Khartole
Wikipediya ra, ensiklopediya xosere
Khartole (Latinki: Solanum Tuberosum), koka gıloreloçıkına yew nebatiya (reweya) ke bınê erdi de rewena, coka cı ra “saya erdi” ki vaciyena, serê sebzeyan ra mariyena. Khartole de zaf hidrokarbon esto, pewciyena u weriyena. Dınya sero yew serre de heta 300 (hirê sey) milyon ton khartoli veciyenê u her ca de sıfrê merduman ra kemi nêbenê.
Khartoli tewr verên de Çile de veciyê. Vatene ra gore 13.000 serri İsay ra ver insanan khartoli werdê.
Dınya de, tewr zêde Çin (66,573 milyon ton), dıma Rusya (Urusya) (32,871 milyon ton), Hindıstan (24,082 milyon ton), Dewletê Amerikaê Yewbiyaey (20,856 milyon ton), Ukrayna (16,620 milyon ton), Polonya (15,524 milyon ton), Almanya Federale (11,492 milyon ton), Belarus (7,421 milyon ton), Hollanda (7,363 milyon ton), Fransa (6,877 milyon ton), Britanya Gırde (6,375 milyon ton) u Tırkiya (5,200 milyon ton) de khartoli ramiyenê. Nê 12 dugeli % 71 khartolanê dınya vecenê.
Kategoriy: Nebat | Botanik | Biyolociye | Yaban u Dorme
