Sant Ramacul
De Vichipedie, la enciclopedie libare dute in marilenghe.
Sant Ramacul (loc. Sant Ermacore) al fo il prin vescul di Aquilee
Nassût dongje la metât dal III secul, la devozion viers chest sant, e je une vore difondude in dute la regjon. Lis notiziis che o cognossin a son vonde pocjis, ma une liende vonde difondude e conte che Sant Marc l'evangjelist, mandât da Sant Pieri a convertî la alte Italie, une volte rivât a Aquilee, al cjatà un om che si clamave Ramacul. Une volte convertît al cristianisim, Ramacul al deventà il vescul de citât.
Une version de liende e conte che al fo Sant Pieri in persone a consacrâlu. Sant Pieri al mandà S.Marc in Egjit mentri Ramacul al vignì mandât a Aquilee, indulà che Fortunât al deventà il so diacun. Une volte difondude le peraule di Idiu, e forin martirizâts ducj doi sot dal imperadôr Neron mediant decapitazion. La liende al vûl che vegnin tignûts inte Cripte Mesenziane de Basiliche di Aquilee.
Ducj doi e vegnin ricuardâts ai 12 di Lui.
