Sheila Herrero

De Biquipedia

Sheila Herrero Lapuente, esportista aragonesa naxita lo 28 de chunio de 1976 en Zaragoza.

Considerata una d'as millors patinadoras d'o mundo en a modalidat de patinache de belozidat sobre ruedas, Sheila se retiró d'as competizions en otubre de 2003, á la edat de 27 años, dixando dezaga d'ella un palmarés estelar. Os suyos 15 tetulos en campionatos d'o mundo la combertioron en a esportista d'o Estato español con més trunfos mundials, per debán d'o motoziclista Ángel Nieto. Conta antimés con 88 tetulos en campionatos d'España e 36 en campionatos d'Europa, abendo trunfato 49 bezes en competizions internazionals.

A clamata "Chitana Dorata", filla de pais tamién patinadors, s'adedicó dende bien chiqueta á lo patinache. Á lo largo d'a suya carrera, Sheila rezebió numbrosos reconoximientos e importans destinzions d'as més altas instituzions aragonesas e españolas. En l'inte d'o suyo abandono d'as competizions, Sheila confirmaba lo suyo deseyo de continar relazionata con o patinache, debez que o suyo intrés pero o mundo d'o diseño e a moda.

O premio d'a Fiesta d'o Patín d'Hipercor, a primera d'as cuals se reyalizó l'abril de 2004 en Zaragoza, leba per nombre Gran Premio Sheila Herrero.

[Editar] Trunfos prenzipals

1994

Campiona d'o Mundo en 1.500 metros en Gujan Mestras (Rechión d'Aquitania, Franzia)

1996

Campiona d'o Mundo en 5.000 metros en Padua (rechión de Benezia, Italia)

1998

Campiona d'o Mundo en 5.000 metros en Pamplona (Nabarra)

1999

Campiona d'o Mundo en relebos á l'americana, maratón, 5.000, 10.000 e 15.000 metros en Santiago de Chile (Chile)

2000

Campiona d'o Mundo en 5.000 e 10.000 metros en Barrancabermeja, (estato de Santander, Colombia)

2001

Campiona d'o Mundo en 5.000 e 10.000 puntuazión/eliminazión, 15.000 e maratón en Valance d'Agen (rechión d'os Pirinés, Franzia)

2002

Medalla d'oro en a modalidat d'os 10.000 metros combinata d'os Campionatos d'o Mundo de Patinache de Belozidat en pista, en Ostende (Flandes, Belchica)
Medalla de plata en a modalidat d'os 15.000 metros combinata d'os Campionatos d'o Mundo de Patinache de Belozidat en pista, en Ostende (Flandes, Belchica)
Campiona d'España en 1.500 e 5.000 metros puntuazión e 15.000 metros eliminazión en Sansomendi, Bitoria (País Basco)
Medalla de plata en 3.000 metros en linia e 5.000 metros puntuazión, e de bronze en 10.000 metros eliminazión, en a modalidat de zercuito d'o Campionato d'Europa , en Grenade sur Garone (rechión d'os Pirinés, Franzia)
Campiona en 5.000 metros puntuazión en pista e en 3000 metros linia, subcampiona en 10.000 metros eliminazión en pista e medalla de bronze en encorredura per equipos 1.500 metros, en a modalidat de pista d'o Campionato d'Europa, en Grenade sur Garone (rechión d'os Pirinés, Franzia)