Bordeus
De Biquipedia
|
Bordeus |
|
|---|---|
Escudo d'armas |
|
 Place de la Victoire |
|
| Toponimo ofizial | Bordeaux |
| País | Franzia  |
| Rechión | Aquitania (capital) |
| Departamento | Gironda (prefeutura) |
| Destrito | Arrondissement de Bordeus (capital) |
| Cantón | Capital de 8 cantons |
| Alcalde | Alain Juppé (UMP), 2004-2008 |
| Intercomunalidá | Communauté Urbaine de Bordeaux (CUB) |
| Latitú Lonchitú |
|
| Altaria meyana | 6 m (mín. 1 m, máx. 42 m) |
| Superfizie | 49,36 km² |
| Poblazión | 229.900 ab. (2005) |
| Densidá | 4.363 ab./km² |
| Codigo INSEE | 33063 |
| Codigo postal | 33000, 33100, 33200, 33300, 33800 |
 |
|
Bordeus (Bordèu en oczitán; Bordeaux en franzés), ye un importán puerto de o Surueste de Franzia, capital de a probinzia d' Aquitania e prefetura u capital almenistratiba de o departamento de Gironde.
Un bordeus puede estar debez o bin que s'elabora en o país.
Contenius |
[Editar] Cheografía
A ziudá ye costruyita sobre o estuario de o río Garona, estallata per tanto en dos cantos.
[Editar] Demografía
Seguntes o zenso de 1999, a ziudá teneba 215.363 abitadors en o distrito monezipal e 925.253 en l'aria metropolitana. Ta febrero de 2004, s'esmaba una poblazión de 229.500 abitans.
Os abitadors de Bordeus son bordeleses. A luenga parlata cheneralmén e ofizial ye o franzés, bien que o idioma autoctono ye una luenga oczitana, o gascón, charrato en a suya bariedá setentrional bordelesa.
[Editar] Istoria
- Estió fundata arredol de l'año 300 aC. per os romanos, que la clamoron Burdigala.
- Estió saquiata per as tropas d' Abderramán en 732, dimpués d'aber redotato á o duque Eudes.
- Entre os sieglos XII e XV, Bordeus estió un feudo anglés.
- O sieglo XVIII sinificó lo suyo sieglo d'oro grazias á o comerzio con as Indias ozidentals. Os otels de os muelles prozeden d'iste periodo.
- En a Primer Guerra Mundial, o gubierno franzés se retiró ta ista ziudá.
[Editar] Bins
A rechión de Bordeus ye cuna de os más prestichiosos produtors de bin de o mundo. Se i fan igual de tintos como de blancos.
O Bordeus tinto s'elabora per un regular á partir d'una mezcla d' ugas que puede estar de Cabernet Sauvignon, Cabernet Franc, Merlot, Petit Verdot e Malbec. O bordeus blanco s'elabora á partir de Sauvignon Blanc, Semillon e Muscadelle.
A rechión binicola de Bordeus ye estallata en subrechions, entre as cuals Saint Émilion, Pomerol, Médoc e Graves. Istos zinco tintos Premier Cru (cuatre de Médoc e un, o Chateau Haut-Brion, de Graves), istituyitos per a Clasificazión ofizial de bins de Bordeus de 1855, se troban entre os más caros e que más requesta leban de o mundo:
- Château Lafite-Rothschild
- Château Margaux
- Château Latour
- Château Haut-Brion
- Château Mouton-Rothschild
Sauternes ye una subrechión de Graves, conoxita per os suyos bins blancos dulzes ta postres, como lo Château d'Yquem.
[Editar] Personaches zelebres
Entre os bordeleses más conoxitos, i feguran:
- Ricardo II d'Inglatierra (1367-1400).
- Michel de Montaigne (1533-1592), filosofo e escritor.
- François Mauriac (1885-1970), escritor, Nobel de literatura en 1952.
- René Clement (1913-1996), direutor zinematografico.
[Editar] Bels puestos d'intrés e molimentos
- Catedral de Saint-André
- Chardín Botanico
- Musée d'Aquitaine (Museu d'Aquitania)
- Musée des Beaux-Arts (Museu de Bellas Artes)
- Monument aux Girondins (Molimento en a Place des Quinconces)
- Grand Théatre (En a Place de la Comédie)
- Palais Rohan (Palazio Rohan, an ye ubicato lo conzello de a ziudá)
- Pont de Pierre (Puen de Piedra)
- Allées de Tourney
[Editar] Altros datos
L'autual alcalde de Bordeus ye Alain Juppé, de l'UMP (Unión per un Mobimiento Popular).
O equipe de futbol local ye o Girondins de Bordeaux.
