Muvra
From Wikipedia
| A Muvra | ||||||||||||||||
|---|---|---|---|---|---|---|---|---|---|---|---|---|---|---|---|---|
 A Muvra |
||||||||||||||||
| Classificazioni/e scentifica | ||||||||||||||||
Template:Taxobox section trinomial |
||||||||||||||||
 L'incurratura di u muvronu, Ovis musimon |
A Muvra (Ovis gmelini musimon) hè un animali chì faci partita di a sottufamiglia di i Caprinae. Tutti i muvri chì si trovani in Auropa uccidentali sò di sterpa corsa o sarda. A muvra hè un animali emblematicu di a Corsica. U masciu si chjama u muvronu, a femina si chjama a muvra, i chjuchi sò u muvreddu è a muvredda. U ghjovanu masciu hè l'arghjetu.
Cuntinutu |
[edit] Discrizzioni
A muvra corsa hè più chjuca cà l'altri muvri d'Auropa (da 60 a 75 centimetri). Pesa da 25 à 35 chilò par a muvra femina è da 35 à 50 chilò par u muvronu. U corpu hè cortu ma eliganti. A coda hè corta corta. U muvronu hà i corra inturchjulati (da 80 à 90 centimetri). A muvra t'hà i corra fini è pochi incurvati ; coprani à mità di i muvri femini. U pilamu hè brunu scuru ma più chjaru d'istati. Masciu è femina sò facciati è portani tremindù una tacca bianca, carattaristica di a razza, annantu à a "sedda". I sterchi s'assumigliani à quiddi di i capri salvatichi. U vaghjimu hè a staghjoni di "l'amori". Si vedi tandu lotti viulenti trà i masci, di radu murtali. U muvronu t'hà un carrataru suciali. D'inguernu ancu a nivi u gruppu di muvri impiaghja. Di branu, i femini catiddighjani d'un solu chjucu par annu. D'istati i muvri coddani in alta muntagna. A muvra hè vegetariana : "l'arba muvredda" (Armeria multiceps) custituisci l'essenziali di a so alimentazioni. I muvri t'hani pochi numichi : l'acula, a vulpi, u ghjacaru.
[edit] Prutizzioni
A muvra hè prutettu da :
- a cunvinzioni internaziunali di Washington (CITES) chì intardisci u cummerciu di i spezii di fauna è di flora minacciati di sparizioni.
- a cunvinzioni di Berna
- a dirittiva Habitat
[edit] In Corsica
Ovis gmelini musimon hè a sottuspezia particulari di muvra chì hè prisenti in Corsica. A muvra hè una parti maiò di u patrimoniu naturali è culturali di l'isula. In Corsica, i muvri si trovani in trè loca : Bavedda, u Monti Cintu è Lonca-Lindisoni. Stani da 300 à 2500 metri, in i scodda. Oghji a pupulazioni in Corsica hè stimata à 1000 animali.
[edit] Da veda dinò
- u gruppu di cantu i Muvrini
- u fiori di muvredda (o erba muvrella) (armeria multiceps)
- a rivista A Muvra
[edit] Rifarenzi
- Sir William Jardine, The Natural History of the Ruminating Animals, 1836, p. 132-137
- Ovis gmelini musimon, Natura 2000
- Ovis gmelini musimon var. corsicana
- A caccia in Corsica, Papi, Arnestu, 1987, Adecec
[edit] Liami
Issu articulu hè in custruzzioni. Pudeti cuntribuiscia à a so redazzioni.
