李克勤
出自維基百科，自由嘅百科全書
李克勤（Hacken Lee，1967年12月6日—）係香港粵語流行曲歌手。佢喺1985年憑住演唱譚詠麟嘅〈霧之戀〉而獲得第二屆全港十九區業餘歌唱比賽冠軍。佢亦分別喺2002年、2003年同埋2005年三度奪得無綫電視十大勁歌金曲頒獎典禮「最受歡迎男歌手」獎。
目錄 |
[編輯] 歌唱事業
李克勤喺1985年以演唱譚詠麟嘅〈霧之戀〉獲得第二屆全港十九區業餘歌唱比賽冠軍（第一屆冠軍為張學友）。其後同寶麗金唱片公司簽約，成為旗下歌手。起初佢嘅知名度並唔高，但喺1988年主演香港無綫電視〔TVB〕劇集《不再少年時》並主唱其主題曲以及推出《夏日之神話》大碟後，便火速竄紅。 據一書上面嘅記載，李因為演唱會上有些空位，因而花了一段時間出外勤學唱歌技巧。
1989年係李克勤事業嘅第一個頂峰。當年由佢主唱嘅〈一生不變〉連奪香港電台十大中文金曲頒獎典禮和TVB十大勁歌金曲頒獎典禮金曲獎。由於聲線酷似1980年代樂壇天王譚詠麟，故李克勤被認定為譚詠麟接班人。
1991年同李克勤同屬寶麗金旗下嘅歌手黎明憑TVB劇集《人喺邊緣》崛起，加上沉寂多時嘅張學友憑經典金曲〈每天愛你多一些〉成功走出事業低谷。李克勤有感受到唱片宣傳方面受唱片公司忽略，同唱片公司鬧唔和，加上嗰陣年少氣盛，聲勢亦開始下滑。
1992年李克勤主唱並填詞嘅〈紅日〉大受歡迎，至今仍然被認為係香港勵志歌曲嘅經典之作。喺四大天王林立嘅嗰陣，李克勤雖有“第五天王”之稱號，但最終〈紅日〉亦未能奪得金曲獎項。
1993年李克勤轉投星光唱片公司，一首〈-{回}-首〉令李克勤嘅歌唱事業重新振作，〈-{回}-首〉亦奪得1993年度十大勁歌金曲嘅金曲獎，並晉身最受歡迎男歌手最後五強。不過之後聲勢又未能持續：由於同唱片公司嘅合約糾紛，佢嘅歌唱事業於1995年開始陷入低潮。喺嗰陣佢只以喺TVB拍攝劇集及主持節目（如《勁歌金曲》）來維持曝光率。
1999年李克勤同環球唱片（即原寶麗金唱片公司）簽約。 2001年同香港管弦樂團合作舉辦「港樂·克勤Live」演唱會，獲得了廣泛嘅好評，並令佢再次迅速崛起。2002年，由梁詠琪作曲，李克勤填詞嘅〈高妹〉大受歡迎，並令李克勤於香港樂壇穩佔一席位。
2003年同譚詠麟合作嘅「左麟右李演唱會」，使香港掀起一陣“左麟右李”熱，兩度加演後共喺香港演出23場，並喺世界巡迴演出。 同年，同國際知名嘅青年鋼琴家郎朗合作，推出〈我不會唱歌〉一曲，成為嗰陣嘅大熱作品。2003年可說係佢嘅歌唱事業嘅第二次高峰。於2002同2003年度《十大勁歌金曲頒獎典禮》連奪兩屆「最受歡迎男歌星」。
2004年破天荒同英皇娛樂旗下嘅容祖兒喺演唱會中合作，並聯手推出新歌〈刻不容緩〉。
2005年，李克勤相隔八年後再推出國語專輯《愛可以問誰》，並展開長達一年嘅宣傳活動。佢亦喺12月推出《李克勤演奏廳》，喺此大碟中，環球唱片投資100萬元為邀請多位著名音樂家同李克勤合作。
2006年1月，李克勤喺《2005年度叱咤樂壇流行榜頒獎典禮》上取得「叱吒樂壇男歌手銅獎」，並發表「西裝論」表達佢同商業電台關係嘅改善。喺《2005年度十大勁歌金曲頒獎典禮》再次奪得「最受歡迎男歌星」，奠定樂壇巨星地位。
[編輯] 專長同嗜好
李克勤除了係歌手外，亦係填詞人。佢填詞嘅歌曲超過八十首，絕大部分由自己演繹。當中如〈大會堂演奏廳〉、〈紅日〉、〈高妹〉等都係紅極一時嘅作品。而由佢填詞作品中，大多以「克勤」作為筆名。
李克勤口才了得，擔當節目主持亦頗受好評，主持過嘅節目有《叻人新世紀》、《勁歌金曲》、《香港小姐》、1998年、2002年和2006年嘅世界盃等。2005年同梁榮忠擔任《殘酷一叮》嘅主持。
李克勤喜好足球運動。佢係英格蘭國家隊同曼聯嘅忠實球迷。1998年世界盃期間，佢發表了一首同足球有關嘅廣東話歌曲《球迷奇遇記》，此曲歌詞道盡球迷喺觀賞球賽時嘅各樣心情。同樣地，佢於2002年及2006年嘅兩屆世界盃，分別唱作了《Victory》及《我著十號》作為無綫電視嘅世界盃主題曲（2006年無綫世界盃另一主題曲為《Put Your Hands Up》），大受廣大香港市民歡迎。
[編輯] 其他
1989年參加「民主歌聲獻中華」。2006年成為國民教育大使。
