Incheniería

De Biquipedia

A incheniería se define como a profesión en a cuala os conoximientos d'as matematicas y as zenzias naturals otenitos a trabiés d'o estudio, a esperenzia y a prautica, son aplicaus con criterio y con conzenzia a o desembolique de medios ta emplegar economicamen con responsabilidá sozial y alazetaus en una etica profesional, os materials y as fuerzas d'a naturaleza ta esquimen d'a umanidá. As presonas que s'adedican a era recullen o nome de inchenieros.

O incheniero debe identificar y replecar os entrepuzes más impotáns ta poder reyalizar un güen diseño. Bels d'os entrepuzes son os recursos disponibles, as mugas fesicas u teunicas, a flesibilidá ta esdebenideras modificazions y adibiduras, y atros fautors como lo coste, a posibilidá de levar-lo a cabo , as prestazions y os miramientos esteticos y comercials. Por meyo d'a repleca d'os entrepuzes, os incheniers deduzen cualas son as amillores soluzions ta concarar as mugas trobatas cuan se tien que produzir y emplegar un arreparo u sistema.

Os incheniers emplegan o conoximiento d'a zenzia y as matematicas y a esperenzia apropiata ta trobar as amillores soluzions a os problemas concretos. Creyando os modelos matematicos apropiatos d'os problemas que lis premiten analisar-los rigurosamen y prebar as soluzions potenzials. Si esisten moltiples soluzions razonables , os incheniers abaloran as diferéns ozions de diseño denzima l'alazet d'as suyas cualidás y elexen a soluzión que millor s'adauta a las nezesidás.

En cheneral, os incheniers intentan prebar si os suyos diseños logran os suyos oxetibos antis de prozeder a la produzión en cadena. Ta er, emplegan entre atras cosas: prototipos, modelos a escala, simulazions y prebatinas de fuerza. As prebatinas refincan que los manefizios funzionarán como se eba prebisto.

Ta fer diseños estandar y fazils, os ordenadors tienen un paper impotán. Emplegando los programas de diseño asistiu por ordenador(DAO, más conoxiu por CAD - Computer Assisted Design-), os incheniers pueden otener más informazión sobre os suyos diseños. L'ordenador puede traduzir automaticamen bels modelos en instruzions aptas ta fabricar un diseño. L'ordenador tamién premite un remplego mayor de diseños desembolicaus anteriormen amostrando-le a lo incheniero una biblioteca de partis predefinidas ta estar emplegatas en os suyos mesmos diseños .

Os incheniers se prenen mui en serioso a suya responsabilidá profesional ta produzir diseños que se desembolicarán como yera prebisto y no causarán un daño inasperau a la chen en cheneral. D'ordinario, os incheniers encluyen un fautor de seguranza en os suyos diseños ta reduzir o risque de fallos inasperaus .

A parabra biene d'o latín ingeniosus. Por lo tanto, un incheniero ye una presona intelixén y prautica que resuelbe problemas. O termín eboluzionó más adebán ta encluyir todas as arias en as que s'emplegan teunicas ta aplicar o metodo zentifico. En atras luengas como l'arabe, a parabra incheniería tamién senifica cheometría .

A zenzia intenta esplicar os fenoméns reziéns y sin esplicazión, creyando modelos matematicos que se corresponden con os resultaus esperimentals. Teunolochía e incheniería son l'aplicazión d'o conoximiento otenito a trabiés d'a zenzia y produzen resultaus prauticos. Os zentificos treballan con a zenzia y os incheniers con a teunolochía. Sin dembargo, puede aber puntos de contauto entre a zenzia y a incheniería. No ye raro que os zentificos se beigan embrecaus en as aplicazións prauticas d'os suyos trobos. Por o contrario, mientres o enanto de desembolicar teunolochía, os incheniers se troban a begadas esplorando nuebos fenoméns .

Tamién puede aber coneusions entre o funzionamiento d'os incheniers y os artistas, sobre tot en os campos de l'arquiteutura y d'o diseño industrial.

[Editar] Campos d'a incheniería

D'o mar
- Incheniería marina
  - Idrodinamica
    - cabitazión
    - supercabitazión

Zenzias d'a Tierra
- Incheniería cheoteunica

De l'aire y l'espazio
- Incheniería aeronautica
- Incheniería aereospazial
- Astronautica

Alministratibas y diseño
Incheniería Alministratiba
Incheniería industrial
Incheniería d'Organizazión Industrial
Incheniería loxistica
Incheniería d'a seguranza
Incheniería d'a arquiteutura

Deribadas d'a fesica y quimica
Incheniería fesica
- Incheniería nuleyar
Incheniería acustica
Incheniería mecatronica
Incheniería de control
Incheniería eletrica
Incheniería eleutronica
- Incheniería de telecomunicazions
Incheniería mecanica
- Incheniería zebil
- Incheniería d'os materials
- Incheniería estrutural
Incheniería quimica

Deribadas d' as zenzias biolochicas y a merezina
Incheniería biolochica
Incheniería genetica
Incheniería merica
Incheniería de Texius

D'a agricultura y meyo ambién
Incheniería agroforestal
Incheniería agricola
Incheniería forestal
Incheniería d'alimentos
Incheniería ambiental
Ingeniería de mons

Por oxeto d'aplicazión
Incheniería automotriz
Incheniería d'o paper
Incheniería d'o petrolio
Incheniería d' os repuis
Inchenieria d'o porte
Incheniería de minas
Incheniería minera
Incheniería melitar

D'a informazión
Incheniería informatica
Incheniería de sistemas
Incheniería de software
Teunolochía d'a informazión

Nobedosas
Nanoincheniería
Retroincheniería

[Editar] A incheniería y a umanidá

A empezipiallos d'o sieglo XXI a incheniería en os suyos mui dibersos campos ha lograu esplorar os planetas d'o sistema solar con alto grau de detalle, destacan os esploradors que se fican dic'a superfizie planetaria; tamién ha creyato un equipe capable de redotar a lo campión mundial de axedrez; ha lograu comunicar a lo planeta en truesas de segundo; ha chenerato internet y a capazidá de que una presona se enchege a ista rete dende cualsiquier puesto d'a superfizie d'o planeta con una computadora portiable y un telefón satelital; ha apoyato y permitiu inlumerables abanzes d'a zenzia merica, astronomica, quimica y en cheneral de cualsiquier atra. Grazias a la incheniería se han creyato maquinas automaticas y semiautomaticas capables de produzir con mui poca aduya umana grans cantidaz de produtos como alimentos ,autos y telefonss zelulars.

Déban de todas as marabillas que senifica la incheniería, l'umanidá no ha lograu redorar o fambre d'o planeta, ni muito menos a pobreza, abendo a l'añada 2005 una muerte d'un infán cada tres segundos por causas aprebenibles. Sin dembargo este no ye un problema d'a incheniería sino que más bien de mena sozial, pulitica y economica.

Un aspeuto negatibo que ha chenerato a incheniería y compete en gran parti resolber a la mesma ye o daño a lo meyo ambién que muitos enantos y produtos bafatos de istas disziplinas han chenerato y ye deber y buxada d'a incheniería contrebuyir a resolber o problema.