Wikipedia:Lühkü pruukmisoppus
Läteq: Wikipedia
Lühkü pruukmisoppus (noilõ, kiä viisi-i pikki oppuisi lukõq): sinidseq lingiq veeväq olõmanolõvidõ artiklidõ mano; verevile lingele om artikli mõtõld, a tuu tulõ viil kirotaq. Verevät linki klõpsatõn saat leheküle pääle, kohe saat kirotaq vahtsõ artikli. Ku verevät linki olõ-i, sis kirodaq vahtsõ artikli nimi otsmiskasti ja vaodaq nuppi "Mineq" vai "Otsiq". Ilmus lehekülg tekstiga, et säänest artiklit olõ-i. Säältsamast tekstist lövvät ka artikli nime verevä lingi. Klõpsat sinnäq pääle ja nakkat artiklit kirotama.
[toimõndaq] Miä edesi?
Ku olõt uma jutu ärq kirotanuq, sis vaodaq tuu pästmises nuppi "Pästäq" (Save). Ku panõt sõna katõkõrdsidõ nulksulgõ [[ ]] sisse, sis luut lingi tõõsõ artikli pääle. Midä om vaihõpääl tett, tuud näet perämäidsi muutuisi leheküle päält. Katõgoorijidõ abiga näet ka tõisi samma asja pututavit artikliid. Ku artiklin jäi midägi segätses vai jäi tarvilinõ teedüs löüdmäldä, sis panõq umaq küsümüseq nuppõ "Arotus" (Discussion) ja "Toimõndaq" (Edit) abiga sama artikli arotusküle pääle. Har'otaq võit liivakastin.
