Rèz
From Wikipedia
 |
Artécol in dialèt arsân |  |
|---|---|---|
Rèz (Reggio nell'Emilia in italiân) l'é 'na sitèe ed 148.732 abitânt, capolôgh d'la sô pruvincia. L’é situeda a cavâl ‘dl Via Emélia e al sbòc ‘dl val dal Crostél tr’al Sècia e l’Einsa, a més tra Pèrma e Mòdna. Al strêdi prinsipêli, oltre la Via Emélia ca’la travêrsa da est a ovest, a ghé l’autostrêda dal Sôl (Milàn-Ròma) c’la córr pêra a la Via Emélia, la statêla 63 che a nord la và vêrs Mantva a sud la và vêrs La Spèsia, po’ ghé la 467 vêrs Sasôl, la 468 vêrs Curèz in diresiòun ed Chèrp. La cunfìna: a nord cun i comûn ed Campèsen, Càdelobôsch ed Sôver, Bagnôl; a est cun i comûn ed Curèz, San Martèin, Rubēra; a sud cun i comûn ed Casalgrànd, Scandiân, Albinèa, Quâter Castē; a ovest cun i comûn ed Bibiàn, Queriêgh, Muntèc, Sant’Ilâri. La ga’ n’estensiòun ed 231,55 chilometér quadrê. Al codic d’aviamèint pôstél :42100. Al prefèss telèfonic: 0522. L'é famôsa pr'èser la sitèe in-dô l'é nê al triculôr italiân e per al sò Teâter Municipêl.
