Klitoris
Us der alemannische Wikipedia, der freie Dialäkt-Enzyklopedy
Als d' Klitoris (Fachterminus Clitoris, latinisiert vo griechisch κλειτορίδα, klitorída, "chleine Buckel") odr em Kitzler bezeichnet me e chleins, vo Schwellkörpergeweb bildetes zylindrischs Organ vo dr Frau un alle andere weibliche Säugetier. Entwickligsgeschichtlich entschpricht de Kitzler em Penis vom Ma (bzw. männliche Säugetier).
Inhaltsverzeichnis |
[ändere] Anatomie
De Kitzler bschtoht us zwei, am Sitzbeiusschnitt (Arcus ischiadicus) befeschtigte Schwellkörperschenkel (Crura clitoridis), di sich zuem Schaft (Corpus clitoridis) vereine. 'S freyi End isch zuer Eichel (Glans clitoridis) erwitert. Zuedem het de Kitzler bis zue ca. 14.000 Nerve.
Üßerlich sichtbar sin numme de Schaft un di hochempfindlichi Eichel, di als Deil vo dr Vulva an de vordere Umschlagfalte vo de chleine Schamlippe liege. Zämme umfasse sie numme en Zähntel vom Gesamtvolumen vo de Klitoris.
[ändere] Funktion
De Kitzler isch schtark mit Nervenendigige usgschtattet un vo demher bsunders beruehrigsempfindlich un empfänglich für sexuelli Reiz. Durch Stimulation vo dr Klitoris chömme di meischte Fraue zuem Orgasmus.
Vieli Untersuechige (Kinsey etc.) wiese klar druf ane, dass e beachtliche Adeil vo de Fraue nur denn zuem Orgasmus chömme chönne, wenn d' Klitoris (mit) schtimuliert wird.
Im Rahmen vo de Mode, hochempfindlichi erogeni Zone als "Super-Orgasmus-Pünkt" z' definiere, isch de Kitzler vom britische Zoolog un Verhaltensforscher Desmond Morris au als "C-Punkt" bezeichnet worde.
[ändere] Empfindlichkeit
D' Empfindlichkeit vo de Klitoris für direkti Schtimulierung isch individuell sehr unterschiedlich. Mänggi Fraue sin so empfindlich, dass sie e direkti Schtimulierig erscht noch eme längere Vorschpiel ertrage. Will d' Klitoris (wie obe korrekt beschriebe) mit em umgäbende Gwäb verbunde isch, sin verschiedeni indirekti Schtimulationsforme denkbar.
[ändere] Entwicklig bim Embryo
Ob sich e Penis mit Eichel odr en Kitzler bildet, wird über d' Ausschüttig vo Testosteron gregelt. Wenn sälle Mechanismus gschtört isch, chönne Fraue trotz em Gensatz XX e penisartigi Ausschtülpig entwickle, wo bi de normale Entwicklig d' Klitoris sitzt. Sälli Störig isch sehr selte.
Bi nere als "z' groß" geltende Klitoris (meischt bi nere Klitoris größer als e Zentimeter bim Neuborene) wärde hüt au chirurgischi Verchleinerige durchgefuehrt. Sälli sin, wie fascht alli chirurgische "Korrekture" bi Intersexualität, umschtritte.
[ändere] Weblinks
- Uswärtigi Umfròòg: De Artikl glease? Wie findesch’en? – Abstimmig
