FUEV
Us der alemannische Wikipedia, der freie Dialäkt-Enzyklopedy
D’Fédéràlistische Union vun d'europäische Volkgruppe (Abk. FUEV, angl.: Federal Union of European Nationalities, FUEN, ditsch: Föderalistische Union Europäischer Volksgruppen, frànz.: Union fédéraliste des communautés ethniques en Europe, UFCE) ìsch e nìtstààtliche Orgànisation un e Dàchverbànd zu de Verteidigung vun d’nationàle Mìnderheite (Volksgruppe) ìn gànz Europa. Hiitzedàs repräsentiert sie meh às 80 Mìtgléder üs 32 europäische Staate.
Inhaltsverzeichnis |
[ändere] Gschìchte
D’FUEV ìsch àm 19- 20. November 1949 ìn Versailles (Frànkrich) ggréndet worre. Sie ìsch d’Fortsetzung vun d’Vorkriagorgànisation, de europäische Nationalitätenkongress (1925-1938). Siner erscht Präsidant ìsch dä Wallone Charles Plisnier gsì. Siner erscht Sekretär ìsch de bretonische Autonomischt Joseph Martray gsì. Am 1. Jüli 1950 ìsch de erscht FUEV-Kongrass in Leeuwarden (Frieslànd, NL) verloffe. Sitter 1989 het sie d’Teilnehmende Stàtus bim Europàràt un sitter 1995 e Konsultàtive Stàtus bi de Vereinte Natione.
[ändere] Ziele un Aktivitäten
Noch'm Art. 3 vun de FUEV Vorschrìft: "Die FUEV bezweckt die Erhaltung der nationalen Eigenart, Sprache, Kultur und Lebensrechte der europäischen Volksgruppen, sowie die Schaffung eines international anerkannten Volksgruppenrechtes."
D' Europäische Charta der Regional- oder Minderheitensprachen (1992 vun Europàràt beschlosse) ìsch vun d'FUEV verfàsst worre. Jeder nejer EU-Bitrater müen zerscht diese Charte unterschriwe un derno soll se ràtifiziert sì.
Sie orgànisiert Johreversàmmlung, Traffe mìt Vertrater üs europäische Volksgruppe, Séminär, Sìtzung in Europàràt (Strossburi), uzw.
Zwei Mol ìm Johr erscheint d'Ziitschrìft Europa Ethnica.
[ändere] Orgànisàtion
's Präsidanz vun de FUEV besteht üs Repräsentànte vun Mìnderheite üs sechs verschiedeni Staate. 's Généràlsekretariat het sin Sìtz in Flensburg (Schleswig-Holstein). 's gitt noch e Jungiàbteilung wu Jugend Europäischer Volksgruppen (JEV) heisst.
[ändere] Mìtgléder
[ändere] Finänzierung
d'FUEV wurr durich Biträje vun ìhre ordentliche, àssozierte Mìtgléder un staatliche Inrichtunge wia Bundeslànd Kärnte (Ëschtrich), d'ditschsprochigi Gmeinschàft in Belgie (Arelerlànd), Kànton Gräubénde (Schwiz), Dänemàrk, autonome Région vun Trentino-Südtirol (Itàlie), Provinz Fryslân (Nederlände), Bundeslànd Schleswig-Holstein, Bundeslànd Bràndeburi un Bundesrépüblik Ditschlànd finänziert. Üsserdem erhält sie Fèrdermìttel vun de Hermann Niermann Stiftung.
