Ebro
De Biquipedia
|
||||
|---|---|---|---|---|
 |
||||
| Longaria | 910 km | |||
| Altaria d'o naxedero | 1980 m | |||
| Cabal meyano | 426 m³/s | |||
| Superfizie d'a cuenca | 83.093 km² | |||
| Naxedero | Fontibre | |||
| Desembocadura | Mar Mediterranio | |||
| Estatos per an pasa | España | |||
| Río | ||||
L'Ebro ye o río más cabaloso d'a Peninsula Iberica, recorre a bal d'o suyo nome en direuzión NU.-SE. con una largaria total de 910 km y 83.093 km² de compleganza.
Naxe en Fontibre (d'o latín Fontes Iberis, Fuens de l'Ebro, en griego Έβρος) amán de Reinosa, en a Comunidá Autonoma de Cantabria, pasando por Miranda d'Ebro, Aro, Logroño, Tudela, Alagón, Zaragoza, Caspe y Tortosa.
Os prenzipals mazizos monterizos que amugan a suya compleganza son: os Perinés á lo norte, o Sistema Iberico á lo sur y os Picos d'Europa en a suya naxenzia.
Regude á lo mar Mediterranio en Deltebre (Delta de l'Ebro), prosimo á Tortosa y á Amposta (zaguera ziudá por la que pasa) (Tarragona), formando un Delta an a Isla de Buda dibide a corrién en dos brazos prenzipals (Golas Norte y Sur). O Delta de l'Ebro cubre 330 km² -20% d'os cualos son arias naturals y a demás superfizie ye agricola y urbana; os campos de roz en o Delta cubren unas 21.000 ha.
L'Ebro tien as suyas crexidas más cutianas en a estazión freda, d'otubre a marzo, anque a begadas se porlongan dica mayo. As baxadas se produzen en estiu: de chulio á otubre, en Miranda d'Ebro y de remates d'agosto á primers de setiembre en Tortosa.
As auguas de l'Ebro se aprobeitan en muitos puntos t'o regano por meyo de as canals Imperial y de Tauste. O suyo cabal ye regulato por os entibos de l'Ebro, Mequinenza y Ribarroya. Istos entibos fan que en l'autualidá en o Delta se produzca un fenomén cheolóchico clamato rebordonidura, porque aturan os solaches que deberban arribar á la regudidura.
O suyo nome deriba de l'antigo toponimo Iber, que da tamién nome á los lugars iberos. En basco "ibar" senifica ribera u margin d'o río.
Contenius |
[Editar] Datos alazetals
- Situazión cheografica: Norte d'España, trescruza as comunidaz de Cantabria, Castiella y Lion, A Rioxa, Nabarra, Aragón y Cataluña
- Orichen : Se nesgoron os solaches esteriors (os Perinés y Beticos) formando dos rallas de mena alpína (Perinés y Beticas) que creyoron en compensazión l'acolada de dos cosas: a bal de l'Ebro, y a bal d'o Guadalquibir embadidas por o mar.
- Naxenzia: tradizionalmén se fixaba en o mananzial de Fontibre a 880 m. Güe se fixa en as fuens d'o río Ixar en Peñalabra a 1.980 m, 27 km antis de Reinosa, corrién que biene d'o mananzial.
- Regudidura: Mar Mediterranio. O Parque Natural d'o Delta de l'Ebro estió creyato en 1983 por a Generalitat de Catalunya. Ye a redolada umeda mas impotán de Cataluña con una superfizie total de 7802 etarias.
- Largaria: 910 km
[Editar] Afluyéns prenzipals
[Editar] POR A CUCHA
- Río Nela
- Río Xerea
- Río Bayas
- Río Zadoya
- Río Ega
- Río Aragón 1300 hm³/añada, sin contar l'aportazión de l'Eska
- Río Candanchú
- Río Estarrún
- Río Aragón Subordán
- Río Beral
- Río Eska
- Río Onsella
- Río Irati
- Río Arga 250 hm³/año
- Río Arba
- Río Galligo 1000 hm³/año
- Río Aurín
- Río Escarra
- Río Caldares
- Río Auguas Acuriosas Tien l'entibo d'a Sarra
- Río Guarga
- Río Asabón
- Río Sotón
- Río Segre
- Río Balira
- Río Noguera
- Río Noguera Pallaresa
- Río Noguera Ribagorzana 700 hm³/añada Bolumen regulau por os entibos Escales, Canellas y Santa Ana
- Río Zinca 1615 hm³/añada Bolumen regulau por l'entibos de Lo Grau
- Río Isabana
- Río Esera 950 hm³/añada
- Río Isabana
[Editar] POR A DREITA
- Río Oca
- Río Oxa
- Río Tirón
- Río Naxerilla Tien l'entibo de Mansilla
- Río Iregua
- Río Lumbreras
- Río Montenegro
- Río Albercos
- Río Blanca
- Río Leza
- Río Zidacos
- Río Alfama
- Río Añamaza
- Río Linars
- Bco La Canexada
- Río Queiles 20 hm³/añada
- Río Uecha 40 hm³/añada
- Río Xalón 650 hm³/añada
- Río Isuela
- Río Aranda
- Río Ribota
- Río Xiloca
- Río Pancrudo
- Río Piedra Tien l'entibo d'a Tranquera
- Río Naxima
- Río Deza
- Río Manubles
- Río Uerba 35 hm³/añada Tien os entibos de Mezalocha y as Torcas
- Río Auguas Bibas 35 hm³/añada Tien os entibos de Almochuel y de Moneba
- Río Moyuela
- Río Martín 60 hm³/añada Tien l'entibo d'Espelunga Foratada
- Río Guadalope 250 hm³/añada Tien os entibos de Calanda de 54,2 Hm³ de capazidá y Santolea de 54 hm³ de capacidá
- Río Guadalopillo Tien l'entibo de Gallipuén de 4,4 hm³ de capazidá
- Río Matarraña 50 hm³/añada
- Río Algas
[Editar] Entibos
Entibo de l'Ebro en su curso alto. Embalses de Mequinenza y Ribarroja en su curso baxo.
[Editar] Canalss
Canal de Lodosa, Canal Imperial d'Aragón, Canal de Tauste, Bardenas, Monegros, Zinca y Canal d'Aragón y Cataluña.
[Editar] Produzión idroeletrica
74 zentrals en a probinzia de Uesca con una potenzia instalada de 847297 kW con una produzión de 2.787.000.000 kW/h 30 zentrals en a probinzia de Zaragoza con una potenzia instalada de 372437 kW con una produzión de 761.000.000 kW/h 34 zentrals en a probinzia de Tergüel con una potenzia instalada de 24135 kW con una produzión de 28.000.000 kW/h
[Editar] Rechimen flubial
L'Ebro ye un río cabaloso pero con un cabal irregular, a remates d'estiu tien zereñas baxadas y en primabera, con a eschelada pirinenca tien o suyo masimo cabal. En Tortosa ha arribato a tener un cabal de 32m³/s en periodo d'ixuquera y se superoron os 10.000 m³/s en bellas crexidas.
As prenzipals botinadas en Zaragoza dende remates d'o sieglo XIX son:
- marzo 1888 3.760 m³/s
- chinero 1891 3.250 m³/s
- frebero 1892 3.790 m³/s
- chinero 1895 3.118 m³/s
- marzo 1930 3.600 m³/s
- abiento 1930 3.000 m³/s
- otubre 1937 3.000 m³/s
- chinero 1941 4.000 m³/s
- frebero 1952 3.260 m³/s
- chinero 1961 4.130 m³/s
- nobiembre 1966 3.154 m³/s
- frebero 2003 2.957 m³/s
- marzo 2003 2.220 m³/s
[Editar] Refitolerias
Os ríos Isuela (río de Uesca afluyén d'o Flumen; río de Zaragoza afluyén de l'Aranda) y Zidacos (con a mesma prenunzia y diferén grafía en español: Cidacos río rioxano y Zidacos, río nabarro) son segundiaus, por a margin dreita y por a cucha.
- Cheografía d'España
- Baralla de l'Ebro
