櫻庭和志
出自維基百科，自由嘅百科全書
櫻庭和志（日文：桜庭和志、さくらば かずし，綽號格雷西獵人(Gracie Hunter)或IQ摔角手(IQ Wrestler)，1968年7月14日喺日本秋田縣出世），係一位日本混合格鬥家。喺Pride度打出頭。
[編輯] 簡史
曾經係職業摔角手嘅櫻庭和志可以話係日本人嘅英雄偶像，原因係佢曾經四次擊敗向來所向無敵嘅格雷西家族( Gracie family ) 成員，分別係凱勒 (Royler)、霍斯(Royce)、漢素(Renzo)同埋凱因(Ryan)，而最令人印象深刻嘅係佢喺 PRIDE 2000 格蘭披治賽 (PRIDE Grand Prix 2000 Finals) 入面，用咗成90分鐘時間，打敗咗三屆 UFC 終極冠軍霍斯格雷西(Royce Gracie)，呢場比賽甚至成為咗混合格鬥界歷史嘅其中一場最經典比賽，唔講得笑。
[註：在巴西葡語中，以上R字頭的讀法係'h']
[編輯] 個人特色
櫻庭佢個技術別樹一格，佢D地戰知識係到左大師級境界，經常會使出其它地戰家所預測不到的動作和降服方式。佢係打格鬥西兄弟個陣，就經常研究巴西柔術家的習慣，跟住佢就會針對呢D習慣採取一些特殊戰術。就拎佢同蘭素個場黎講，蘭素對櫻庭用背抱個陣，櫻庭同佢慢慢企起身，但櫻庭就捉實蘭素扣住佢ge左手，櫻庭突然間一出力，解開個手扣，然後張蘭素隻左手向住逆時針方向咁扭，再用木村鎖方式將佢降服；因為個過程好鬼快，個裁判等到蘭素冇晒動作兼冇法自行tap-out投降ge情況下先察覺情況，但裁判扶蘭素起身個種，佢隻左手已經成隻去骨雞翼咁"軟奶奶"。賽果係櫻庭和志用木村鎖降服對手勝出。
