猜包剪揼
出自維基百科，自由嘅百科全書
猜包剪揼係種零和、訊息不完全、無「純對策納殊平衡點」嘅遊戲。本身係兩人遊戲，亦可以推廣成多人遊戲。好多箇中高手都係細路。
目錄 |
[編輯] 玩法
各玩者同時出招。 招有三種：包、剪、揼。 包贏揼，揼贏剪、剪贏包，相同為打和。
[編輯] 兩人對決
數一二三，「包剪揼」或者唸「程尋磨較叉燒包」、響最後講一個時字兩人一齊出、如打和、再一次直到分勝負。
[編輯] 多人嘅玩法
好多人猜嘅時侯，以出同招為一組。包剪揼都有就要再猜，直至出現兩組。有下面嘅情況：
- 一個人直接贏出嘅（例：１包，冇剪， 其他都係揼）；
- 一個人直接輸嘅（例：１揼，其他都係包，冇剪）；
- 一組直接贏或者輸。
除咗第一種情況，其他要再猜。不過，人越多越大，時間越長。有人用多入小出先做淘汰。
[編輯] 加埋「多入小出」嘅玩法
- 先用多入小出篩人。原則係包剪揼３組中最少人數嘅兩組先出局，兩組人數相同用兩人對決嘅規則：
- 例１：三個出包，兩個出剪，一個出揼，出剪同出揼嘅係小出，要走，出包三位再來；
- 例２：兩個出包，兩個出剪，一個出揼，出揼嘅係小出，出包同出剪嘅人數一樣，剪贏包，出剪兩位再來；
- 例３：三個出包，三個出剪，三個出揼，無小出，出包剪揼人數一樣，打和，所有人再來。
- 或者，亦有最少人數嘅一組先出局，再猜。
- 或者，猜「包揼多入小出」，即只出包同揼，多嗰邊贏，人數相同嘅時候再猜。（其實相等「河孖」）
[編輯] 彈弓手
出彈弓手即一方等見到對手出招之後變招。彈弓手係種茅招。
