泰國
出自維基百科，自由嘅百科全書
泰王國，簡稱泰國，係東南亞嘅一個國家，東面係老撾同柬埔寨，南面係暹羅灣同馬來西亞，西接緬甸、安達曼海。喺1949年5月11日之前，泰國嘅正式個名係暹羅。
目錄 |
[編輯] 國家名稱
正式個名：ราชอาณาจักรไทย，ราช係「國王」、อาณาจักร係「領土」、ไทย係「自由」，讀做「泰」，所以叫做泰國。當地俗稱：เมืองไทย。
英文嘅正式寫法：The Kingdom of Thailand，簡寫：Thailand。中文嘅全稱：泰王國，而簡稱就係：泰國。
[編輯] 政治
按泰國憲法，泰國國王冇咩實際權力，國王本人主要係國家同埋完整統一的代表。現任泰國國王普密蓬·阿杜德好受到國民嘅敬愛，所以佢有時都會出面調解一下政治嘅危機。而政府嘅首腦就係總理，係由國王指定，一般都係由議會嘅聯合政府多數派黨的領袖擔任。
泰國係由兩會組成：眾議會有500席，參議會亦都有200席。議會成員係由國民選出嚟。眾議會議員會當選四年，參議會議員就當選六年。最高司法機關就係最高法院，佢地嘅成員係由國王指定。
泰國係東南亞國家聯盟嘅成員。
[編輯] 宗教
雖然泰國並冇明文聲明，但實際上佛教既地位係等同於國教。泰國既佛教傳統主要係上座部佛教，或者稱為原始佛教，屬於南傳佛教。另外小數既宗教或佛教流派係大乘佛教、回教、天主教。
因為佛教係泰國裏面既崇高地位，所以泰國係亞洲既三個佛教國家之一。
除咗上座部既傳承之外，由百幾年前華人移民亦形成左所謂既華僧宗，係泰國裏面都具有相當影響力。除咗華僧宗，鍾有越南人形成既越僧宗。
泰國作為一個相當多禮儀既國家，即使係國王都要向僧眾表示尊敬。所有人到寺廟參拜同拜見僧人都要乎合一定既禮節，否則可能受到處分。
同柬埔寨、斯里蘭卡相似，泰國亦有佢地稱之為僧王既佛教最高領袖。所有泰國佛教僧都係嚮泰國僧王管轄之下。
每年一度既衛塞節係泰國既重要節日之一，係上座部佛教紀念佛祖誕生、成道、涅槃既日子。該節日已經俾聯合國認定。
