Moskou

From Wikipedy

Wapen	Kaart

Basisgegevens
staat:	Ruslân
oerflak:	1.097,12 km²
tal ynwenners:	10.406.578 (1 jannewaris 2005)
ynwennerstichthyd:	9.485 ynwenners/km²
hichte:	156 m boppe seespegel
postkoades:	101000-129626
geografyske posysje:	55° 46' N, 37° 40' E
stedsyndieling:	10 distrikten
offisjele webside:	mos.ru
e-post adres:	mayor@mos.ru
polityk
buorgemaster:	Joeri Michailowyts Lûsjkow
list mei stêden yn Ruslân

Moskou is de haadstêd fan Ruslân, of better sein fan de Russyske Federaasje. De stêd leit midden yn it Europeeske part fan Ruslân en hat sa'n 11,2 miljoen ynwenners.

Moskou is in metropoal mei in soad foarstêden mei fletgebouen, dy't om it histoaryske sintrum lizze. Guon toeristyske trekpleisters yn Moskou:

it Kremlyn
it Reade Plein
de Basiliuskatedraal
it Bolsjojteater
de Kristus-Ferlosserkatedraal
de Maneezje
it Poesjkinteater.
it Mausoleum fan Lenin
de Sân Susters
it Polytechnysk Museum
it Romanowhûs
it GOeM
it Lûbjankaplein
it Gorkipark
it Nowodewitsjie Kleaster

[bewurkje seksje] Skiednis

Yn 1156 waard it houten fort (Kremlyn) oan de rivier de Moskwa boud, wat it begjin wie fan de Moskouse metropoal. Yn 1367 lit Dmytri Donskoj de muorren fan it Kremlyn yn kalkstien herbouwe. Fanwege Tartaarske oanfallen moasten de muorren fan de stêd yn 1571 fersterke wurde troch Iwan de Ferskriklike (1533-1584). Yn de midsieuen wurde op it Reade Plein, neist it Kremlyn, jiermarkten en eksekúzjes hâlden. Michail Romanov wurdt yn 1613 troch de machtichste buorgers ta Tsaar ferkeazen, en set útein mei de 300 jier duorjende famyljehearskappij yn Ruslân.

Yn 1712 ropt Tsaar Peter de Grutte Sint Petersburg út ta haadstêd en Moskou sil 200 jier lang de twadde stêd fan it lân wêze. Ek Katarina de Grutte hie Moskou net sa heech; hja fûn it mar in achterlike stêd en hat der nea lang wenne. Yn 1812 falt Napoleon Moskou binnen en dit blykt it kearpunt yn de kriich. Twatredde fan de stêd brânt ôf en in nij stêdsplan betsjut in nije takomst foar Moskou.

[bewurkje seksje] Demografy

Historyske ynwenneroantallen

Jier	Tal ynwenners
1400	40.000
1638	200.000
1710	160.000
1725	145.000
1738	138.400
1775	161.000

Jier	Tal ynwenners
1785	188.700
1811	270.200
1813	215.000
1825	241.500
1840	349.100
1856	368.800

Jier	Tal ynwenners
1868	416.400
1871	601.969
1888	753.459
1897	1.038.600
1912	1.617.157
1920	1.027.300

Jier	Tal ynwenners
1926	2.101.200
1939	4.609.200
1959	6.133.100
1979	8.142.200
1989	8.972.300
2002	10.383.000

[bewurkje seksje] Ferfier

Metrostasjon "Kiewskaja“

Mei de ferneamde metro kin men rap en maklik de stêd troch. It metrosysteem is oanlein troch Stalin yn it ramt fan syn stêdsfernijing. De metro rydt faak, is betrouber en net djoer. Der binne in talvetal linen mei mear as 150 stasjons. De metrostasjons binne grut en mei prachtige ynterieuren oanlein.

Yn Moskou binne goeie bus- trolleybus- en tremferbinings. Autoride yn Moskou is foar Westerlingen in fak apart. Ferkearsrigels lykje hjir net te wêzen, it read ferkearsljocht betsjut lang net altyd dat dêrfoar wachte wurdt. Autoriders binne agressyf en jouwe inoar gjin foargong. Autoos ride troch inoar hinne en wike gauris út fanwege gatten yn de dyk. Plysjes meie autoriders sûnder reden oanhâlde, om dêrnei in bekeuring út te dielen as oanfolling op harren salaris. Omdat de ynwenners hyltyd riker wurde, komme der mear atoos op de diken. De filefoarming is no ien fan de grutste problemen foar it stêdsbestjoer.