Corsica

From Wikipedia

Issu articulu hè in custruzzioni. Pudeti cuntribuiscia à a so redazzioni.

Europa > Francia > regione francese > Corsica

Corsica

Statu	Francia
Capitale	Aiacciu
Spaziu	8.681 km²
Pupulazione	275.000 ab.
Densità	31 ab./km²
Dipartimenti	2
Circundarii	5
Cantoni	52
Cumune	360
Innu	Diu vi salvi Regina

Fotografia satellitu di Corsica

A cità di Bonifaziu

A Corsica hè un' isula di u Mediterraniu, a quarta più grande dopu Sicilia, Sardegna è Cipru. Hè una regione francese è cumporta dui dipartimenti: a Corsica suprana (2B, Haute-Corse in francese) in nordu è a Corsica suttana (2A, Corse-du-sud in francese) in meziornu. A lingua di a populazione hè u corsu è u francese .

A capitale amministrativa di l'isula hè Aiacciu (Aiaccio in italiano), è questa cità hè dinù a prefettura di u dipartimentu di a Corsica suttana. E grande cità di u dipartimentu sò Porti Vecchju è Sartè.

A prefettura di u dipartimentu di a Corsica suprana hè a cità di Bastia è a so agglumerazione hè a più grande di Corsica, cù e cumune di Furiani, Borgu, Lucciana, Biguglia è Pietranera. Dinù, a cità di Bastia hè vicinu à u Capi Corsu. E principale cità di Corsica suprana sò Corti è Calvi.

[edit] Storia

A Corsica, in u libru "Wanderings in Corsica; its history and its heroes" di F. A. Gregorovius (1855)

A Corsica fù a prima nazione democràtica di u mondu cù una custituzione (prima in 1735 è dopu in 1755 cù a participazione di Jean-Jacques Rousseau, u famosu filòsofu di Geneva.)

Dopu a disfatta di Ponte Novu in Corsica suprana, l'isula diventa francese in 1769, u stessu annu chè a nàscita di Napulione Buonaparte, futuru imperatore di Francia trà 1804 è 1815. A Corsica hè un' ùnicu dipartimentu da 1790 à 1793 è da 1811 à 1976.

725 : invasione di a Corsica da i Lombardi
754 : Carulu Magnu, diventatu rè di i Lombardi, cede a Corsica à u Pappa
1077 : u Pappa Gregoriu VII cunfida l'amministrazione di a Corsica à u vescu di Pisa
1133 : i vescuvati sò spiccati in dui gruppi (unu per Genuva è une per Pisa)
1195 : stallazione di Genuva in Bonifaziu
1268 : stallazione di Genuva in Calvi
1284 : a Corsica diventa a proprietà di Genuva
1383 : fondazione di Bastia da Genuva
1551 : Samperu Corsu occupa a Corsica incù i Turchi, per a Francia
1559 : trattatu di Cateau-Cambrésis, a Corsica hè resa à Genuva
1594 : escita di a prima storia di Corsica
1725 : nascita di Pasquale Paoli
1730 : di decembre, a Corsica dichara a so independenza
1731 : e truppe imperiale scalanu in Corsica, dopu à dumanda di Genuva
1732 : pace di Corti, chì ùn serà micca respettata
1735 : 30 di ghjennaghju, dichjarazione d'independenza da a consulta d'Orezza
1735 : prima Custituzione corsa
1736 : Teodoru di Neuhoff diventa "rè di i Corsi"
1737 : convenzione di Versailles trà a Francia è Genuva
1738 : prima intervenzione francesa
1747 : seconda intervenzione francesa
1755 : u 14 di lugliu, Pasquale Paoli hè proclamatu "generale di a Nazione" da a consulta d'Orezza
1755 : seconda Custituzione corsa
1765 : apertura di l'Università di Corti
1768 : 15 di maghju, per via di u trattatu di Versaglia Genuva cede a Corsica à a Francia. A Corsica dichjara a guerra à a Francia
1768 : 9 d'ottobre, vittoria di e truppe di Pasquale Paoli annantu l'armata francese, durante a battaglia di U Borgu
1769 : 9 di maghju, disfatta di e truppe di Pasquale Paoli contra à l'armata francese, durante à battaglia di Ponte Novu
1769 : 13 di ghjugnu, Pasquale Paoli chetta a Corsica per a Grande Brittania
1769 : 15 d'aostu, nascita di Napoleone Bonaparte in Aiacciu
1789 : l'Assemblea naziunale francese decreta ch'è « a Corsica face parte di l'Imperiu francese »
1790 : creazione di u dipartimentu di Corsica, avendu Bastia cum'è capitale
1793 : separazione di Corsica in dui dipartimenti, u Liamone è u Golu
1807 : morte di Pasquale Paoli
1821 : morte di Napoleone Bonaparte annanta à l'isula di Santa Elena
1840 : viaghju di Prosper Mérimée in Corsica
1858 : 4 d'aostu : a lingua francese diventa a lingua officiale in Corsica