Ebraisim
De Vichipedie, la enciclopedie libare dute in marilenghe.
L'Ebraisim al è la religjon dal popul ebraic, cun plui di 15 milions di crodincj (dâts dal 2006). Secont il so pinsîr, daspò de creazion dal mont, Diu al à stabilît un pat cul popul ebraic e i à rivelât i siei comandaments cun lis taulis da la Torah (Leç). Lis pratichis religjosis ebraichis e son leadis al studi e a la osservance di chei comandaments.
I Ebreus a considerin come libris sacris cualchidun jenfri chei dal Vieri Testament: lor a àn conservât dome i libris che a son scrits par intîr par ebraic; par chest ta chel cristian (catolic) a son libris - come par esempli "Judite", in part tramandât par grec - che tal ebraic a no son .
I valôrs dal Ebraisim a son in part i fondaments di altris religjons: par chest (e no dome par il Vieri Testament) al è in part leât al Cristianesim e al à similitudinis cun altris religjons, come l'Islam e il Samaritanisim.
Ebraisim, Islam e Cristianesim a son clamâts lis tre grandis religjons monoteistichis.
A diference di altris religjons e civiltâts antighis, l'ebraisim a si fonde su le storie e no su le mitologjie.
La so origjin e je cirche di 4000 ains fa.
Il popul ebraic al dissint da un antîc ramaç de semence semitiche. Il primarûl Abram al emigrà da Ur de cjaldee, al pais di Canan prometût dal Idiu.
Dopo di lui al fo Jacop e i soi 12 fiis che a formarin lis 12 tribûs, une di chestis a fo che di Jude, di achì il non Judeus.
A seguirin lis liendis di Moisès, dai svariâts predis e re come Saul, Davide, Salomon e atris.
Intal IV secul p.d.C. le comunitât ebraiche, sogjete a continuots cambiaments, e fo somerzude dal continui vignî indenant de culture eleniche. A subirin intal I secul d.C. le dominazion dai romans.
Cu le distruzion di Jerusalem e dal so templi templi intal 70 d.C. pratichementri e finì le adorazion al templi e di li indenant l'ebraisim a si spandè in ogni ambient culturâl.
L'ebraisim al è une religjon monoteistiche e a al sosten che l'Idiu al interven inte storie umane, specialmentri in relazion ai ebreus.
Le adorazion ebraiche a comprint diviersis fiestis anuâls e svariadis usancis.
Fiestis:
Shabbat fieste de sabide Yom Kippur fieste dal dî di espiazion Sukkot fieste des staipis Hannukkat fieste de dedicazion Purim fieste de sorte Pesach la Pasche ebraiche.
Ciertis usancis:
Circoncision praticade cuant che i mascjos a àn vot dîs Bar mitzvah cuant che i fruts a razunzin le maturitât Mezuzah une strisse di pergamene dulà che son scrits tocs di Deuteronomi Yarmulke calote pai mascjos che si metin sie dentri che fûr de sinagoghe
I ebreus a crodin intun Idiu unic, e che l'om al à une anime imortâl
A insegnin che il non dal Idiu, pûr esistint in forme scrite, al è masse sacri par jessi pronunciât. Fra i lôr scrits sacris, che lôr a crodin che e sedin stâts scrits sot nivei di ispirazion diviers e di ribe jù, partant ju metin in chest ordin:
- Torah i cinc libris di Moisès o Pentaeuco
- Nevi'im i Profetis
- Kethuvim i Scrits o oparis poetichis.
A àn po dopo un pilastri centrâl, il Talmud, che al è il coment scrit cun spiegazions de Leç. Al è dividût in dôs parts principâls: Mishnah e Gemara
I ebreus a no ricognossin Jesus come Messie tant al è che lu spietin ancjemò.
