Reduit
Us der alemannische Wikipedia, der freie Dialäkt-Enzyklopedy
 |
Dialäkt: Züridütsch (See) |
S Réduit isch en verschtärchte Verteidigungsbau, wo zum Rückzug für d Besatzig dient hät, falls dr vorglagereti Verteidigungswall vom Find überwunde worde isch. S Réduit (s Chernwerch) liit im Innere vomene Verteidigungswall. Vermehrt zum Iisatz sinds bi de detachierte Werch vo dr Neupreussische/Neudüütsche Befeschtigungsmanier vom 19. Jahrhundert choo. Sie ghörted zu de schtärchschte Feschtigsaalage und hätted sölle e hartnäckigi Verteidigung gwährleischte. D Zitadelle zum Biischpiil isch s Reduit beziehigswiis Rückszugswerch innerhalb vonere Feschtig.
Inhaltsverzeichnis |
[ändere] Réduit i de Schwiizer Alpe (Réduit National)
Zu Einzelheite lueg bim Artikel Schwiizer Reduit.
Während em 2. Weltchrieg isch s Réduit zum Begriff vom Widerschtand vo dr Schwiiz gege s Dritte Riich worde. Zum einen vo ihrem geischtige Widerschtand, zum andere vomene konkrete militärische Widerschtand vo dr Schwiizer Armee i dr Alpefeschtig.
Vo dr Grenze durs Mittelland hett im Chriegsfall nur no en Verzögerigskampf sölle gfüehrt werde. S dichtbevölkerete Mittelland und demit alli wirtschaftliche Zentre vom Land wär notfalls priisgeeh worde.
D Zentralruumschtellig hät im wesentliche de Alperuum ohni de grösseri Teil vo Graubünde und wiitgehend au ohni s Tessin umfasst, wobii di nördlichi Grenze im Berner Oberland dur de Hohgant, Heiligenschwendi und de Thunersee, sowie de Underlauf vo dr Kander und d Stockhornchetti bildet worde isch.
Zu de wichtigschte Feschtige vom Réduits händ d Feschtigswerch Sargans und St-Maurice sowie dr Sankt Gotthard als Zentrum vom Réduit ghört.
[ändere] Nachwürke: S Réduit National als Mythos
S Bild vo dr vn allne Siite iigschlossene, aber sich tapfer verteidigende Schwiiz, wies dur s Réduit symbolisiert wird, isch nach em Zweite Weltchrieg zum nationale, insbsunderi vo dr Aktivdienschtgeneration pflegte Mythos worde. Das isch im Rahme vo dr geischtige Landesverteidigung passiert, wo au gege di kommunistischi Bedrohig aagwendet worde isch. So hät bi dr Schwiizerische Landesuusschtellig 1964 in Lausanne en riisige Igel us Beton als Sinnbild für d Schwiiz im fortduuernde Réduit dient. Das Gschichtsbild isch schpätischtens mit dr Veröffentlichung vom Bricht vo dr Bergier-Kommission 1999 in Fraag gschtellt worde.
I siinere düütlichschte Uusformig, wo alli andere Bemüehige, d Unabhängigkeit während de Chriegsjahr z erhalte, gringer schätzt, isch s Réduitdenke en wichtige Beschtandteil vo dr Ideologie vo dr Schwiizerische Volkspartei (SVP) und wird bis i d Gegewart als nachahmenswerts Vorbild - zum Biischpiil gegeüber supranationale Vereinigunge wie dr Europäische Union, dr Überfremdig dur d Uufnaahm vo z viilne Ussländer, aber au gegeüber em internationale Terrorismus - empfohle.
[ändere] wiiteri Reduits
- Bundesfeschtig Ulm - mehreri Usseforts
- Feschtig Koblenz - Fort Aschterschtei, Feschti Kaiser Franz
- Feschtig Mainz - Rhyufer bi Mainz
Uuf dr hessische Rhysiite (Mainz-Kastel (zu Wiesbade)) direkt nebe dr Theodor-Heuss-Brugg liit s Reduit gnännte Gebäude. Es beherbergt hüt zahlriichi Vereinsheim und Jugendpflege-Iirichtige. Dr Innehof wird im Summer für Open-Air-Kinos, -Konzert und anderi Veraaschtaltige gnutzt. Usserdem isch au s Kaschteler Heimatkundemuseum, s Museum Castelanum, i dr Reduit underbracht.
- Komárno (Slowakei)
[ändere] Literatur
- Dr zweiti Weltchrieg Band 1 ISBN 3-7166-0048-2
- Walter A. Gieringer (Hrsg.): Erinnerige a d Feschtigsbrigade 13. Bündner Buechvertrieb, Chur 2003
- Bundesarchiv Bern
[ändere] Weblink
Der Artikel basiert uf ´ra freie Ibersetzung vum Artikel „Reduit“ us dr dytsche Wikipedia.
