Sirinatu di Scappinu
From Wikipedia
U Sirinatu di Scappinu (o Serenatu di Scappinu) hè cunsideratu cum'è u prima testu di a litteratura in lingua corsa. Si trova in u Cantu quartu di a Dionomachia di Salvatore Viale (1787-1861).
Cuntinutu |
[edit] U testu classicu
Eccu u testu originale di u Sirinatu di Scappinu:
- O spechiu d'e zitelle di la pieve
- O la miò chiara stella matuttina
- Più bianca di lu brocciu e di la neve
- Più rossa d’una rosa damaschina
- Più aspra d’a cipolla, e d'u stuppone
- Più dura d’una teppa, e d'un pentone.
- Tù m'hai strigatu : eo struchiu a pocu a pocu
- Sò spitittattu, e au core achiu gran pena.
- A notte un dromu, e nun ne trovu locu
- Cume manghiassi a nepitella a cena ;
- Lasciu andà le miò sciotte a gueru intornu
- E un tessu mancu tre fattoghje a u ghiornu.
- Duve fai trischie u sabatu pe u fornu
- Eo vengu in nice di circà u vitellu ;
- Ti facciu u cherchu, e ti vo sempre attornu
- Cumme lu tò agnellettu e cagnulellu.
- Ammi tant'u to cucchiu e u to mertinu ;
- E pò tant' odiu porti a me mischinu.
- Se in cherciula dai cena a u mannerinu
- A sera, o cogli in l'ortu l'insalata
- T'appostu, e tu ma' nun mi voi vicinu.
- Eppuru eo t'ammu, e t'achiu sempre amata
- Fin da quandu era tantu chiuculellu
- C'un m'arrivava a coglie a u summerellu.
- Lasciava spessu scumbià l'agnelle
- Cullava a coglie e frutte sui chiarasci
- Cun tecu e mi jucava alle piastrelle
- E guagnandu bulea l'impatta in basci.
- D'u morsu, chi per zerga a lu puchiale
- Tù m'attaccasti, achiu ancu u mercu avale.
- Un ghiornu, ch'era in tempu di sighere
- E d'orzu novu si fecìa lu pane
- Tu cantavi a diana ; eo cun piacere
- Sottu un sepalu stava ad ascultane.
- All' impruvisu ti venne la tossa ;
- Eo dissi : lisca ! e tu ti festi rossa.
- Ti ricordi in quest'ultima nivata ?
- Tiravi e tolle, e a u tò valcon supranu
- Fecìe tra mezzu a l’albe l'affaccata.
- Eo fecìa a boccarisa un basgiamanu.
- Quelle sere eo venìa da tè a vighjane
- E ghjucavamu inseme à scallamane.
- Vengu spessu cù a cetera à u to fucone
- Mi arrembu a tè ne, e allor' sò tuttu in bena,
- E sonu e cantu strunelli è canzone ;
- Mi scordu di lu sonnu e di la cena;
- U troppu, duv'eo sto, mi par di piume,
- E nun mi curu d’acciecà di fume.
- Ti dedi u core, o Filignocca ingrata
- E tuttu u meo ti sarìe prontu a dane.
- U casciu, ch’a mio vacca bracanata
- Mi fa' gni jornu, eo lu vendu in citane
- E a l'appiattu di mamma e d'e surelle
- Ti ne accattu frisgetti, achi, è curdelle.
- T'aghiu datu una reta crimisina
- Cun quattru pendalucchi, infrisgiulata
- Un cusacchinu à frange di stamina ;
- Quandu lu porti pari una spusata.
- In ghiescia la dumenica da mane
- Sì l'inviglia di tutte e paesane.
- Vulentier lascerie d'esse Scappinu
- Per esse u casacchiu, ch'eo ti dunai
- E stringhie lu to senu alabastrinu ;
- E or chì durmendu in lettu ti ne stai
- Oh fussi u cavizzale, o u cuscinettu
- O u lenzolu supranu d'u to lettu !
[edit] U testu in corsu mudernu
Eccu u testu di u Sirinatu di Scappinu, adattatu in corsu mudernu:
- O spechju d'e zitelle di la pieve
- O la mio chjara stella matuttina
- Più bianca di lu brocciu è di la neve
- Più rossa d’una rosa damaschina
- Più aspra di a cipolla, è di u stuppone
- Più dura d’una teppa, è di un pentone.
- Tù m'hai strigatu : struchiu à pocu à pocu
- Sò spitittattu, è à u core aghju gran pena.
- A notte ùn dormu, è ùn ne trovu locu
- Cume manghjà si u piverone à cena ;
- Lasciu andà le mio sgiotte à gueru intornu
- È un tessu mancu trè fattoghje à u ghjornu.
- Duve fai trischie u sabatu pe u fornu
- Eu vengu in nice di circà u vitellu ;
- Ti facciu u cherchu, è ti vò sempre attornu
- Cum'è lu to agnellettu è cagnulellu.
- Ami tantu u to cuchju è u to mertinu ;
- E pò tant'odiu porti à me mischinu.
- Se in cherciula dai cena à u mannerinu
- A sera, cogli in l'ortu l'insalata
- T'appostu, è tu ma' nun mi voi vicinu.
- Eppuru eo t'amu, è t'aghju sempre amata
- Fin da quandu era tantu chjuculellu
- Ch'ùn m'arrivava à coglie à u sumerellu.
- Lasciava scumbià l'eghje è l'agnelle
- Cullava à coglie e frutte sui chiarasgi
- Cun tecu e mi ghjucava à le piastrelle
- È guagnandu bulea l'impatta in basgi.
- D'u morsu, chì per zerga à lu puhhjale
- Tù m'attaccasti, aghju ancu u mercu avale.
- Un giornu, ch'era in tempu di sighere
- È d'orzu novu si fecìa lu pane
- Tù cantavi a diana ; eo cun piacere
- Sottu un sepalu stava ad ascultà ne.
- À l'impruvisu ti vene la tossa ;
- Eo dissi : lisca ! è tù ti festi rossa.
- Ti ricordi in quest'ultima nivata
- Tiravi e tolle, è à u to balcone supranu
- Fecia tra mezu à l’albe l'affaccata.
- Eo fecìa à boccarisa un basgiamanu.
- Quelle sere eo venìa da tè a vighjà ne
- È ghjucavamu inseme à scallamane.
- Vengu spessu cù a cetera à u to fucone
- Mi arrembu à tè ne, è allor' sò tuttu in bena,
- E sonu è cantu strunelli è canzone ;
- Mi scordu di lu sonnu è di la cena;
- U troppu, duv'eo sto, mi par di piume,
- È nun mi curu d’acciecà di fume.
- Ti dedi u core, o Filignocca ingrata
- E tuttu u meo ti sarìe prontu à dà ne.
- U casciu, ch’a mio vacca bracanata
- Mi fa' ogni jornu, eo lu vendu in cità ne
- È à l'appiattu di mamma è d'e surelle
- Ti ne accattu frisgetti, achi, è curdelle.
- T'aghju datu una reta crimisina
- Cun quattru pendalucchi, infrisgiulata
- Un cusacchinu à frange di stamina ;
- Quandu lu porti pari una spusata.
- In ghjesgia la dumenica da mane
- Sì l'inviglia di tutte e paesane.
- Vulenteri lascerie d'esse Scappinu
- Per esse u casacchiu, ch'eo ti dunai
- È stringhje lu to senu alabastrinu ;
- E or chì durmendu in lettu ti ne stai
- Oh fussi u cavizzale, o u cuscinettu
- O u lenzolu supranu d'u to lettu !
