Cjaurêt
De Vichipedie, la enciclopedie libare dute in marilenghe.
Cjaurêt (Kobarid par sloven), al è un comun de Slovenie di 4472 abitants. Il comun al à un 33 localitâts, la plui grande e je Cjaurêt cuntun 1238 abitants. Cjaurêt e je logade intune posizion strategjiche te alte val dal Lusinç.
Cjaurêt e je famose soredut pe bataie de Grande Vuere, tra i 24 di Otubar e i 9 di Novembar 1917, dulà che i talians a combaterin cuintri dai austriacs; la bataie finì cuntune clamorose sconfite pal esercit talian, che al scugnì ritirâsi fin su la Plâf, parcè che no esistevin plans pe difese. Intai agns '90 al è stât fat su un museu par ricuardâ chescj events. Intal sacrari di Sant Antoni, logât parsore di un cuel, a polsin 7014 soldâts dal esercit talian.
Cjaurêt al fasè part dal Ream di Italie de fin de Prime Vuere Mondiâl fintremai la fin de Seconde.
[cambie] Leams esternis
- sît dal comun (sloven) (inglês) (talian) (todesc)
- Museu de prime vuere mondiâl (sloven) (inglês)
- LTO ufici turistic (sloven) (inglês) (talian) (todesc)
