Лазарева Александра Назаровна
Wikipediaри материал
Лазарева Александра Назаровна (хĕр чухни хушамачĕ Агакова), — прозаик. 1917 çулхи çу уйăхĕн 5-мĕшĕнче Чăваш Енĕн Муркаш районĕн Çĕнĕ Тăмлай ялĕнче çуралнă. 1978 çулхи чӳк уйăхĕн 24-мĕшĕнче Шупашкарта çĕре кĕнĕ.
1960 çултанпа СССР ÇП членĕ. «1941-1945 çулсенчи Тăван Çĕршывăн Аслă вăрçи вăхăтĕнче хастар ĕçленĕшĕн» медале, Чăваш АССРĕн Аслă Канашĕн (1967), КПСС обкомĕн, Чăваш АССРĕн Министрсен канашĕн хисеп хучĕсене тивĕçнĕ.
[тӳрлет] Пурнăçĕ
Анат Кĕнер колхоз çамрăкĕсен шкулĕнче, Балашоври авиаци техникумĕнче вĕреннĕ. Анчах сывлăх çитейменнипе пилот ĕçне хăварма тивнĕ. Ленин çулĕпе журналăн литература сотрудникĕ вырăнĕнче вăй хунă. Вăрçă çулĕсенче Чăваш радиокомитечĕн литература передачисен редакторĕ пулнă.
[тӳрлет] Ĕçĕсем
«Пурнăçланнă ĕмĕт» калавĕ «Сунталта» 1938 çулта пичетленнĕ. Ун хыççăн 15 кĕнеке тухнă:
- «Савăнăç» (1955);
- «Чипер Анна» (1956);
- «Çутă пĕве»;
- «Ырă ĕмĕт» (1960);
- «Пирĕн таврара» (1963)
- «Хĕр чĕри» (1971);
- «Телейлисем» (1977);
- «Савăнтар çынсене» (повесть, 1978);
- «Санăн çитмĕл çичĕ тус»;
- тата ыттисем.
Унăн кĕнекисем мари, мăкшă, удмурт, вырăс тата ытти чĕлхесем çинче тухнă.
Хăй чăваш чĕлхи çине Карим Мустай, В. Осеева, В. Розов ĕçĕсене куçарнă.
[тӳрлет] Литература
- Малов А. Ăна вулакансем килĕштереççĕ // Тăван Атăл. 1967. 3№;
- Юрьев М. Çутă ĕмĕтпе // Коммунизм ялавĕ. 1967. Çӳ уйăхĕн 5-мĕшĕ.
