Meinrad von Einsiedeln
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Meinrad vo Einsiedle« |
 |
Dialäkt: Züridütsch (See) |
De Meinrad vo Einsiedle OSB (* um 797 bi Rotteburg (Württeberg); † 21. Januar 861 in Einsiedle) isch en Eremit gsii. Uf ihn gaat d Gründig vom Chloschter Einsiedle zrugg.
De St. Meinrad, dr Legende naa us dr Familie vo de Grafe vo Hohezollere, isch a dr Benediktinerabtei vom Chloschter Riichenau im Bodesee vo de Äbt Haito und Erlebald underrichtet worde. Er isch in Orde iiträte und isch Mönch worde. Nach einige Jahre in Riichenau und i dr abhängige Priorei vo Bollinge am Zürisee hät er sich für es eremitischs Lebe entschlosse und hät sich 828 a d Häng vom Etzel zruggzoge. Er hät e Wunder vollbringendi Madonnefigur mit sich träit, wo ihm d Äbtissin Hildegard vo Züri gschänkt hät. Im Jahr 835 söll er a dr Schtell, wo hüt d Gnadekapelle i dr Chloschterchile vom Chloschter Einsiedle schtaht, e Klause und e Kapelle errichtet haa, zum i dr Einsiedelei Gott z diene (drum dr Ortsname Einsiedle).
Dr Saag naa isch dr Meinrad am 21. Januar 861 vo zwei Landschtriicher erschlage worde, wo d Schätz begehrt händ, wo am Schrein vo gläubige Pilger niedergleit worde sind. Druufhii sölled zwei Raabe d Mörder verfolgt und vor Gricht gfüehrt haa. Us dem Grund sind uf em Einsiedler Wappe zwei Raabe abbildet.
Während de folgende achtzg Jahr isch d Klause nie ohni eine oder mehreri Einsiedler gsii, wo em Biischpiil vom Meinrad gfolgt sind. Eine vo ihne, Eberhard gnännt, vorher Probscht vo Strassburg, hät es Chloschter und e Chile iigrichtet, wo er dr erschti Abt devoo worde isch.
[ändere] Weblinks
- Ytrag (inkl. Literaturongabe) im Biographisch-Bibliographische Kirchelexikon (BBKL)
- Gschicht vom Chloschter Einsiedle
| Persoonedaate | |
|---|---|
| NAME: | Meinrad vo Einsiedle |
| ALTERNATIVNAMEN: | |
| KURZBESCHREIBUNG: | Eremit, uf ihn gaat d Gründig vom Chloschters Einsiedle zrugg |
| GEBURTSDATUM: | um 797 |
| GEBURTSORT: | bei Rotteburg |
| STERBEDATUM: | 21. Januar 861 |
| STERBEORT: | Einsiedle |
Der Artikel basiert uf ´ra freie Ibersetzung vum Artikel „Meinrad von Einsiedeln“ us dr dytsche Wikipedia.
