Francis Drake
De Biquipedia
|
||||||||||||
Francis Drake (Crowndale 1543 - Portobelo, 28 de chinero de 1596) estió un famoso mariner, esplorador y corsario. Estió lo primer anglés que fiere ra buelta á lo mundo.
[Editar] Biografía
Naxió en o sino d'una familia protestán que se beyó obligata a tresladar-se á Kent mientres a regüelta catolica de 1549.
Mariner dende muito choben, fué á lo Caribe atrayito per a graniza riqueza que portiaban as naus d'a Corona de Castiella. O suyo odio enta os catolicos crexió debito á un inzidén en cualo a suya nau estió enrestida por os españols a penar d'aber una tregua con ers.
Dende ixe inter se conbirtió en una baruca ta o imperio castellán. L'añada 1573 atacó lo puerto colombiano de Nombre de Dios t'apoderar-se d'a flota d'o tresoro española. Se lebó l'oro que portiaban os barcos españols pero dixó a plata debito á lo suyo peso.
As suyas aizions li balioron un gran emparo d'a cort anglesa. Estió finanziato por o Conde d'Essex y a reina Isabel I d'Anglaterra li otorgo en 1581 o tetulo de Sir.
En l'año 1577 a reina li clamo ta fer esplorazions en o Pazifico, asinás se conbirtió en o primer anglés en trescruzar o Estreito de Magallans y o primer anglès en fer a buelta á lo mundo.
[Editar] L'Armada imbenzible
Drake estió nombrato bicealmirán l'añada de 1588 ta luitar contra l'armada española (a clamata Armada imbenzible) que quería embadir Anglaterra. Abió una interbenzió destacata en la redota d'a Imbenzible en a Baralla d'a Canal d'a Mancha
En os zaguers años d'a suya bida y ya con o tetulo d'almirán abió lo encargo d'atacar Puerto Rico anque no abió esito. Morió una añada dimpués (1596) de disentería dezaga d'un nuebo intento d'apoderar-se d'ista isla.
