Pignarûl
De Vichipedie, la enciclopedie libare dute in marilenghe.
La tradizion dal Pignarûl, ven a stâi impiâ i fûcs par parâ vie lis maledizions, e je di origjine celtiche, leade probabilmentri al domandâ la protezion di Baleno, il diu dal fûc. Il Cristianisim al à conservât cheste tradizion che e je rivade fint tai dîs di vuê. In dut il Friûl, la sere dal 6 di Zenâr, o in chê dal 5 di Zenâr e vegnin impiâts i Pignarûi, tassis di lens, fen, robe vecje e dut ce che si pues brusâ. A seconde di indulâ al va il fum,a si pues fâ une prevision su cemût ch'al sarà l'an gnûf, secont il proverbi se il fum al va a soreli a mont, cjape il sac e va pal mont, se il fum invezit al va de bande di soreli jevât, cjape il sac e va al marcjât. In cualchi câs parsore dal pignarûl e ven metude la figure di une femine, ispirade a la figure de befane, che però secont i studiôs e je une inovazion moderne, che cjape dentri altris tradizions talianis.
Cûi ch'al fâs lis previsions al è in diviers puescj il Vecjo Venerant, che al sarès une figure che vise chê dal druide, il sacerdot tradizionâl celtic.
[cambie] I nons ator pal Friûl
No pardut i fûcs epifanics a si clamin pignarûi, ancje se cheste peraule e je cognossude; par esempli inte basse a si clamin cabossa o fugarela; altris nons a son foghere, fogoron, panevin, baraca e casera.
[cambie] I plui cognossûts
I pignarûi plui famôs dal Friûl e son:
