Prefìs telefonic
De Vichipedie, la enciclopedie libare dute in marilenghe.
Un prefìs telefonic (a voltis ancje prefìs telesetîf) al è une serie di numars che si metin devant di un numar telefonic par identificâlu miôr, in gjenar par distingui lis diviersis zonis di un paîs (regjons, provinciis, o distrets plui piçui) o ben par separâ i variis servizis telefonics (par esempli i numars de telefonie mobil da chei fis e da chei di emergjence).
Ogni paîs al à un prefìs telefonic internazionâl, che lu separe di chei altris, ch'al scomence cun 00 (cu la ecezion di Canade e Stâts Unîts di Americhe); pai codiçs locâi invezit nol è un standard: in ciert stâts la lungjece e je fisse (3 numars in Canade, 1 in Australie), in altris e cambie (in Gjermanie e Austrie e pues lâ di 2 a 5 numars); in altris ancjemò il prefìs al pues jessi incorporât tal numar, come par esempli in Spagne e in Norvegje.
[cambie] I prefìs telefonics in Italie
- "00" iniziâl: prefìs internazionâi
- "0" iniziâl: prefìs locâi, fûr che 0878 che al indiche une tarifazion difarente
- "3" iniziâl: prefìs pe telefonie mobil
- "1" iniziâl: servizis di utilitât, ca di un pôc sostituîts cun un 4 iniziâl; a scomençaran cun l'1 dome i numars di emergjence (112/113/115/117/118)
- "8" iniziâl: numars verts (800/803), numars a cost ripartît (848), numars a valôrs zontât (89)
- "7" iniziâl: servizis di trasmission di dâts, cun tarifazion diferenziade (702) o "vert" (700)
[cambie] Cjale ancje
- Prefìs telefonics internazionâi
