水巨蜥
出自維基百科，自由嘅百科全書
 |
||||||||||||
|---|---|---|---|---|---|---|---|---|---|---|---|---|
 |
||||||||||||
| 物種分類 | ||||||||||||
|
||||||||||||
|
|
||||||||||||
| Varanus salvator (Laurenti, 1768) |
水巨蜥，俗稱五爪金龍，巨蜥，圓鼻巨蜥等，係蜥蜴中體型最大的其中一種，身長一般超過 1 米，有啲甚至可長達4米。為灰色或啡色，身上佈滿唔太完整嘅圓圈印斑，排成橫間。幼年時圖案好清晰，但長大後就逐漸變暗，甚至完全消失。尾部黃黑相間，長大後亦變得模糊。每趾都有巨大嘅爪，非常孔武有力。頸長。鱗甲成珠形。尾長而粗壯，大約等於身長嘅一半。
水巨蜥同原產印尼嘅科莫多巨蜥有親緣關係，但科莫多巨蜥更大條，而且會食人。
目錄 |
[編輯] 習性同食性
水巨蜥鍾意住響近森林邊嘅沼澤濕地，屬肉食性，會隨年紀改變飲食習慣。嘢食包括大型昆蟲、甲殼類、雀鳥以至小型哺乳動物，亦會進食動物屍體。水巨蜥係機會主義者，有襲擊雞隻同家畜嘅記錄。
識得爬樹同游水，若受到威脅會變得非常有攻擊性。
[編輯] 繁殖
夏天繁殖，可誕下 10 隻，BB 孵出嗰陣可以有 30 厘米長。
[編輯] 分布
中國南部（廣東，廣西，海南島，雲南）以至東南亞等地。佢哋可同時住響河流同鹹水沼澤，所以當地又叫佢做水怪。
[編輯] 香港嘅生態情況
現時香港並無水巨蜥的詳細資料，只知佢係香港唯一嘅巨蜥品種。不過相信野生個體已經喺香港絕跡，第一次喺新界發現野生水巨蜥係 1961年，最近一次喺香港島出沒則喺1930年代左右，之後再無記錄。因為香港嘅天然濕地已受到嚴重破壞而導致絕種，就算係米埔自然保護區依個濕地生境良好嘅地方，亦都有好多年再無發現過水巨蜥嘅蹤影。
現時喺野外發現到嘅水巨蜥可能係來自市場逃逸或人為放生。雖然機會好微，但相信個別入口水巨蜥已適應咗香港嘅天然環境。位於香港食物鏈一定位置，可能同緬甸蟒蛇一樣，係年幼野豬嘅天然捕獵者。
[編輯] 資料來源
- 《香港生態情報》
- 《香港的兩棲類及爬行類》
