Zardinaç
De Vichipedie, la enciclopedie libare dute in marilenghe.
Lavorâ tal zardin a vûl dì viodi des rosis e des plantis ornamentâls. E je une ativitât che i plui a fasin par hobby e cualchidun al fâs par mistîr.
Le diference ca je cun la agricolture e in particolâr cun la coltivazion des rosis, a stâ tal fat che tai zardins no si metin grandis estension di plantis, ma si trate di meti dongje e tirà su diviersis tips di rosis cun fin soredut ornamentâl e a fâlu ben a vûl snait par sielzi lis plantis justis.
[cambie] Storie dal zardinaç
Il zardin, come puest par divertîsi o par polsà al nas te antichitât. Famôs a jerin par esempli i zardins di Babilonie. Te antighe Grecie si cjatavin zardins tes cjasis dai siôrs, a jerin ancje numerôs zardins publics di spes dongje i templis e cun bielis statuis e fontanis.
I zardins si cjatin ancje tes cjasis dai romans dulà che si usave taià lis plantis in mût di riprodusi sienaris de mitologjie.
Durant la etât di mieç i zardins si cjatavin dentri lis abaziis o i cjastiei. Cul rinassiment si comencin a fâ i zardins ale taliane dulà che te progjeatazion si dopre la gjeometrie e la prospetive par creà des viodudis spetacolaris.
Tai secui seguitîfs la art dal zardinaç si disvilupe une vore prime in France e dopo in Inghiltere.
Vie pal mont si cjatin altri manieris di viodi i zardins. Si va da chei grancj dai palaç dai princips persians, arabs e cinês a chei completamentri diferents dai gjaponês che an par fonde la filosofie Zen.
[cambie] Vôs leadis
- Arbui di pome
- Botaniche
- Vegetazion
- Flore
- Floriculture
- Rosis
- Plantis grassis
- Plantis ornamentâls
- Species botanichis dal Friûl
- Zardins arabs
- Zardins a la taliane
- Zardins francês
- Zardins Zen
