Кузьмина Вера Кузьминична
Wikipediaри материал
Кузьмина Вера Кузьминична, — Чăваш академи драма театрĕн актриси. 1923 çулхи чӳк уйăхĕн 16 Çĕрпӳ уесĕнчи (халĕ Чăваш Енĕн Тăвай районĕ) Енĕш Нăрваш ялĕнче çуралнă.
[тӳрлет] Пурнăçĕ
1947 çулта ГИТИСăн чăваш студине вĕренсе пĕтернĕ. М.М. шкулĕ Вара Кузьминаран тĕрлĕ енлĕ акрисăна хатĕрленĕ.
1958 çулта Чăваш АССРăн тава тивĕçлĕ артистки, 1967 çулта РСФСР тава тивĕçлĕ актриси, 1975 çулта РСФСРăн халăх артистки, 1980 çулта СССР халăх артистки ячĕсене тивĕçлĕ пулнă. 1973 çулта унăн ятне Чăваш АССРăн Ĕç Мухтавĕпе Паттăрлăх Хисеп кĕнекине çырса хунă. Халăх туслăхĕн орденне, 4 степеньлĕ «Тăван çĕршыв умĕнчи тава тивĕçлĕ ĕçсемшĕн» орденĕсене тивĕçлĕ пулнă. 1991 çулта К. В. Иванов ячĕпе хисепленсе тăракан Чăваш Енĕн патшалăх премиĕн лайриачĕ пулнă.
1999 çулхи ноябрĕн 13-мĕшĕнче Раççей Президенчĕ Указĕпе Тăван çĕршывăн театр искусствине аталантарас енĕпе пысăк вăй хунăшăн IV степеньлĕ "Тăван çĕршыв умĕнчи тава тивĕçлĕ ĕçсемшĕн" орденпа наградăланă. Маларах В.К.Кузьмина "Халăхсен туслăхĕ" ордена тивĕçнĕ.
[тӳрлет] Ролĕсем
Чи паллă рольсем çинчен калас пулсан çаксене асăнмалла:
- Уля Громова ("Молодая гвардия", 1947);
- Анисья ("Власть тьмы", 1966);
- Полинка (А.Макаенкăн "Трибунал", 1972);
- Амăшĕ (Ф.-Г.Лоркин "Кровавая свадьба", 1974);
- Кетерук (Н.Айзманăн "Кай, кай Ивана", 1965, 1974);
- Сентиер амăшĕ (П.Осиповăн "Айдар", 1965, 1988);
- Михетер арăмĕ (К.Ивановăн "Нарспи" тăрăх лартнă, 1979);
- Ильинична (М.Шолоховăн "Тихий Дон" тăрăх лартнă, 1981);
- Амăшĕ (Б.Чиндыковăн "Ежевика вдоль плетня", 1990);
- Хора ертсе пыракан (Н.Сидоровăн "Плач девушки на заре", 1995);
- Эухени асанне (А.Касонăн "Деревья умирают стоя", 1996);
- тата ыттисем.
Çавăн пекех Н. Терентьев çырнă пьесисенче вылянă рольсем:
