Salvatore Viale
From Wikipedia
Salvatore Viale (1787-1861) hè un autore corsu. Hè cunsideratu cum'è l'autore di u prima testu litterariu in lingua corsa. U Sirinatu di Scappinu, chì si trova in u Cantu quartu di a Dionomachia di Salvatore Viale hè cunsideratu cum'è u prima testu di a litteratura corsa.
[edit] Biografia
Salvatore Viale nasce in Bastia u 6 di settembre di u 1787. Hè u figliolu di Maria Nicolaia Prelà è di Paulu Agustinu Viale. Da l'età di setti à dodici anni, hè educatu in e Ville di Petrabugnu, induve ellu impara u latinu. Versu a fine di u 1803, cuntinueghja e so studie in Roma. Studieghju u drittu, a lingua greca classica è a litteratura. U so babbu more in u 1805. In u 1808,Salvatore Viale si ne volta in Corsica per sustene a so famiglia. In u 1809, riceve u so diplomu d'avucatu in Pisa. In u 1812, cumencia à scrive u so puema A Dionomachia, ch'ellu finisce in u 1813.
Ma Viale participeghja dinù à a vita pulitica. L'11 d'aprile di u 1814, hè elettu da l'assemblea dopu à a rivolta populare, cum'è membru è sicritariu di u Cumitatu Superiore creatu in Bastia.
In u 1815, Salvatore Viale parte dinù à Roma. Participeghja quallà à a vita litteraria, fendu parte di l'accademia Tiberina. Ma Lisandru Colonna d'Istria, u procuratore generale di Bastia, u face numinà in 1816 à a Corte prevotale di Bastia. Vultendu in Bastia, Viale face publicà in LIvornu in u 0817 a Dionommachia. Viale hè elettu dopu cum'è ghjudice d'istanza à u tribunale di Bastia. In u 1823, Salvatore Viale face stampà a Dionommachia in Parigi. À l'epica, participeghja dinù à a Sucietà centrale di struzzione publica di Corsica, in Bastia.
Salvatore Viale pò esse cunsideratu dinù cum'è un di i primi autori d'un' antologia di a litteratura corsa. Hà cuntribuitu in particulare à a redazzione di i Canti populari corsi di Niccolò Tommaseo. È hà scrittu dinù i so Canti populari di Corsica, un' antologia di a litteratura corsa di l'epica chì cuntene numerosi nanni, voceri, sirinati è puesie di i primi autori corsi cum'è Guglielmu Guglielmi.
[edit] Bibliografia
- Dei Principi delle Belle Lettere, Bastia, 1813 (II edizione 1843).
- Dionomachia, Bastia, 1817.
- Serenatu di Scappinu, in a Dionomachia: u prima testu litterariu in lingua corsa.
- Poesie Giocose, Bastia, 1817.
- Prose Giocose, Bastia è Parigi, 1828.
- Prose serie, Bastia è Parigi, 1828.
- Poesie serie, Bastia è Parigi, 1828.
- Canzoni contadinesche in dialetto corso, Bastia
- L'ultima vendetta, Bastia, 1837
- Canti popolari corsi, Bastia, 1843.
- La sposa d'Abido, saggio di versi italiani e di canti popolari corsi, Bastia e Bruxelles, 1843.
- Dell'uso della lingua patria in Corsica (p. 25-37) in Archivio storico italiano
- Novelle corse, Bastia è Trieste, 1846.
- Sopra lo stile della versione poetica dell'Iliade di Melchiorre Cesarotti
- Delle cagioni e degli effetti della moderna letteratura romanzesca, 1835
- Canti popolari corsi, Fabiani, Bastia, 1855
- Componimenti in versi e in prosa, Vieusseux, Firenze è Bastia, 1857
- Dell'uso della lingua patria in Corsica, Vieusseux, Firenze, 1858 (sulla lingua italiana).
- Dell'uso dei costumi corsi, Vieusseux, Firenze è Bastia, 1860.
[edit] Referenze
- Santu Casanova e Autori vari, Almanaccu di a Muvra, Bastia, 1933.
- Sabino Acquaviva La Corsica: Storia di un genocidio, Franco Angeli, Milano, 1987.
- Francesco Silvio Orlandini, Scritti in verso e in prosa di Salvatore Viale, 1861, Firenze, Delice le Monnier
- D. Diamilla Müller, Biografie Autografe ed Inedite, 1853, Torino, p. 352-356 (pdf: p. 357-360))
| I scrivani in lingua corsa |
|
Ghjuvan Ghjacumu Albertini - Ghjuvanni Ambroggi - Lisandru Ambrosi - Dumenicu Andreotti - Guidu Benigni - Marcu Biancarelli - Dumenicu Carlotti - Santu Casanova - Matteu Ceccalci - Ghjuvan' Maria Comiti - Rinatu Coti - Simonu Dary - Paulu Matteiu Della Foata - Ghjuvan' Ghjiseppu Flori - Ghjuvan' Ghjiseppu Franchi - Ghjacumu Fusina - Carulu Giovoni - Guglielmu Guglielmi - Petru Santu Leca - Petru Matteu Lucciana - Anton' Bastianu Lucciardi - Ghjuvan' Petru Lucciardi - Lisandru Marcellesi - Antone Leonardu Massiani - Ghjuvan' Luigi Moracchini - Roccu Multedo - Lisandru Muzy - Bastianu Nicolai - Ghjannettu Nottini - Saveriu Paoli - Anton' Battista Paoli - Arnestu Papi - Antone Marcu Peretti - Tumasgiu Pasquale Peretti - Simon' Paulu Poli - Ghjuvan' Petru Ristori - Petru Rocca - Ghjuvan' Teramu Rocchi - Natale Rocchiccioli - Ghjacumu Simonpoli - Ghjacumu Thiers - Anton' Filippu Trsitani - Dumenica Verdoni - Dumenicu Antone Versini - Ghjacumu Santu Versini - Salvatore Viale |
