From Wikipedia
Al pruvénzi d'l Emégglia-Rumâgna
L'Emégglia-Rumâgna l'è na regiån itaglièna cun 4 migliòn d'abitànt. La so capitèla l'è Bulåggna. La cunféna a maténna col Mèr Adriâtic, piò sò col Vènet e la Lunbardî, a sîra col Piemånt e la Ligûria, piò zå cun la Tuschèna, al Mèrch e San Marén. La regiån l'è stè massa insàmm da l'ugnån ed dåu vèci regiòn, l'Emégglia (pruvénzi ed Piesänza, Pèrma, Räz, Modna, Frèra e la pruvénzia ed Bulåggna a sîra del turänt Siller (praticamänt sänza al distratt ed Iommla). L'ètra pèrt (al distratt ed Iommla, al pruvénzi ed Furlè-Ziséna, Ravänna e Rèmin fan pèrt invézi d'la Rumâgna. La vècia Rumâgna la tòl insamm anca pèrt d'la Tuschèna e dal Mèrch.
