馬騮
出自維基百科，自由嘅百科全書
馬騮，文言上叫做猴，係靈長類動物。馬騮有成 264 種，佢個樣同猿好相似，兩樣都好似無乜分別，所以多數人都會當某啲猿係猴。但係事實上，猿係無尾嘅，加上身型比較大隻，唔同馬騮。
[編輯] 食性同生態地位
馬騮同人一樣，係雜食動物，以生果，鳥蛋，昆蟲為主，視乎品種而定。馬騮進食後吐出或屙出嚟嘅種子，可以喺第二啲林地生長，而馬騮亦係大型食肉動物（例如：豹）嘅食物來源，對森林生態好有貢獻。
[編輯] 保育現狀
 |
呢篇文或哩段裏面嘅觀點、例子、方向未必能夠代表世界各地對哩個題目嘅睇法；亦似乎偏重香港地區。 歡迎你去改改佢，或者喺討論頁傾吓點改至好。 |
喺香港郊野公園所見嘅品種，主要以恆河猴為主，另外仲有長尾獼猴同佢哋嘅雜種，以前香港係恆河猴嘅原產地之一，但相信已經絕種。現時我哋見到嘅馬騮，聽講係後期有人刻意放生，再變成而依家嘅野生品種。
[編輯] 文化
馬騮係中國嘅12生肖之一，排行第九。點解我地會改叫猴做「馬騮」呢？同「馬」有咩關係？據講以前馬舍有瘟疫，之後放馬騮喺馬籠度養，跟著啲馬就無事啦！所以後來就用「馬騮」嚟代表「猴」。
| 十二生肖 |
|---|
| 鼠 | 牛 | 虎 | 兔 | 龍 | 蛇 | 馬 | 羊 | 猴 | 雞 | 狗 | 豬 |
