覽場，展出唔同品種嘅爬蟲類動物。該館現有20種共43隻活展品，以圖文介紹有關資料，並擺設有7個爬蟲類嘅模型標本。每年嘅入場人次達40萬，現已成為公園嘅主要景點。
[編輯] 開放時間
- 爬蟲館：09:00-18:00
- 其他公園設施：24小時開放
[編輯] 噪音滋擾問題
屯門區內多數係退休人士，公園內有多達十幾個表演團體，所謂噪音滋擾問題，可見康樂設施不足。
現時部份表演會安排喺人工湖旁邊嘅露天劇場進行，但喺進行期間會有保安員在旁監察，以便有違規或不愉快事件發生嗰時可以作出勸喻同埋協助。
[編輯] 交通
- 粗體字表示以屯門市中心為總站。
- 西鐵：屯門站（B出口）
- 輕鐵
- 市中心站：505、507、614、614P、751
- 屯門站：505、507、751
- 鐵巴：K51、K52、K53、K58、A73、506
- 九巴：
- 龍運巴士：E33、R33
- 小巴：40、42、43、43A、43B、43C、44、44A、44B、45、46、46A
[編輯] 參閱
Template:香港公園
