Frija
Us der alemannische Wikipedia, der freie Dialäkt-Enzyklopedy
Frîja Göttermuetter bi de Südgermane, d Frau vom Wuotan.
Name : germ. *Frîjô "Ehefrau": an. Frigg; ahd. Friia; langobard. Frea. En alts indoeuropäisches Wort: *priHeH2 "Gliebti, Ehefrau"; vgl. sanskrit: priyā "Gliebti, Ehefrau". Noch de Frîja isch de Frytig benennt.
Bi de Alemane isch die Göttin i alte Quele niene erwähnt, aber do si im zwaite Merseburger Zauberspruch vorchunnt, wo si Friia haisst, und au vode Langobarde unterem Name Frea verert worden isch, dörfet mer sicher si, as au d Alemane die Göttin verert hend. Au sind uf alemanischem Gebiet zwai Brakteate gfunde worde, wo en alti Göttin darstelet. Aini chunt vo Welschingen, vo de andere waiss mer nüme gnau, wo si gfunde worden isch.
Götter wo vo de haidnische Alemane verert worde sind: Wuotan, Frîja, Donar und Zîo.
