Siencis militârs
De Vichipedie, la enciclopedie libare dute in marilenghe.
Lis siencis militârs a son l'insiemit dai studis multi dissiplinârs des vueris e dai conflits armâts. La analisi e cjape dentri i aspiets tecnics, psicologjics, pratics e storics par viodi il mût in cui une part e je rivade o e podarès rivà a vinci sul aversari.
Par tradizion lis siencis militârs a vegnin dividudis in sîs brancs principâi.
Indis |
[cambie] Organizazion militâr
E studie lis miôrs metodologjiis par organizâ lis unitâts armadis. Si ocupe dai problemis e dai timps di arolamint e dismobilitazion, e cemût governâ militarmentri une tiere a pene cjapade al nemì.
[cambie] Adestrament militâr
Al studie i metodis par adestrâ i soldâts e i uficiâi. L’adestrament al pues jessi sedi dai soldâts cjapâts ugnui, sedi des unitâts grandis che a àn di movisi coordenadis, sedi des unitâts di riserve e iregolârs.
Ai uficiâi e a chei che a varan di comandà si à di fâju studiâ ancje i aspiets teorics des siencis militârs.
[cambie] Storie militâr
E studie lis vueris dal passât par capì lis tecnichis, lis tatichis e lis strategjiis dopradis. Ancje se il fat di doprà armis plui modernis al podarès fâ pensâ che il passât nol contedi plui di tant, il capì i sbalios fats al insegne une vore. Par chest i comandants a studiin la storie passade.
[cambie] Gjeografie militâr
La gjeografie dal teren di batie e condizione une vore il scombatiment, lis tecnichis e lis tatichis di doprà e i problemis di aprovigjonament.
Une vore di vueris son stadis decidudis dal fat di no vê tignût in cont la influence gjeografiche sul davuelziment de lote.
[cambie] Tecnologjie militâr
E studie lis tecnologjiis che si son dopradis in passât e chês che si puedin doprâ al presint. Di spes la vuere e i militârs a àn sburtât il progrès tecnologjic cun le lôr domande di armis simpri plui buinis.
[cambie] Strategjie militâr
E je il centri des siencis militârs parcè che e cîr di ridusi i tancj fatôrs studiâts par tirà fûr une schirie di regulis di doprâ a secont des situazions sul cjamp di bataie. La strategjie e viôt la situazion gjenerâl de lote e e cîr di rivâ ai risultâts e ai obietîfs finâi.
[cambie] Viôt ancje
- Strategjie militâr
- Tatiche militâr
- Armis
- Cuarps militârs
- Pacifisim
