Sexismus
Us der alemannische Wikipedia, der freie Dialäkt-Enzyklopedy
Untr Sexismus versteht ma jedi Art vun Diskriminierung, Unterdriickung, Zriicksetzung un Benôchtiligung vun Mensche ufgrund vun ihrim Gschlecht. Zue Sexismus in witre Sinn zähle au kulturell bdingti Gschlechterrolle -Schtereotype vun Wiblichkit un Männlichkit, mit d Uswirkung, des des Verhalte vun Fraue un Männer, hifig ubwusst, mit zweyerlei Mass gmesse werre.
Umso schtärker individuelli Abwichunge vun kulturell erwarteti Rolleverhalte missbilligt werre odar sgar bschrôft werre, umso schwieriegar ischs fyr d'Beteiligti vorherschendi Schtereotype duerch Emanzipation zue duerchbreche.
Sexismus isch ersctmôls duerch d' Frauebewegung kritisiert worre un isch mittlerwil au Gegestônd d Gsetzgebung un d Sozialforschung. S' betriff in de meischti Kulture vorrôngig d' Fraue. S giebt abar mittlerwil fascht yberal mä- odar winiger schtark usprägti Tendenze zue Emazipatione un zuer verschtärkti Ônerkennung vun d Bnôchteiligunge vun d Fraue.
In d abendlädischi Kulture isch sit d 1990er Jôhre ä Trend weg vun d' Betrachtung nuer d Unterdrickung vu Fraue un nô zuer Btrachtung d Gschlechterverhöltnis un -blônge insgsômt (Gender Studies) zue erkenne.
Der Artikel basiert uf ´ra freie Ibersetzung vum Artikel „Sexismus“ us dr dytsche Wikipedia.
