Christliche Zeitrechnung
Us der alemannische Wikipedia, der freie Dialäkt-Enzyklopedy
 |
Dialäkt: {{{3}}} |
Die christlich Zittrechnig oder au Christlich Ära isch d'Zellig vu dr Johre vum agnummene Burtsjohr Jesu a. Im dytsche Sprochrüm werre d'Johre noch Christi Burt yblicherwiis mit n.Chr abchürzt, sälli devor mit v.Chr.
Die Ära heisst dorum au Johrzellig Anno Domini (latinisch fer im Johr vum Herr), abch. AD - eso in englischsprochige Länder yblich - oder, areligiös au numme unseri Zittrechnig (abch. uZ), so in dr ehemolige DDR, oder in englischsprochige Länder Common era.
Wie alli Kalenderäre chennt au die christlich Ära chei Nulljohr als Afang. D'Astronomi verwendet allerdings e Nulljohr un schribt d'Johre devor mit eme negative Vorzeiche. D.h. aber, dass s'Johr 0 vu dr Astronomi im Johr 1 v.Chr, entspricht, s'Johr -1 im Johr 2 v.Chr. usw.
Die christlich Ära setzt inzwische in allene Staate, wo si verwendet wird, uffem Gregorianische Kalender fer d'Ideilig vum Johr un d'Festlegig vu Schaltjohre uf. Menki Religionsgmeinschafte benutze aber noch die christlich Ära mit eme Julianische Kalender.
Vume e eigene "christliche Kalender" cha mer agsichts vu dr scho sit dr Spotantike starch verschidene regionale un konfessionelle Underschide im Christetum nit schwätze. Sälle Begriff isch irrefüehrend, wil er dr Gregorianisch-Julianisch Kalender mit em Chilchejohr vermengt.
E ebefalls witt verbreititi Fählinterpretation isch d'Meinig, dass dr Julianisch oder dr Gregorianisch Kalender ebbis mit unserer Zittrechnig, im besundere mit dr Zellig vu dr Johre, z'due häb. Zuemindist fer dr 46 v.Chr. igfüehrt Julianisch Kalender isch säll jo offesichtlich nit dr Fall.
