Mecanica clasica
De Biquipedia
A mecanica clasica ye tamién conoxida como Leis de Newton (Sistema inerzial) en onor a Isaac Newton, qui fazió contribuzions fundamentals a esta teoría. A mecanica ye a parte d'a fisica que estudea as fuerzas. Se trestalla en:
- Estatica, que trata sobre as fuerzas en equilibrio mecanico.
- Zinematica, que estudea o mobimiento sin contar con as causas que lo produzen.
- Dinamica, que estudea os mobimientos y as causas que los produzen.
Aa mecanica clasica reduz o suyo estudio a o dominio d'a esperienzia diaria, ye dezir, a ebentos que suzeden a belozidaz asabelo menors que a belozidá d'a luz y a escala macroscopica.
[Editar] Importanzia d'a mecanica clasica
A mecanica clasica ye un modelo fisico macroscopico d'o entorno fisico. Ye relatibamén fázil de comprender y de representar matematicamén. En consecuenzia, ye de millor aplicar que a Mecanica cuantica, nomás aplicable a particlas elementals y entornos microscopicos.
A mecanica clasica ye sufizienmén balida t'a más gran parte d'os casos practicos cutianos en una gran cantidat de sistemas. Esta teoría, por exemplo, describe con gran exactitut sistemas como codetes, mobimiento de planetas, moleculas organicas, trompos, trens y trachectorias de móbils en cheneral.
A mecanica clasica de Newton ye amplamén compatible con otras teorías clasicas como l'electromagnetismo y a termodinamica, tamién "clasicos" (estas teorías tienen tamién o suyo equibalén cuantico).
